موضوع مهم جدا والله يهمنا خش وشوف بنفسك

!DreAmeR! · #1 27-01-2009, 01:57 PM

بسم الله الرحمن الرحيم

السلام عليكم ورحمة الله وبركاته

انا كاتب الموضوع ده عشان يعنى نفوق بعض لنقطة احنا مش واخدين بالنا منها كويس احنا المنتدى بتاعنا كبير دلوقتى سواء فى مصر او خارجها المهم يعنى ياريت من السادة الاعضاء اللى بينقلوا المواضيع يا سيدى انابقولك انقل براحتك المواضيع اللى انت شايفها انما ده ميمنعش اننا مفروض نكتب ولو مقال من نفسنا احنا للموقع بتاعنا على الاقل لما اجى اختار مواضيع المنتدى الرياضى للمجلة يكون واحد من الموقع اللى كتب ده مش واحد نقلة من برة الموقع ويتكتب فى المجلة باسم واحد من موقعنا ديه اسمها سرقه واحنا مش عايزين حد يتكلم على موقعنا باى كلمة وحشة لو احنا فعلا يخفين عليه ارجوكم يا جماعة تلاحظوا النقطة ديه ارجوكم نفوق شوية انا بشوف فى الموقع منقول وانا بقول ده عادى انما بقى المجلة الالكترونية الجديدة اكيد محتاجة مقالات رياضية من جوة الموقع مش من برة الموقع ياريت نناقش الموضوع ده وبعد كده اللى يكتب موضوع يكتب منقول ولا لأ ويكتب المصدر كمان
وياريت نعمل لمصلحة الموقع
شكرا لكم جميعا

مع تحياتى

Not Allowed · #2 27-01-2009, 03:50 PM

والله كلامك جميل يا خالد والله وانت عندك حق صح وياريت تثبت الموضوع دة علشان الى يدخل يشوفة

انا برضوا لما شوفت المجلة قولت اية دة ؟ دة مفيش ولا خبر رياضى فية

اصل بص هقولك انا المشكلة فى اية

المشكلة ان مفيش اهتمام للكرة المصرية قد كدة وانت عن نفسك تشوف الجماهير بتبقى قد اية فى مباراة حتى للاهلى
مبيعدوش الف واحد

حتى مباراة مصر الى فاتت المفروض الناس كانت تحضر علشان الفلوس دة هتروح لغزة برضوا بقى مفيش فى الملعب الا القوات المسلحة

يعنى مفيش اهتمام بالكرة المصرية خالص او حتى للرياضة علشان كدة كله بيقول انا اتعب نفسى واكنت مقال لية فبيعملوا نسخ من اى موقع وخلاص مشى حالك

بص علشان الكل يعمل بالى انت بتقولة لازم تبدأ انت بكدة يا خالد علشان انت المشرف هنا وثبت الموضوع دة وانا معاك فى اى حاجة

وكمان انت كنت غايب بقالك مدة وربنا معاك انا عارف ان عندك امتحانات بس ياريت يبقى فية مشرف معاك يساعدك انا عارف انك قدها
وقدود بس يد واحدة متسقفش وانا والله لو مكنتش فى الثانوية كنت بقيت مشرف معاك

وكمان فى ناس يامة فى المنتدى متفرغة وبرضوا مش بيهتموا بالقسم الرياضى
انا ان شاء الله هبدأ معاك الكلام دة وربنا يقدم الى فية الخير ان شاء الله

شكرآ ليك وياريت تتقبل مرورى

!DreAmeR! · #3 27-01-2009, 04:28 PM

شكرا على الكلام الجميل ده يا محمد وانا عاررف وكنت متاكد والله انك هتكون اول اللى هيردو على الموضوع ده بس انا مش بتكلم على اساس انى لوحدى او حد يساعدنى او كده القسم رياضى نوعا بقى بقى احسن من الاول تقريبا التعصب راح شوية
بس مش كل التعصب اختفى اكيد لازم يكون فى بس انا بتكلم يا سيدى انت شوفت خبر مثلا فى موقع زى ياللاكورة مثلا ليه مثلا انا مش اعيد صياغته بطريقة تانية غير اللى مكتوب فيها هناك ليه مش اعمل موضوع اقترح فى حاجة على نادى الزمالك او الاهلى او اى نادى تانى فاهم ازاى يعنى لازم نعتمد على نفسنا لان هينفع وهيفيد مثلا لو تم ترشيحك لمشرف
وانا وانت عارف ده انا كنت بكتب مقالات من نفسى وبصوا فى الخلف هتلاقونى كاتب مقالات بنفسى ولسه انا هكمل ده ان شاء الله انما انا لوحدى فى قسم شغال فيه اكتر من 10 افراد مينفعش حتى وغير كده هنعمل تتقييم باذن الله لاحسن مقال فى الشهر ان شاء الله ده كله يحصل لما كلنا نفهم

شكرا على ردك وارجو الناس تفهم كل نقطة

!DreAmeR! · #4 28-01-2009, 01:24 PM

اظاهر ان مفيش تفاعل من الاعضاء لذلك هضطر اشتغل لوحدى ومعذرة اى عضو هلاقيه بينقل المواضيع باستمرار سيتم الحساب معه

mr.osama · #5 28-01-2009, 03:35 PM

عندك حق .. يا خالد
وعن نفسي أحب أن أوضح بأن هناك موضوعات كتبتها من بدايتها وهناك موضوعات يتم بداخلها النقل من مصادر أخرى .. ولكن هناك مواضيع تحتاج إلى أنك تنقلها كما هي .. ومواضيع أخرى يتم نقلها وتعديلها لتناسب الموقع أو لتناسب الموضوع .. ولكن ضروري جداً كتابه مصدر الخبر .. وهذا وبصراحة متناهية فعلته في بعض المواضيع ولم أفعله في الكثير منها .. ولكن هناك مواضيع يمكن تعبر فيها عن رأيك وتستشهد بمقالات أخرى من عده مصادر لتأكيد رأيك أو حتى يكتمل الموضوع .. وهكذا
وأؤكد لك أن الجميع شارك في ذلك .. وهذا لا يقلل من أهمية الموضوعات لذا أطلب منك بصفتك مشرف القسم أن تضيف كلمة منقول من ........ (تكتب مصدر الخبر وصاحب المقال) إلى الموضوعات التي نقلت وهذا سهل لك ..

ولي ملحوظة وهي كثرة الموضوعات المتشابهه ورأيي يجب أن تدمج الموضوعات المتشابهه في موضوع واحد وليكن في الموضوع الرئيسي والذي كتب اولاً ويسهل معرفة ذلك من تاريخ كتابه الموضوع .. فمثلاً يجب دمج الموضوعات التي تتحدث عن الانتقالات في موضوع .. وكذلك التي تتحدث عن مباريات الدوري .. وكذلك التي تتحدث عن الكأس .. وهكذا

!DreAmeR! · #6 28-01-2009, 04:34 PM

سيتم ان شاء الله يا استاذى الفاضل بس المشكلة ان مفيش تفاعل بين الاعضاء فين التفاعل لما موضوع المشاهدات بتاعته فوق العشرة مثلا ومحدش رد ازاى ده طيب دهع مش ينفع