عاوز احول يا رجالة

mrhamed · #1 21-10-2008, 02:00 PM

بسم الله الرحمن الرحيم
انا احمد من الشرقية من الزقازيق
جبت 360 علمى رياضة
ودخلت كلية التربية النوعية
وانا فعلا مش داخلة دماغى
انا فى تربية انجليزى
وعاوز احول معهد فنى صحى الزقازيق * بيقلوا بيوظف على طول *
بس مش عارف ممكن احول ولا اية
لو ممكن اروح للوازارة نفسها
ممكن يا رجالة ولا اية
حد يقلى اعمل اية

ROTATOTA · #2 21-10-2008, 02:13 PM

اعتقد انه زى تحويلك من كلية للتانية مش فارقة
الموضوع وما فيه -حسب ما سمعت -التحويل بفلوس وكتير شوية
500 جنيه يعنى
اسال فى الكلية (شئون الطلبة-الوكيل-العميد) عن الاجراءات
و سرع قبل ما باب التحويل يتقفل
و ربنا ييسر اللى فيه الخير
اولا واخيرا صلى استخارة عشان متندمش و ربنا يبقى معاك
انا تحت امرك فى اى حاجة

mrhamed · #3 21-10-2008, 02:35 PM

وانت اية رايك قى المعهد دة يا باشااااااااااا

!DreAmeR! · #4 21-10-2008, 03:26 PM

يا جماعة هو كان رياضة 2 ازاى يدخل معهد فنى صحى انا اسمع انه لعلمى علوم فقط

شكرا

محمد.فوكس · #5 21-10-2008, 05:23 PM

سلام عليكم ..
في فعلا معهد فني صحي لعلمي رياضة بس اسمه (معهد فني صحي رياضة).
و ده بيخرج الناس اللي بيشتغلوا على اجهزة الاشعة في المستشفيات و حاجات تانية معرفهاش.
بالنسبة لموضوع التحويل...أنا عندي خبر بس مش متأكد اوي منه .للاسف تقريبا التحويلات بتقفل مع نهاية اول شهر من الدراسة.
و انت جاي تكتب الموضوع ده في يوم واحد وعشرين عشرة يعني بالضبط بعد بداية الدراسة بشهر و يوم لأن الدراسة ابتدت يوم عشرين... بس اسأل برضه يمكن يكون في تحويلات لسه.
أنا نفسي كنت بفكر احول معهد فني صناعي عشان ادخل منه على كلية الهندسة و قعدت افكر و احتار لغاية اهو المعاد ما فات و اعتبرتها اشارة من ربنا .. على فكرة انا زيك علمي رياضة و جايب اكتر منك بنص درجة يعني 360,5 و جتلي علوم.
بس بقى انت قولت انك جايب 360 .. طب و مدخلتش علوم زيي ليه .. يعني كتبت تربية نوعية قبل علوم ..و غير علوم سبحان الله؟!!.. و غير العلوم ليك كليات تانية كويسة اوي.
على الاقل انا لما فكرت احول معهد فني صناعي كان عشان كلية هندسة لكن انت كده بتحكم على نفسك بانك يكون معاك مؤهل فوق المتوسط بدل العالي.
و بعدين انت كمان مكنتش هتروح اقاليم انت في الزقازيق يعني كانت هتجيلك علوم الزقازيق.
ابقى اسأل على موضوع التحويلات و قلنا لسه في تحويلات ولا لأ.
سلام عليكم..

totylove · #6 27-10-2008, 06:12 PM

6ayeb lieh 3awez yeseb el kolya
ana el 23rafo en elo fe kolya ma by7wlsh le m3hd
fakr kuwyes
kolytak kuwyesa enta bas esbet nfsak feha
w be el twf2 isa

اللهم ادخلني الفردوس · #7 27-01-2009, 03:40 AM

[ معهد فني صناعي عشان ادخل منه على كلية الهندسة هو الكلام ده بجد ؟؟؟؟؟؟؟i][/i]