البنت..... والسيجاره

[يوسف الشوري]

هل تدخين الفتيات موضة وانفتاح سلبي لمنافسة الشباب ؟



لا
تخلو مقاهينا من الشباب الذين يسهرون ويقضون وقت فراغهم بالتدخين ولعب
الشطرنج ومشاهدة المباريات، ولكن العجب أن نرى فتيات تتردد على هذه
الأماكن وتمارس حريتها على مرآى الجميع، ففي عصر العولمة والانفتاح
الفضائي وتقنية المعلومات هل أصبح تدخين الفتيات عادة من العادات
المفروضة؟ وإذا كانت الفتاة لا تهتم بصحتها وتتهاون في مسألة الخطر الذي
يحدق بحياتها، فهل تتساهل في الخطر المحدق بأنوثتها وعذوبتها أو سمعتها ؟
لا نعتقد أن أي فتاة قد تتهاون في هذا الجانب الذي يمثل معنى وجودها في الحياة ومعنى جمالها ورونقها الجذاب.





أيتها الفتاة المدخنة ..




الأنوثة هي بريق عينيكِ وأنت ذابلة العيون.




الأنوثة هي لون شفتيكِ وأنتي قد طليتِ شفتيكِ بلون أسود كتوم.




الأنوثة هي عبير أنفاسك وأنفاسكِ أنت كأسوأ ما تكون.




الأنوثة هي اشراقة وجهكِ وأنتِ وجهكِ غائب بين الدخان والسموم.




جميع
الرجال يذبلون أمام جمالكِ وجميع الشعراء قد تغنوا بكِ، فأفيقي قبل فوات
الآوان وقبل حدوث شيء ما لا يجب أن يكون قبل ذبلان الورود.




والسؤال الذي يطرح نفسه هنا هل السبب في ذلك الحرية من الأهل؟




أم الثقة القوية من أولياء الأمور؟




أم التهاون في التربية والانشغال في أمور الدنيا؟




أم ارتباط الفتاة بصديقات السوء؟




أم مشكلات عاطفية تمر بها الفتاة ؟




أيها القراء الأعزاء




بين هؤلاء الفتيات قد تكون واحدة تعرفها او تربطك بها صلة قرابة , فهل ترضى لها أن تكون في زحمة الدخان، وفي فمها أنبوب الشيشة ؟

انصحها .. وانصحه

[hazem_ayman]

المرأه نصف المجتمع انطلاقا من هذا المفهوم وجدت المرأه انها ولابد ان تشارك الرجل فى نصف كمية السجائر والمعسل المطروحه بالاسواق
بجد

لو الموضوع وقف لحد السجاير يبقى تمام
البنات دلوقتى بتعمل دماغ

[BaNZeR]

وليه الولاد يتفردوا بحاجة متعملهاش البنات

هما اقل منهم بحاجة

ده في بنات بتفخر إن تصرفاتها زي الصبيان وتخجل او تتدايق عندما يقال لها
يا بنت !!!

[vampire1188]

لا عادي عادي ..

اول مرة شوفت بنات بتشرب سجاير كانت في بورسعيد .. في كافيه اسمه جاك قدام جامع الشاطئ

وأظن اي حد من بورسعيد هايبقي عارفه .. فاطبعاً استغربت اوي اوي اما شوفت المنظر دا

والكلام دا اما انا كنت لسه في ثانوي .. لكن اما دخلت الجامعة واتفتحت على العالم وبقيت اخرج كتير

بقيت اشوف بلاوي .. فا من كتر البلاوي مابقتش تفرق معايا ..

اخرهم كان من ييجي شهر ونص كدا .. كنت قاعد في سلطانه واتلاقيتلك بنتين طلبوا شيشة تفاح !!

وقبل كدا كنت خارج معا ناس .. وداخلين كوستا كافيه عادي جدا ..

طبعا كوستا معروف انه على طول زحمة .. فلو الواحد لاقي مكان فيه يبقي يحمد ربنا !

المهم دخلنا وكان فيه ترابيزات في المستوي الارضي فاضية .. واحده بقي من اللي كانوا معانا فضلت مواقفانا

ليه ؟! .. عشان عايزة تقعد في الـ smoking zone تدخن براحتها !

والمهم جيت عشان انصحها واقولها كدا غلط .. الاقيها تقولي يابني عادي انا بطلع فيها الغل اللي جوايا مش اكتر

هوا انا بس اما ببقي متوترة ببقي كدا ..وبعدين دي سجاير مش عادية .. دي امريكية حتى بص للمكونات بتاعتها

هاتتلاقي نسبة النيكوتين فيها قليلة مقارنة بميريت اللي هيا اخف سجاير في السوق تعتبر !!

فاتكتمت .. يعني واحده زي دي عايزني انصحها ازاي وهيا اساسا مقتنعه تمام الاقتناع ان اللي بتعمله دا عادي ؟!

[الدويدار الصغير]

توبيك مميز يناقش مشكلة خطيرة بدات وانتشرت للاسف
بص يا يوسف

هو الاسباب اللى انتى زكرتها هى اللى ممكن تكون اسباب فعلا لسلوك البنت هذا الاتجاه
ولكن هناك أسباب تانية مثلا زى حب التجربة والفضول والمشى مع الموضه (اللى مودينا فى داهية ) وتقليد الغرب وكالعادة فى اسوء الاشياء
وطبعا يعنى أنا مش عارف حيستفيدم ايه منها وغير كده المنظر الصراحة بيبقى صعب جدا والبنت ماسكة الشيشة واو السيجارة ونزله زى المدخنة عليها
والله حاجة تقرف بجد

يارب اهدى بنات الامة الاسلامية وشبابها يارب العالمين

وشكرا ليك يا يويو على التوبيك المميز

[pureheart]

انا الحقيقة
مشفتش بنات بتشرب سجاير و لا الكلام ده
و اعتقد ان نسبة البنات اللى بتعمل كدة قليلة

[لومة fces]

للاسف الظاهرة دى انتشرت فعلا جدا جدا

ودلوقتى بقت منتشرة حتى فى الجامعة

والله مش ببالغ بس انا بشوف بنفسى بنات بتولع السيجارة وتشربها عادى جدا
وبيكونوا جوه الكلية او حتى فى المدرج

وخصوصا ان معايا اجانب وللاسف البنات المصريات بيقلدوهم
وربنا يستر على البلاوى اللى جاية دلوقتى بيشربوا سجاير
مش عارفين بعد كده هيعملوا ايه

[ميراج]

تسلم ايدك يا يوسف على الموضوع ده بجد رائع

وربنا يهدى الجميع

[هانى الشرقاوى]

فعلا فيه بنات كتير أوى بتشرب سجاير وشيشا كمان
بس دى فى نظرى زيها زى الشاب اللى بيشرب
متفرقش عنه فيه حاجة خالص
وطالما احنا شايفين ان الولد منه حقه يدخن قدام أى حد
يبقى البنت كمان من حقها دوت