كرسى الاعتراف

[FRANKENSTEIN]

المشاركة الأصلية كتبت بواسطة asdat

مكان حد ايه بس
ده حضرتك انقذتنى
حد يلاقى كل يوم انقاذ زى كده


هههههههههههههههههههه
ماهي المشكله اني انا اللي ادبست
المهم عشان كده الواحد يفتتح الحفله

1- ليه اختارت اسم فرانكنستاين
( مش ده اسم العالم الجهبذ اللى عمل الوحش )


اكيد طبعا اسم العالم او الدكتور مش اسم العالم اوا الدكتور مش اسم الوحش
بصي حضرتك الدكتور دا زي ما صورته ماري شيللي ف روايتها
كان ليه هدف او حلم هو انه يقدر يتحدي الموت
مش مشكله اذا كان الحلم ممكن نقول صعب او مستحيل
الاهم بتكون الاراده
يعني الراجل قدر يحقق حلمه
اللي اغلب الناس ظن انه هلوسه او جنون
يعني صحيح ف النهاية
فيه حاجات ف الحياه صعب فيها التجربه او المغامره
ونهايته كانت مأساوية
بس الاهم انه كان ليه هدف وحققه
بس :d
2- ايه هي هوايتك
القراية والشطرنج والفيفا
3- حضرتك فى كليه طب
صح
حاببها
؟؟

ههههههههههههههههههههه
سؤال غريب بجد
الا صحيح شفتي قبل كدا حد بيحب الكلية دي
يللا اهو زي ما بيقول ابو العلاء المعري
مشيناها خطي كتبت علينا ..ومن كتبت عليه خطي مشاها
4- ليه على طول بحس ان حضرتك قرفان او بلاش قرفان زهقان كده من كل حاجه


ههههههههههههه
المشكله انا كمان بحس اني زهقان من كل حاجه
حاجه غريبه اوي ع فكره
بس بصراحه ايه الشئ اللي يفرح او يسعد
الحياه نفسها ممكن تكون ممله او كئيبه
الانسان ف الحياه اشبه بتنتالوس في الميثولوجيا الاغريقية
دا ملك اغريقي حكمت عليه الالهة بالعذاب. أما عذابه فقد وضعوه في بحيرة من الماء العذب. وحكموا عليه بالعطش أبدا. فأوقفوه في البحيرة وجعلوا الماء يرتفع حتى شفتيه فإذا انحنى يشرب انحسر الماء أبدا ووضعوه عند سفح الجبل وجعلوا الصخور تتساقط من الجبل ويكون لها دوي رهيب. وتسقط وتقف على ارتفاع ملمتر من رأسه.. ثم تعود أبدا
الانسان العادي ف حياته نفس الوضع او الكيفية
محكوم عليه بالوجود وسط مفاهيم او قيم غريبه او متناقضه
المفروض ييقول الصدق ومعظم اللي حواليه كدابين
المفروض يتعامل ف مجتمع مبيعترفش غير بالانسان القوي او صاحب النفوذ
باخلاق القديسين
وغالبا ما بيتحول لصوره من امثاله

بس




5- بحس حضرتك الى حد ما اكبر من سنك
ههههههههههههههه
السؤال دا بالذات مش عارف اقول فيه ايه
انتي الوحيده اللي شفتها بتقول كدا
يعني رأي الناس اللي حواليا مخالف حبتين
" عيل مستهتر مش حيكبر مش حيبقي راجل بجد يشيل مسئولية
مش حيبطل يتفرج ع كارتون
بس انا بحاول اكبر شوية

6- عرفت المنتدى منين
من اخويا
طول عمره عيل رخم
اخوات اخر زمن
ما بيجيش من وراه غير البلاوي

7- شايف ان المنتدى ناقصه ايه بالظبط
ههههههههههههه
ناقصه ايه ناقصه ايه
طب ممكن نغير السؤال ونخليه ايه الموجود ف المنتدي
غير الاعضاء
لا بصراحه المنتدي تمام وزي الفل
بس ناقصه شوية ملح

