كن "عبيطا" ترى الوجود جميلا .....!!

[wafa2y]

أعدمك لو كنت فهمت حاجة
أصل الإمتحانات عاملة دماغ زي الفل
ممكن إن شاء الله في 2009 أحاول أفهم الموضوع
(ياريت حد يلخصهولي في 9 صفح بدل المرجع ده )

[اوركيديا]

المشاركة الأصلية كتبت بواسطة sai

أعدمك لو كنت فهمت حاجة
أصل الإمتحانات عاملة دماغ زي الفل
ممكن إن شاء الله في 2009 أحاول أفهم الموضوع
(ياريت حد يلخصهولي في 9 صفح بدل المرجع ده )

ههههههههههههههههههههه

ماشى يا محمود
محبط

ربنا يوفقك يا رب فى امتحاناتك

بس برده مستنيه الرد
و مش فيه تلخيص
امال هندسه ايه اللى فيها دى

و ابقى غير الصوره و التوقيع
جبتلى احباط بجد


يلا فى رعايه الله

[wafa2y]

المشاركة الأصلية كتبت بواسطة asdat

بسم الله الرحمن الرحيم
-------------

بص يا سيدي ,
انت عاوز تبقى مبسوط لا لأ ؟

-- طبعا أيوة ,بس ازاي , مش شايف الدنيا اللي حواليك ؟ و لا انت عايش في كوكب تاني ؟

على مهلك يا عمي , أنا معاك حتى مش اسمه كوكب الأرض بالأمارة ؟
طب سمعت المقولة اللي بتقول "كلما زادت ثقافة -أو علم- المرء زاد بؤسه" ؟؟
أو سمعت المتنبي و هو بيقول :
ذو العقل يشقلا في النعيم بعقله **** و أخو الجهالة في الشقاوة ينعم !!!

-- أيوة ما أنا قصدي كده , ما احنا لو كنا أغبية أو ما بنحسش كان زماننا عايشين مبسوطين , إنما المشكلة اننا بنحس و بنتأثر و بنعرف كل المصايب و المآسي اللي بتحصل حوالينا ,
ده احنا لو ما اتأثرناش ما يبقاش عندنا دم , و لا نكون بشر من أصله ,

طب ما نفسكش تكون زي "و أخو الجهالة في الشقاوة ينعم" اللي المتنبي بيقول عليه ده ؟؟؟

-- مممم , بصراحة ساعات باتمنى اني كنت ما بحسش أو جاهل مالوش في الطور و لا الطحين , أي نعم هكون جاهل , بس كنت هبقى مبسوط و مش حاسس اني جاهل أصلا !!
بس ما ينفعش أكون جاهل خلاص , احنا في الواقع , و أنا مش جاهل , يعني ما ينفعش أبقى سعيد و أنا شايف و حاسس كل اللي بيحصل حواليا .

طيب اللي يخليهالك "و أخو المفهومية في الشقاوة ينعم" ؟
يعني تيجي نخليك تحس باللي بيحصل حواليك و تعرفه كله , لكن ما تتأثرش بيه و لا يجيلك إحباط و قرف و زهق ..... إلخ , بل على العكس , هيخليك أحسن و يدفعك للأمام ؟؟

-- مممم , طب قول مع اني شاكك في كلامك , بس نسمع , مش هنخسر حاجة , اطربنا يا سيدي و "المية تغرق القرطاس" ...


أقول لك يا سيدي , طالما احنا بادئينها شعر من الأول , يبقى نبدأها شعر هنا ,
سمعت عن بيت الشعر اللي بيقول :
ليس الغبي بسيدٍ في قومهِ *** لكن سيد قومه يتغابى !!!
بصراحة البيت ده عجبني جدا ,
فعلا , مش من الذكاء انك تبقى "حِمَقِي" و كل حاجة تعلق عليها و تدخلها جوه "نافوخك" , فيه حاجات سيبها تعدي "بمزاجك" لأنه ما فيش فايده من انك تعلق عليها أو تلتفت ليها أصلا , هتنرفزك و تعصبك و خلاص :abdoog8:, و انت راجل "صاحب مرض" و الانفعال مش كويس علشانك
على فكرة أنا كنت قرأت قبل كده مقال عن الstresses و كان بيقول فيه ان حوالي 50% من مشاكلنا و انفعالاتنا و التعصب اللي بيجيلنا كل يوم ,ممكن نتجنبة بـ "التجاهل" just
let things go

