ما باحبش الك***ى!!!

[أحمـدنجـم]

استعنى ع الشقى بالله
يلا نشمر الكمين
ونلمع العينتين
قصدي النظارة يعني
ونقول
واخدين بالكم هنقول ..
هنقول قوالة
يا مشيب شعر الرجالة ..
يييييييييييييييه
ايه دا اللي بقوله دا
أغاني شعبية حضرتك..
شعبية .. ؟
دي نزلة شعبية يا عم ..
ولا المصيبة تكون تقصد شعبية من الشعب يعني
وعلى رأي الواد مزيكا لما سأله جورج سيدهم
تفهم في السياسة يا واد يا مزيكا
قاله ..
أنا الشعب ..
أعتقد إن الواد مزيكا دا هو اللي مقصود
بالأغاني الشعبية
طيب تسمحولي أتلكم بصفتي شاعر
وبكتب شعر
ايه دا يا عم انت اضفت يعني ؟
طيب طيب متزوقش
والله بكتب شعر وبكتب أغاني كمان
بس بصراحة مش شعبية
والحمد لله
يعني في مرة مخرج طلب مني في مسرحية
اكتبله أغنية شعبية
عارفين كتبت ايه ؟
معلش هصدعكم شوية
يا مسحورين انفضوا تعويذة السحرا
مدوا الادين انجدوا الخضرة والصحرا
انت اصحى وصحي اخوك وقوله ينده ع اللي جنبه
هزوا راسكم فوقوا كونوا جسم واحد حر قلبه
ازحفوا الزحف المقدس
والهدف هو الضمير
اطردوا كل اللي دنس
اخلعوا ناب الكبير
الكبير أبداً ما يقدر
ع اللي راضع يوم كرامة
والسكات آخر علامة
بعدها تقوم القيامة
بس خلاص
على رأي شعبولا
شوفوا يا جماعة الحل مش اننا نسمع أغاني هادفة وبس
الحل اننا منسمعش أغاني هايفة
دا جميل
طب واللي بيسمعوها نعمل فيهم ايه؟
دي بقى مسئولية مشتركة
تبدأ من أول الشعراء وشركات الإنتاج والمطربين
وتنتهي لغاية كل واحد فينا
عاوزين نحاصر المرض دا
ونقضي على الوسيط
زي البلهارسيا بالظبط
ازاي
أنا أقولكم ازاي
كل لما يقع في ايدك اسطوانة او شريط هابط
سجل عليه بدون استئذان حاجة تانية
مش حرام متخافش
ايوه أيوه
واديه لصاحبه
هييجي يقولك ايه دا يا عم
ويمكن
معلش استحمل
في ناس ماتوا في سبيل الإصلاح
وبعدين اقعد اسمع معاه الكلام الحلو
وفهمه وعلمه
على فكرة كفاية كده وهرجع تاني
بروشته تانية
يلا بقى كل واحد يدعبس عند اخواته
اصحابه
على شرايط العنب والك***ي
ويطبع عليها يلا
متخافوش سيبوها لله
أنا جاي تاني استنوني
سلاااااااااااام