8- حابب انك تكون موجود هنا
بصراحه انا استفدي جدا م الموقع دا
يعني استفدت من الناس اللي كانوا موجودين فيه
كأسلوب وكطريقه حوار وطريقه تفكير كمان
ممكن تشوفي اول موضوع ليا وانتي تعرفي الفرق
دا لو مكنش اتحذف
الاعضاء اللي موجودين هنا ف الموقع
اي واحد يتمني انه يكون موجود معاهم
9- ايه هو اول مكان بتزوره في بوابه الدكتاتوريه العامه ؟؟واكتر عضو تحب تقري مواضيعه ؟؟
ههههههههههه
جميل اوي الاسم دا
بس هي لسه عامه ؟ أكيد خصخصوها
يعني اكتر مكان الركن العام
و العضو اللي كنت بحب اسلوبه ومواضيعه كان خالد
اسلوبه لذيذ اوي ع فكره :d

10- اكتر حاجة مديقاك في الدكتاتوريه العامه ؟؟
اللي مضايق كل الناس
فيه غيره
12- اكتر شيء يفرحك ؟؟
اني اخلص كتاب واستفيد منه
او اني افوز ف الفيفا بفرق كبير واغيظ اللي بلاعبه
فيه كمان حاجه بس ياريت متتفهمش غلط
بحب احس اني احسن م اللي حواليا
يعني تقريبا انا الوحيد ف اصحابي اللي مبيشتمش حتي لو هزار
يعني بحس اني احسن منهم ف الموكوع دا
11- اكتر شيء يحزنك ؟وحزنك بيكون شكله ايه ؟وبتعبر عنه ازاي ؟
اكتر حاجه بتزعل الشعور باللامبالاه او الاحتقار من شخص انتا بتحترمه او بتقدره
حزني غالبا بيكون صامت مبحاولش اعمل مشاكل او اتكلم مع حد
انا لما اكون زعلان يا بسمع موسيقي او بقعد ف اوضتي افكر ف اي موضوع ملوش لزمه

12- هدف نفسك تحققيه ؟
نفسي اكسب احترامي لنفسي
بمعني تاني نفسي ابقي انسان احسن
كثقافه واسلوب وخلق
13- تقول لمين :
- حسبي الله ونعم الوكيل .
ليكي طبعا
حرام عليكي
كفايه كدا
- اسف مكنش قصدي .
لناس كتير بجد
انا اسلوبي ف الكلا مع الناس مش كويس
دايما بستظرف او ارخم ودايما مبراعيش ظروف اللي بتكلم معاه
تقريبا لاي انسان انا غلطت فيه
- الله يسهلك .
مش عارف
14- لو سمحولك تمسك منصب قيادي في البلد تختار ايه؟ وليه ؟ وماهو اول قرار هتاخده ؟
فيه منصبين
اول منصب وزير الماليه ...منصب شيك ولذيذ اوي وتقريبا اول قرار حاخده
اني اضاعف مرتبي ..أشتغل ببلاش يعني
تاني منصب وزير الحربية ..منصب ليه قيمه ومركز بس ف الحاله دي مش حغيب فيه كتير لان اول قرار حاخده اني حعمل انقلاب واطيح بنظام الحكم :d
15- لو اتيحت لكي الة الزمن للسفر عبر التاريخ .... الي اي زمن هتسافر ؟
الزمن الموكود ف روايات ألف ليله وليله
يعني غالبا ف عصر هارون الرشيد
نفسي اعيش حياه بسيطه زي عيشه الصياد ف قصه ما
كان بيعيش ع شبكته
حياه بسيطه وهادية
ولا وراه كلية الصبح ولا امتحان اخر الاسبوع
ولا تلفزيون ولا كمبيوتر ولا حاجه خالص
حياه بسيطه وخلاص

و الاسئله دى اتسالت اكتر من مره
و هى لذيذه صراحه
ههههههههههههه
لذيذه اوي
ومحتاجه نفاق كتير ع فكره

