انت فى تالته ثانوى ادخل وهجبلك من الاخر

GeNeRaL MB · #1 19-01-2009, 10:43 AM

السلام عليكم اولا
احنا دلوقتى بقينا فى شهر واحد يعنى خلاص تقريبا العد التنازلى للامتحانات وانتو اعتقد عندكو شويه خبره من سنه تانيه نظام الامتحان اللجنه بتبقى عامله ازاى والكلام ده
المهم بص بقى يا سيدى
انت لو عندك ماده لسه سواء كنت علمى او ادبى ولسه حاسس انك مش هضمها كويس صدقنى لو جه شهر 3 وانت بالحال ده مش هتلحق نفسك وممكن تلحقها بس هيبقى على حساب مواد تانيه ....متستهترش بالوقت هتندم واعتقد اغلبكو مر بالمرحله دى فى سنه تانيه
قولى الاول انت علمى ولا ادبى
لو ادبى بص يا سيدى
انت معاك عربى وانجليزى وتاريخ او جولوجيا ومعاك فلسفه وعلم نفس او مبدل وواخد اقتصاد واحصاء
المهم
على اد ما تقدر فى الايام دى اعمل لنفسك جدول هتقولى انا بعمل جدول فى يوم ومن تانى يوم بمشى عليه كويس وتالت يوم بعمل واحد جديد هقولك يا سيدى
انت تحسبها بيوم الجمعه
هتقولى ازاى
بص
انت عندك خمس مواد حاول فى كل خميس وجمعه تقرا الماده من الاول للاخر كل خميس تمسك ماده لان الادبى بيتنسى بسرعه ووالله انت لو عدا عليك شهر اتنين وانت مخلص المواد لحد ما انت واخد صدقنى مش هتقل عن 95% واسأل مجرب
انما لو قلت الحياه حلوه وانا ادبى يا عم واى مجموع وبتاع والامثله الغريبه الى بتطلعوها (نام وارتاح وكل عسل التمساح والكلام ده )) يبقى تعد فى البيت احسن
هتقولى طب انا علمى

هقولك بص يا سيدى
عارف انك ماسك الفيزيا طول النهار والليل وتلاقيك كمان بتظبت المنبه على الساعه 1 باليل علشان تقوم تزاكر فيزيا وتحل رياضه اتنين هتيجى على ايام الامتحانات وهتلاقيى نفسك تمام اوى فى المادتين الى انت من نظرك ان هما جامدين وهتلاقى ماده زى العربى او حاجه منزلاك الارض حاسب من دى اوى
كمان العلمى باالزات لازم يكون قلبو ميت
احنا اهو كانت مجزره

فى دفعتنا الى هيه السنه الى فاتت وطبعا مش هقولكو الامتحانات كانت عامله ازاى المهم
هتقولى طب ان امعايا احياء بص يا سيدى الاحياء دى ماده زى تاريخ الادبى ايوه فيها مسأل والحاجات الوراثيه زى ما بسمع بس بردو اهم حاجه فيها الحفظ
لسه ادامكو فرصه كبيره جدا جدا والله المرحله الى انتو فيها دى ده اساس الحياه كلها بالنسبالك ومش هتحس بفرق ولا قيمه الكلام ده الا لما تطلع الكليه
يا رب تكونو استفادتو
اهم حاجه خليك مع ربنا شيل دماغك من الحوارات الفاشله بتاع الثانوى دى سواء ولد او بنت مصلحتك اولا بالذات فى المرحله دى
وان شاء الله تدخلو الكليات الى انتو عايزنها
بالتوفيق
اخوكم
GeNeRaL MB

**تسابيح** · #2 19-01-2009, 10:49 AM

بجد شكرا ع النصائح الغالية دي
بس هو ليه كل الناس فاكرة ان ادبي مش بيذاكر من اول السنة؟؟؟
يالا بقا شكلي انا اللي هصلح الفكرة دي
ع العموم شكرا ع النصائح

GeNeRaL MB · #3 19-01-2009, 01:30 PM

شكرا على مرورك
كمان انا مقصدتش ان الادبى مش بيزاكرو ان ااصلا كنت ادبى

والحمد لله طلعت منها بمجموع كويس
بس اغلب الى فى ادبى بيبقو منفضين خاااالص ولا ايه

!!!!!

( لؤلؤة الإسلام ) · #4 19-01-2009, 01:37 PM

جزاك الله خير ..
بجد انا حاسة ان السنة تقريبا خلصت و الوقت بيجري بطريقة مش معقولة ..
ربناااااااااااااا معانا ..
إن شاء الله السنة الجاية زي دلوقتي نبقى محتاسين بردو .. بس ياريت في الكليات اللي احنا عايزنها ...

