كرسى الاعتراف

أسيل رزق · #11 04-02-2009, 10:54 PM

اقتباس:

المشاركة الأصلية كتبت بواسطة MAHMOUD_TAHA

هسأل بقا وامرى لله

سألوكى عن الادارة قولتى

طب عايزين نعرف راى مفصل عن كلامك

بالتفصيل الممل
يعنى مين يصلح ومين ميصلحش وليه
::::::::::::::
كدا انا مخرجتش عن الموضوع
دمتم فى رعاية الله

بص يا عم محمود .. صلى على النبى كده

السؤال كان على الادارة وقلت اللى قلته تمام؟

ماشى .. الادارة تحتوى مشرفين إداريين ونائبين للمدير ( ودول حاجة توجع الدماغ لونهم شفتشى كده وغريب) ومديرين و مشرفين وكله بقى

أنا قلت رأيى على أساس إن السيئة تعم والحسنة تخص و الأستاذ أشرف ربنا يديله الصحة لواحده كفاية

و انا ماقلتش انكم كمشرفين إداريين شغلكم مش تمام كل واحد شايفاه بيشتغل على قد ما يقدر بس بضايق منكم فعلاً فى طريقة حد المشاكل .. بتتصرفوا زى أستاذ أشرف بالظبط

ولو حضراتكم فاكرين إنى حالة شاذة فلازم تعرفوا إن بيتقال أكتر من اللى قلته فى أعضاء وشوشهم كتير وفى أعضاء مش عايزة تجيب لنفسها مشاكل وفى أعضاء فيهم مكر الدنيا كله

و يا ريت الأعضاء المُبجلين اللى شايفين نفس الرأى يردوا

مين يصلح ومين مايصحلش

بالنسبة للمشرفين الاداريين كويسين بس مش بشوف ده .. بحس إن كل واحد فى حاله وواخد جنب ,,دا رأى
نواب الادارة انا شايفة إن ده منصب مالهوش لازمة ولو ليه لازمة يبقى كل نواب المدير يتشالوا .. حاسة إن المشرفين الاداريين بيشتغلوا عنهم

أنا مش من وظيفتى أقول مين ينفع ولا مين ماينفعش زى ما الأخ محمد ناصر قال إنه مش من حقى

لسبب بسيط جداً .. بما إن أستاذ عبقر هو مدير الموقع و هو أكتر شخص مالهوش يبقى مدير فا هو أول واحد مايصلحش .. وبما إنه مايصحلش يبقى الادارة كلها ماتصلحش

أنا مش عارفة أوصل فكرتى إزاى .. الإدارة كلها بتخبط فى بعضها .. عاملين أحزاب كده مرة فلان يبقى متفق مع فلان ومرة فلان متفق مع فلان ضد فلان وناس مش عارفين هما تبع مين بالظبط..
أستاذ عبقر فى حزب لواحده ،بحس إنه بيدخل منتدى تانى ..دماغ على الآخر واخد جنب وعايش مع نفسه

بص أنا اللى غلطانة أصلاً .. لإن الإدارة كده من يوم ما دخلت الموقع وعمرها ما هتتغير حتى لو الأمم المتحدة هى اللى مسكت الموقع

أنا رغيت كتير وعارفة إنك ماستفدتش منى حاجة .. مش مشكلة ..

خدوا بآخر رأى قلته الإدارة زى الفل وميه ميه .. إعملوا اللى عليكوا وخلاص