يعني مثلا انت ماشي و حسيت ان الراجل ده بيتكلم عليك أو جارتكم دي بتبصلك بصه مش تمام , أو حتى واحد بيرمي بالكلام عليك , ساعتها انت أكيد هتتصرف بأحد الاحتمالين , اما انك تشبك في خناقه زي الأهبل , و هيقول لك ايه الراجل العبيط ده , حد عملك حاجة و لا حد وجه لك كلام ؟؟
أو انك "تكز" على سنانك طول ما انت ماشي و تقعد تشتم فيهم و تلعن الجيرة "السو" اللي في شارعكم دي :abdoog8:, أو الناس و لاد الـ*** -الرقابة بقى - اللي ماسكين الرايح و الجاي "لبانة" في بقهم ,

أو حتى ممكن مواقف زي الزحمة في المواصلات أو رخامة سواقين الميكروباص أو أي حاجة "عابرة" من اللي بتحصل كتير لينا كل يوم , كل الحاجات دي بتنرفزك و "بتعككنن" عليك يومك , صح ؟
بص يا عمي , لو حرقة دمك دي هتخليهم يسكتوا أو هتخفف عنك الزحمة أو القرف اللي حواليك , أنا معاك يا سيدي ... ولع في دمك و في نفسك كمان ,
إنما المشكلة انها ما بتحلش أو بتفيد أي حاجة , بالعكس , هي يتزيد قرفك و زهقك كمان و كمان ,
يبقى انت تخلي ناس زي دول أو مواقف زي دي يعملوا فيك كده ليييييييييييه ؟
رد عليا .. انطق يا جبان

-- ممممم , يعني أسكت لهم ؟ يعني ؟
أصل معلش لو الإجابة أه هتبقي صعبة أوي
حتي لو أنا مين أنا في الأخر بشر
و علي فكرة حصلت معايا و أنا واقف مستني واحد صاحبي بعد الصلاة لقيت إتنين كبار بيتكلموا عليا كلام مش حلو و بيعيشوا اللحظة عليا"و والله لو يعرفوا اللي فيها لكانوا ندموا إن هما إتكلموا "
المهم
مقدرتش أمسك نفسي و قمت رايح مسلم علي صاحبي و كاتم في نفسي و ماشي
هو أينعم شرحلهم موقفي
بس أنا يوميها كان عندي كبت بيني و بين نفسي رهيب
بيتكلم عليا و لو رحت قلتله إنت مالك هيقولي هو اان كلمتك و هيغلطني و هو راجل أد جدي
بس سيبتهم و مشيت و أعدت مع نفسي (عيط بعيد عنكم)
عشان الموضوع كان صعب جدا
أنا بقي لو كنت وقفت كنت شردتهم
بس أنا حاسس إني لما عملت نفسي مسمعتهمش إني جيت علي نفسي و علي كرامتي
و حسيت إني موقفي ضعيف
مع إني كان معايا حق لو كلمتهم
خلاصت الكلام إن رد أه ده
هيريح الموقف بس هيأثر في النفس
.


ما هو انت لو ما سكتش هتبقى زي الاهبل اللي بيخانق دبان وشه و مش هتخلص من المواقف اللي زي دي لأن " انت أكيد في مصر" , يبقى هتسكت , و ما تحرقش دمك , بل بالعكس , تذكر قول الشاعر :
اصبر على كيد الحسود فإن كيدك قاتله
فالنار تأكل نفسها إن لم تجد ما تأكله
هنا عندك حق فعلا لما الأمور إتعدلت بقوا زي ال****
مفتحوش بقهم
يبقى انت ما تحرقش دمك , و حاول تستمتع بعظمة تحكمك في نفسك و تغلبك على الضغوط و عدم اكتراثك بيها ,
أنا إتحكمت في نفسي أه بس جيت عليها
-- ممم , طيب دي علشان أنا ما ليش يد فيها و مش هاستفيد حاجة من النرفزة , طيب فيه حاجات تانية زي المسلمين اللي بي***وا في جميع أنحاء العالم , و الشتيمة اللي في حق الاسلام و الرسوم المسيئة للرسول -صلى الله عليه و سلم- , ده غير الفساد المحلي و الواسطة و المحسوبية و القرف اللي انت أكيد عارفه !!!
الرسول مش محتجلنا عشان ندافع عته لو حد هاجمه
لأن الله يحميه
لكن إحنا اللي محتاجلنه لازم ندافع عنه عشان محدش هيدخل الجنة إلا بعد المصطفي
بص يا معلم , سأرد عليك زي الأول ان نرفزتك و غضبك مش هيفيدوك بحاجة , بل بالعكس , هيضروك
إنما حاجات زي دي , ما ينفعش تتجاهلها زي اللي قبلها , يبقى تعمل ايه ؟