GeNeRaL MB · #5 19-01-2009, 02:46 PM

شكرا على مرورك

moslimlin · #6 19-01-2009, 03:00 PM

جزاك الله خيرا
بس على فكره الاحياء مش حفظ زى ماحضرتك قولت

GeNeRaL MB · #7 19-01-2009, 05:30 PM

اقتباس:

المشاركة الأصلية كتبت بواسطة moslimlin

جزاك الله خيرا
بس على فكره الاحياء مش حفظ زى ماحضرتك قولت

انا الصراحه مكنتش احياء بس هيه بتعتمد بردو على الحفظ مش كلها بس يعنى حضرتك مش هتألف رسمه خليه او حاجه زى كده مع احترامى بردو للى بيدرسو احياء
وسواء كده او كده المهم تجيب الى انت عايزو

شكرا على مرورك

**تسابيح** · #8 19-01-2009, 05:33 PM

اقتباس:

المشاركة الأصلية كتبت بواسطة GeNeRaL MB

شكرا على مرورك
كمان انا مقصدتش ان الادبى مش بيزاكرو ان ااصلا كنت ادبى

والحمد لله طلعت منها بمجموع كويس
بس اغلب الى فى ادبى بيبقو منفضين خاااالص ولا ايه !!!!!

بس كنت بتذاكر ازاي في ادبي
وجبت كمان ع كدا؟؟؟
ودخلت كلية ايه؟؟
برده من حضرتك ممكن نستفيد؟؟؟؟

GeNeRaL MB · #9 20-01-2009, 03:15 AM

انا الاول كنت علمى فى تانيه بس الفرنساوى نزلنى جامد لانى كنت بستهتر بيه اوى المهم ان اجبت فى تانيه 88%
بصى الادبى ده كنت بعد اغنى المواد

بجد علشان اعرف اخفظها لانى مش بعرف احفظ حاجه مش فاهمها وبالذات التاريخ ده كنت اتفرج على الافلام بتاعها سواء كانت بالعربى او بالانجليزى واربط الافكار ببعض

وحولت ادبى فى تالته وجبت 95.8
كان ليا السن الفيوم واثار القاهره
بس انا فضلت تجاره انجلش عن دول
حاليا ان االفرقه الاولى تجاره انجليزى جامعه المنصوره

**تسابيح** · #10 20-01-2009, 09:47 AM

اقتباس:

المشاركة الأصلية كتبت بواسطة GeNeRaL MB

انا الاول كنت علمى فى تانيه بس الفرنساوى نزلنى جامد لانى كنت بستهتر بيه اوى المهم ان اجبت فى تانيه 88%
بصى الادبى ده كنت بعد اغنى المواد بجد علشان اعرف اخفظها لانى مش بعرف احفظ حاجه مش فاهمها وبالذات التاريخ ده كنت اتفرج على الافلام بتاعها سواء كانت بالعربى او بالانجليزى واربط الافكار ببعض

وحولت ادبى فى تالته وجبت 95.8
كان ليا السن الفيوم واثار القاهره
بس انا فضلت تجاره انجلش عن دول
حاليا ان االفرقه الاولى تجاره انجليزى جامعه المنصوره

هههههههههههههههههه
تصدق فكرة حلوة اوي
ان شاء الله هجربها
ع فكرة بقا بتحصل ف احسن العائلات كلنا بنبقي علمي ونحول ف الاخر ادبي
عشان الادبي فضلوه عن العلمي

طب يارب انا كمان اجيب كدا
ربنا يوفقك يارب ف دراستك
بس هنجيب الافلام دي منين ؟؟

GeNeRaL MB · #11 20-01-2009, 10:34 AM

اكتبى اسم الحدث الى عايزه تعرفيه بالعربى لو مش لقيتيه اكتبيه بالانجلش
واى خدمه

:D
ربنا يوفقك

bosy .. mostafa · #12 20-01-2009, 11:38 PM

انا حاسه ان الامتحان خلاص قرب و مافيش وقت ادامي
انا مش هاضمه الفيزيكس اوي التجارب هي اللي واقعه مني
و حتة الضوء دي هتشلني
بس يلا مسيرها تتعدل
ادعيلنا الامتحانات تكون كويسه و نظبط كل حاجه

GeNeRaL MB · #13 21-01-2009, 02:35 AM

ربنا معاكو وان شاء الله السنادى هتكون الامتحانات وكويسه
وادعولى

ورايا امتحان management ومزكرتش حاجه
شكرا على مرورك