من الأخبار العظيمة إن امبارح كانت صورة الطبيب الشاب المصري "دانيال نور" منورة على جدران دار أوبرا سيدني في العيد الوطني لأستراليا تكريماً له بعد اختياره شخصية العام من الشباب على مستوى استراليا سنة 2022..
في شهر نوفمبر 2021 كنا اتكلمنا عن د."دانيال" هنا على الصفحة وقولنا إنه ورغم شغله بكامل طاقته خلال جائحة كورونا في مستشفى Royal North Shore؛ لكنه قاد فريق عبارة عن 145 متطوع أنتشروا في كل شوارع المدينة الأسترالية عشان يقدموا خدماتهم الطبية والنفسية للمشردين خلال كورونا ووصل عدد اللي قدمولهم رعاية صحية 300 مشرد!.. عمل كده هو والفريق بتاعه بدون ما حد يطلب منهم وكان محركهم الأساسي هو إنسانيتهم فقط لا غير..
السفيرة "نبيلة مكرم" وزيرة الدولة للهجرة وشئون المصريين بالخارج وجهت التهنئة لـ د."دانيال" وأعربت له عن فخرها بوجود نموذج مصري مشرف زيه كان حريص على تقديم الدعم النفسي والطبي للمرضى بمنتهى الإنسانية..
مبروك لـ د."دانيال نور" اللي بيأكد إن نُبل وجدعنة المصريين وأصلهم الطيب وإخلاصهم لعملهم وتفانيهم في العطاء والتعاون حاجات موجودة في ولاد بلدنا وتستحق دايماً الإشادة والفخر.
#بالعامية_المصرية
__________________
ابتسم ... كن متفائلا ... وقل الحمد لله 
|
27-01-2022, 09:38 PM
العرض المتطور