مين الشخص اللى بتزعل على زعله فى السايت
؟
مفيش
بس فيه ناس كتير بضحك ع زعلها
مين حاسس إن مغرور
؟
غيري
امممم
ممكن يكون جينرال
مين الشخص اللى نفسك تقوله وحشتنى
؟
ميشوفش وحش
بس هو مين دا
ممكن نقول خالد او محمد عادل
مين الشخص اللى حاسس إن هدفه صح لكن طريقته غلط
؟
اشرف ممكن
اظن انه عايز منتداه يبقي كويس او احسن من كدا
بس طريقته ف التعامل مع الاعضاء او المشرفين
مش كويسه اوي
مين نفسك تقوله أو تقلهم إنت خساره فى المنتدى
؟
ههههههههههه
انا طبعا
انا خساره ف اي مكان
بس برضه ممكن اقول احمد رضا
مين الشخص اللى أو الأشخاص اللى أثرو عليك فى المنتدى
؟
ناس ياما بصراحه
محمد البري واسيل و الاستاذ مجدي وناس كتيره جدا
انا تقريبا استفدت من كل عضو دخلت معاه ف حوار او اتناقشت معاه
فيه ناس استفدت منها كاسلوب وفيه ناس استفدت منها
ازاي اتكلم بطريقه محترمه وفيه ناس برضه اتعلمت منها اني متناقش مع حمقي تاني
أنا شوفت ليك فى ردك على سؤال هنه إتسألك إنك ليك بعض التحفظات على تعين بعض الإدارين ياترى إيه السبب
؟
مين دا انا ؟
وانا مالي
المنتدي زي الفل وكله تمام
وياترى إنت من وجهة نظرك كان فيه نس أحق
؟
ولو فيه مين هما الناس دول
؟
اكيد فيه ناس كانت احق او احسن
بس نعمل ايه ف صاحبنا
الحمد لله معظمهم طفشوا واللي موجود مشاركاته قلت جدا
يعني كان فيه صيدلانية وكان فيه الاستاذ مجدي او الاستاذ بورسعيدي
وكان فيه مساميدو و احمد رضا و ناس ياما
بس الموجودين الي حد ما كويسين
صحيح مش زي اللي قبلهم
بس دا الموجود
لو طلبنا من تقيم لكل إدارى ومدير فى المنتدى يكون إيه تقيمك لكل شخص منهم خدهم كده بالترتيب وإنت طالع بقه وإنت نازل إنت وهواك
؟
ههههههههههه
بلاش احسن والنبي
خلاص حنرتب وخلاص
مرتبه اولي أكيد الاستاذ عصام
دا لو لسه موجود
الباقي كله تقريبا نفس المستوي او الاداء


إيه الل نفسك تحققه فى المنتدى
؟
مظنش اني عايز احقق حاجه
كل امنيتي اني اقدر اسيبه

رأيك / نصيحه / طلب / سؤال

للأشخاص التاليه

الأستاذ أشرف
اولا هو شخصيه محترمه وع خلق مقدرش انكر
بس عنده حب تملك او نوع م العناد
اشرف اقوله ايه اقوله ايه
ياريت يكون اسلوبه ف تعامله مه الاعضاء ف الموقع احسن شوية
وياريت يبطل عناد

الأستاذ عصام
الاستاذ عصام فعلا شخصيه محترمه جدا
معظم اعضاء الموقع بيعتبروه اب او قدوه ليهم
وانا بصراحه بحترم فيه اسلوبه البسيط
وطريقه معاملته الجميله لاعضاء الموقع
كفايه وجود شخصيه زي الاستاذ عصام ف الموقع
بيخلي ليه شكل ومنظر اجمل
ياريت يخليه معنا

الأستاذ حسام
برضه شخصيه محترمه جدا
بيتميز باسلوب راق وجميل
بس بصراحه مبحسش انه متواجد بين الاعضاء زي الاول

محمد السادات
انا اقدر اتكلم
ياسلام كمان مره يا سلام

مفيش كلام يقدر يعبر والله
فحكتفي بالصمت

إسلام
برضه حكتفي بالصمت
ايه السؤال اللي مش عايز يخلص دا

مصطفى
درش
ادب واخلاق ورجوله
بس ياريت ميكونش زلعان مني ف حاجه

اللورد
برضه حكتفي بالصمت
ايه السؤال العجيب دا
خلصونا بقي

أحمد رضا
احمد م الشخصيات اللي تجبر اي انسان
انه يحترمها او يقدرها
انسان محترم و مثقف
وذوق واسلوبه مرتب جدا
بصراحه خساره اوي ف الموقع دا
انا لو منك اخلع

محمود الأسطوره

مواليد نفس اليوم ونفس السنه
بس اكيد انا اكبر طبعا
محمود انسان محترم جدا ولذيذ
بس عيبه انه اهلاوي
وشكله متعصب كمان
نصيحه ليه انه ميندمش انه ساب الاشراف
بصراحه اجمل حاجه عملتها
كفاية راحه البال يا راجل

محمد ناصر
مفيش كلام يعبر
فحكتفي بالصمت
يامسهل السؤال قرب يخلص

محمود طه
محمود ادب وذوق واخلاق
ياسلام " مؤثر صوتي مصمصه شفايف "
محمود برضه م الشخصيات اللي تجبر اي انسان انه يحترمها
دا غير ان دمه خفيف حبتين