ستيفن كوفي في كتابه الرائع "العادات السبع للأشخاص الأكثر فاعليه" رسم لسيادتك دايرة كبيييييرة و سوده , و رسم في وسطها دايره صغنونه بيضه ,
سعادتك بقى الدايرة السودة دي هي المشكلات و الواقع و القرف اللي احنا بنشوفه كل يوم
أما البيضه بقى , فتبقى انت , قصدي قدراتك و الحاجات اللي انت تقدر تعملها , و طبعا لأن قدراتك بالنسبة للواقع الأسود صغيرة جدا زي الدايرة البيضه دي ,

عمو ستيفن قال لك لو قعدت تبص على الدايرة السوده هتكبر أكتر و أكتر
لأن الحاجات الوحشة بتكبر مع الزمن ...
هتقعد سيادتك تتكلم عليها و هي عمالة تكبر و انت ما بتعملش حاجة علشان تحلها ..
أو إنك حتى تكبر الخير الصغير الموجود بنفس النسبة اللي الشر بيزيد بيها ..
يبقى تعمل إيه ؟

تحاول تبص على البيضه -الدائرة يعني - و تتجاهل السودة لأنك ما تقدرش تعمل فيها حاجة , خليك مع البيضه و حاول تكبرها أكتر و أكتر لحد ما تقضي الى السودة -في المشمش طبعا , انت بس هتكبرها , إنما الشر و الفساد لازم يبقوا موجودين , احنا مش في الجنة يا زعيم-

-- كلام نظري برضه , يعني ايه سوده أكنسلها و بيضه أوسعاها و الكلام البايظ ده ؟؟


بسيطة يا سيدي , بدل ما هتسأل نفسل "ليه" هتسأل نفسك "ازاي" ؟؟
يعني .....
بدل ما تقول هم الناس وحشين ليه و الاسلام ضعيف ليه , و كل الناس علينا ليه , و الفساد ماله جامد قوي ليه ؟؟
هتسأل بـ"إزاي" .... هتقول , إزاي أغير الناس الوحشين , إزاي أتجنب الناس "الرخمه" , إزاي أخلي الاسلام قوي ؟ إزاي أحاول أحارب الفساد أو أو حتى أتجنبه ؟

شوف , في الحالتين المشاكل موجودة , بس الحالة الأولى انت سألت نفسك و كلمتها بطريقة سلبية محبطه ,
أما الحالة التانية فانت سألت نفسك بطريقة مشجعة تدفعك للعمل ,
يعني بدل ما تقعد "تبكي على الاطلال " جنب التلفزيون و انت بتسمع الأخبار , هتسأل نفسك , أنا لوحدي كده أقدر أعمل ايه ؟ أنا ممكن أتفوق , ممكن أتبرع بفلوس , ممكن أوعّي الناس , ممكن أخاطب "الآخر" و أشرح له الحقيقة , ممكن أعمل حاجات كتيرة هي بسيطة آي نعم , لكني عملت و ما قعدتش و حطيت ايدي على خدي و خلاص ,

زي كل مرة , مع اني ما كنتش ناوي أطول , بس طولت برضه ,
حاجة أخيرة عاوز أقولها
كنت قرأت كتاب عن مهارات التعامل مع الضغوط
بيوصف عده طرق لتعامل الناس مع الضغوط و ردود أفعالهم , منها :
- التصدي للمشكلة.
- طلب الإسناد الاجتماعي.
- طلب الإسناد الانفعالي.
- ضبط النفس.
- الخيال والتمني.
- التجنب والهروب.
- العدوان.
- الإبدال.
أما آليات الدفاع أو (الحيل) أو ميكانيزمات الدفاع فهي:
- الكبت.
- التعويض.
- التبرير.
- التحويل.
- التكوين العكسي.
- النكوص.
- التوحد (التقمص).
- ""التسامي. ""
- الخيال.
- الإسقاط.

