استفسار ارجو الاجابةعلية من مدرسى اللغة الفرنسية

[meco monir]

السادة الافاضل مدرسى اللغة الفرنسية اولا احب اشكر حضراتكم على مجهوداتكم
انا طالب فى الصف الثالث الثانوى حصلت على 47من 50 فى اللغة الفرنسية فى الصف الثانى الثانوى ونفسى ادخل كلية اداب قسم فرنساوى فهل شوط القسم دة انى اكون خريج من مدرسة فرنسية وهل يشترط ايضا ان ادرس مستوى رفيع لغة فرنسية وانجح فية ارجوكم جاوبونى بشرح وافى لشروط الالتحاق بكلية الاداب قسم فرنساوى وجزاكم الله كل خير

[أ.مصطفي نور]

السلام عليكم ورحمه الله
أولاً هذا ينطبق علي البلد اللي انتا عايش فيها بمعني لو انتا في القاهره أو اسكندريه مش هينفع لانك لازم تدرس فرنسي في اعدادي يعني (لغه اولي ) لان الكليات أداب السن عين شمس و اداب القاهره واداب اسكندريه كل دول بياخدوا لغه اولي

اما لو انتا في بلد اقليميه عاديه فان شاء الله هتدخل اي اداب قسم لغة فرنسية
او لو انتا من القاهره وعاوز تاخدها ممكن تاخدها من الزقازيق أو بنها أو طنطا أو شبين الكوم أيهما أقرب إليك يا عزيزي

مع تحياتي ومرحبا بك في قسم اللغة الفرنسية مقدماً

[meco monir]

شكرا جزيلا لحضرتك ا/مصطفى نوار وانا من القاهرة بس كان ليا استفسار اخر بعد اذن حضرتك ياريت توضحلى شروط كلية التربية قسم لغة فرنسية جامعة عين شمس وجامعة القاهرة هل تشترط ان اكون دارس اللغة الفرنسية كلغة اولى وشكرا لحضرتك

[abou hareer]

بلاش هتندم فى النهايه مش هتوصل الى ما تريده من طموحات فى المستقبل

[midoo353]

السلام عليكم ورحمة الله وبركاته
اخى العزيز نصيحه لوجه الله بلاش هاتندم انا لااريدك مثلى كان لى الكثير من الطموحات ولكنها تحطمت على يد هذا القسم
فأنا خريج كلية التربيه
تقدير جيد جدآ
ترتيبى الرابع على دفعتى
اجلس حاليآ بدون عمل فكلمة قسم فرنساوى فى اى اداره تعليميه تسبب مشكله

[محمد محمد زيدان]

لماذا تحزرون الرجل بهذا الأسلوب ؟
أقسم لكم أننى عندما قررت دخول قسم اللغة الفرنسيه وجدت من يقول لى هاتندم و أوعى تدخل هذا القسم
و مع ذلك و بفضل الله تمكنت من أن أكون أول الدفعه بأداب بنها 1995 و عملت بالسياحه و كنت مطلوبا فى أكثرمن مكان
ثم عملت فى أكثر من 3 مدارس خاصه و فى كل مره كنت أنا صاحب قرار ترك المدرسه ثم تم تعيينى ( بعد طول انتظار ) فى الأزهر و قبلها شاركت فى ترجمة بعض الكتب ( م الباطن ) و الحقيقه الأنسان بإمكانه أن يصنع عديد من الفرص لنفسه و لابد أن نفيق و ندرك أن عهد الوظائف الحكوميه قد أنتهى و نحن مقدمون على عهد الأحتراف بمعنى أن الأنسان سوف يكون مطلوبا فى أكثلر من مكان لو أتقن عمله ( أما عشاق البقاء فى الحكومه و العمل فى الحكومه فهم بالطبع أكثر الناس كسلا و أقلهم أرزاقا لأنهم يتقاضون لاشىء مقابل اللاشىء الذى يقومون به )
محمد محمد زيدان 0125467063

[meco monir]

شكرا على ردودكم بس انتوا خوفتونى من القسم وناس كتير تانى خوفونى من القسم دة بس انا بجد بعشق حاجة اسمها فرنساوى وناوى اجتهد بجد فى دراسة الفرنساوى لذلك اشعر ان الله سيوفقنى فى هذا القسم وانا نفسى اشتغل مدرس بس كنت عايز اسال حضراتكم سؤال كلية اداب قسم لغة فرنسية افضل ولا اداب قسم ارشاد سياحى فرنسى ولك منى جزيل الشكر