جنرال
شخصية محترمه وخدوم
بس بصرحه عيبه انه اسلوبه جاف او معرور حبتين
لو قدر يحسن من طريقته
حيكون احسن بكتير

ترافل
ههههههههههههههههه
اقول ايه غير منها ومنك لله
انا كنت قاعد كافي خيري شري
انا ايه بس اللي جبني هنا
عضوه محترمه ودمها خفيف وليها كاريزما او حضور
عالي اوي
مجامله او ممكن نقول منافقه حبتين
و ممكن نقول برضه سلبيه
" انا بسخن الموضوع بس "

أسيل رزق
مها ادب واخلاق وذوق
وم الناس اللي استفدت منها جدا
او م الناس اللي اسعدني اني اتناقشت معاها قبل كدا
بس بجد لسانها طويل اوي
انا بخاف اعلق ف موضوع ليها تعليق ظريف
يالا ربنا يرجعها بالسلامه

أسدات
ههههههههههههههههه
منك لله مرتين
عشان دبستيني ف الموضوع دا وعشان الاسئلة اللي بقالي ساعه و ربع بجاوب عليها
حرام بجد
اسدات عضوه محترمه برضه ودمها خفيف
وخدومه بطريقه مستفزه اوي
وبرضه م الناس اللي تستمتع بجد وانتا بتقرا مواضيعها او ارائها
بس
اي خدمه " سامحني يا رب اخر مره حكدب فيها "

همس
هههههههههههههه
برضه مفيش كلام يعبر
فحسكت

هههههههههههه
مره واحده كله ف بعضه وخلاص
انا تقريبا مسبقليش شرف اني اتناقشت او دخلت معاهم ف حوار قبل كدا
بس حقول الكلمتين المعتادين
اللي ينطبقوا ع اغلب اعضاء المنتدي بجد
أكيد شخصية محترمه وذوق واكيد لازم تكون متواضعه
و ع خلق ...الخ

دوك زومبا
ادب واخلاق وذوق
انسان محترم ومثقف واسلوبه هادي وجميل

ايمو
ههههههههه
واد معفن وواتي وبس
ايمن بصراحه من اظرف الناس اللي قبلتها
دمه خفيف وانسان مثقف ومحترم جدا
وم الناس القلائل فعلا اللي بزعل لو ضايقتهم او غلست عليهم
بس دا ميمنعش ان تشيلسي حيشيل الماتش الجاي ف الشامبيونز ليج

طالبه محتاسه
برضه من الناس المحترمه اللي الواحد ممكن يقابلها ف الموقع
هما كتير اوي ع فكره
بس شخصيه عنيده اوي وبتتمسك برأيها بطريقه تغيظ
اممممممم
لو عايز تقول اى حاجه لاى حد كده
المايك معاك

..............
ههههههههههههههه
اقول ايه تاني
بجد حرام

إنت المنتدى بيستهلك كام % من وقتك وتفكيرك

؟
كوقت نص ساعه او ساعه بالكتير
كتفكير انا مبفكرش كتير ف اللي بيحصل هنا

لو طلبو منك تدى وسام لشخص واحد فى المنتدى وإنت شايف إن ناس كتير تستحقه لكن المطلوب شخص واحد تختار مين إجبارى على فكره
؟
اكيد انا
لا بجد ممكن الاستاذ عصام او اسلام
الاتنين فعلا يستحقوه
مين الشخص أو الأشخاص اللى لما بتغيب عن المنتدى بتحس إنك فعلاً مفتقدهم
؟

اسلام وايمن وياسمين
كلمه / نصيحه عاوز توجها لمدرسى المنتدى

فيه استاذه بمجهودها وتعبها
كلمه شكر بجد متكفيش لرد جمايلهم او مجهودهم
بصراحه بيتعبوا جدا وفيه ناس كتير استفادت منهم
دا غير اللي بيمثلوه كقدوه او مثل اعلي لينا احنا الشباب
وفيه ناس برضه كلمه شكرا مش كفايه
بضحك كتير اوي ع خناقات الاستاذه
الواحد كان بيشوف بلاوي ف قسم الكادر
تصرفات عيال

بس كفايه كده كمره اولى

مره اولي
امشي يا بت من هنا
حرش ميه
اشوفك بس تهوبي هنا تاني
منورنا و الله يا بسام

اكيد طبعا
شئ مفروغ منه

فى رعايه الله

هيييييييييييييييه
اخيرا خصلت
حراااااااااااااااااااااااااااااااااااااااااااااااا م