اللي يهمنا فيهم هو "التسامي" : "إن هذه الآلية الدفاعية تخفف من شدة الصراعات والتوتر الداخلي لدى الإنسان من خلال تحويل تلك الأفكار والصراعات إلى مجالات مفيدة وسليمة ومقبولة اجتماعياً، كما أنها تمكن الفرد من الإبقاء على هذه الصراعات مكبوتة وبعيدة عن الوعي ."

يعني تخلي الظروف اللي حواليك دافع ليك للنجاح و التفوق , سواء في المذاكرة -علشان أنفع بلدي- أو الابتكار -علشان يبقى عندنا منتجات و صناعات و ما نحتاجش لحد- , أو أدبيا -أكتب شعر أعبر فيه عن ما في نفسي, أو أي مقالات- , أو اجتماعيا -تتكلم مع الناس اللي تعرفهم و تحاول تطورهم و تنفع مجتمعك علشان تزيل الانهزامية اللي في النفوس دي - , و في مجالات كتيرة , انت و حسب شغلك و تفكيرك ممكن تلاقي أكتر من طريق و وسيلة لتحويل الضغوط و المشاكل اللي حواليك لأفعال مفيدة لك و "لأسرتك " و للمجتمع كله ...

خلالالالالالاص بقى أنا تعبت ,
الباقي اللي بالأسود أنا هيست فيه
أصل لقيت كلام مكلكع كده
و انا مخي علي أدي

بس كده
يا ريت يا جماعه تدعوا لكاتب الموضوع الاصلى
ربنا يباركله و يديله الصحة و يطول نفسه
زي ما قطع نفسنا

و عايزه اشوف رايكوا فى الكلام ده

فى رعايه الله

أنا رديت أهوه قبل 2009
بس بالنسبة للتوقيع ده أقل حاجة عندي
و أقل حاجة أقدر أعبر بيها عن اللي أنا حاسس بيه
و شكرا علي الموضوع

[RelenaღHeero]

السلامو عليكو



بجد بجد موضوع راااااااائع جدددداااااااً أختي الغالية و أنا الحمد لله أستفدت منه كتيير



أنا إن شاء الله هحاول أقلل حكاية النرفزة أللي عندي


يعني ممكن أكبر من بعض الأشياء أللي بتنرفزني يومياً




بس أنا عمري ما هقدر متنرفزش و أشتعل نار لما أسمع أو أقراء الأخبار



أو لما يسب حبيبي و سيدي محمد عليه أفضل الصلاة و أتم التسليم


أو لما أشوف المسلمين ي***وا و ي***وا و يشردوا و يرملوا و ييتموا :abdoog8:



مستحيل مغضبش لما ألاقي الأمعة المنافقين ....!!!




أنا بغضب لأني بغير علي الإسلام و المسلمين



بس أكيد لازم غضبي ده يخلي هدفي هو حل المشكلة دي




بصراحة حكاية الغضب دي محدش يقدر يتخلص منها



هوا ممكن يقللها لوكي بس كونة يشلها مستحيل

[Hamset_Etab]

ايه الجمال ده بجد موضوع فوق الوصف
مع انى قعت بتاع ربع ساعه اقرا فيه والنور طافى ومكسله اقوم وعينيا وجعتنى
بس بجد موضوع جامد اوى
ثانكسasdat

[ToMoRrOw_NeVeR_DiEs]

احلى حاجه ان الواحد يعمل عبيط و هو اصلن فاهم كل حاجه بتدور حوليه انا شخصيا بتبع النظام ده و على راى المثل اعمل عبيط يحتار عدوك فيك
موضوع جمييل و مشكووووره جدا جدا

[bosy .. mostafa]

هو مين راح فين <<< ممنوع دخول الاغبياء
بصراحه مش فاهمه حاجه
امشي يابت
هي طالبه وجع دماغ و فلسفه

[فاعــ خير ــل]

وتفتكر ده حل