|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
| مشاهدة نتائج الإستطلاع: ايه هي أحسن مادة عندك؟ | |||
| 1. لغة عربية |
   
|
10 | 6.21% |
| 2. لغات ( اولي - ثانية ) |
  
|
28 | 17.39% |
| 3.جبر وحساب مثلثات |
  
|
21 | 13.04% |
| 4.هندسة مستوية |
  
|
10 | 6.21% |
| 5. أحياء |
  
|
21 | 13.04% |
| 6. فيزياء |
  
|
24 | 14.91% |
| 7. كيمياء |
|
27 | 16.77% |
| 8.جغرافيا |
|
6 | 3.73% |
| 9.تاريخ |
|
9 | 5.59% |
| 10.فلسفة ومنطق |
|
5 | 3.11% |
| المصوتون: 161. أنت لم تصوت في هذا الإستطلاع | |||
 |
|
|
أدوات الموضوع | انواع عرض الموضوع |
|
|
|
#1
26-07-2009, 04:11 AM
|
||||
|
||||
شكرا ع الموضوع
وطبعا طريقة المزاكرة بتختلف من طالب للتاني بس انا فـ رأيي ان احسن طريقة للمزاكرة هيا ان ف الاول نقرأ تلخيص المنهج كامل او الجزء المقرر مزاكرته كامل يعني عشان نعرف الفكرة العامة ونعرف هنبدا بايه ونوصل لايه بعدين نقراه كمان مرة ونركز اكتر ونفهم اكتر ونحاول نركز اوي اوي على النقط المهمة والملحوظات .... بعدين نفتح اي ملخص حلو فيه اسئلة حلوة يفضل يكون ف الاول فيه اسئلة مجاب عنها نقراها كلها ونقرا الاجابات كويس ونفهمها بعدين نروح نحل اسئلة مش محلولة او ليها حلول بس ف كتاب تاني او وف اخر الكتاب نبدا نحل كويس اوي ونكز ونفتكر كل اللي قراناه واي نقطة تقف معانا نروح نشوف الاجابة بس طبعا مش الاجابة كلها نروح نشوف جزء صغير بس يفكرنا باللب قراناه ونحاول نفتكر اللي كتبناه ويفضل طبعا نكتب الحل بالايد ... مع ان فيه ناس بيفضلو انهم يعتمدو ع مخهم بس .. بس بقول يفضل . وبعد منخلص كمية كبيرة من الاسئلة المتنوعة نبص سريع ع الجزء دا تاني من غير منقراه كله نركز بس ع المهم فيه واوعو حد يحفظ يا جماعة اي حاجة لازم تفهمووووو وبس والاجابات هتقدرو انتو تقولوها من عندكم مادام فاهمين الحفظ ميبقاش الا في الحاجات اللي لازم تتحف ومينفعش تتفهم بس زي النصوص ف العربي والكلمات ف الانجلش والفرنساوي و الالماني وكده وان شاء الله بعون الله اضمن لكل واحد يتبع الطريقة دي من اول السنة لاخرها انه يطلع من الاوائل باذن الله صحيح انا مكنتش بطلع من الاوائل لاني ربنا يسامحني مكنتش بعمل كده الا ف اخر شهرين ولا اخر شهر وناسي نفسي طول السنة طبعا اوعو حد يعمل كده محدش ضامن انه هيلحق يخلص فلو كل واحد عمل الطريقة دي من اول السنة هيدعيلي بعد ف اخر السنة ان شاء الله وف النهاية بتمنالكم كلكم التفوق والنجاح في حياتكم ... وفي دراستكم لو طلاب وفي شغلكم لو غير كده ... |
|
#2
07-08-2009, 05:49 PM
|
||||
|
||||
|
طبعا مع احترامى لكل الاراء الا ان كم وكيف المذاكره ودرجة حب الماده عليها عامل كبير جدا جدا هى اللى بتحدد يعنى مثلا ماده زى الكيمياء انا كنت بعشقها فكنت متفوقه فيها وعلى طول الاولى على مجموعتى والمجموعه كمان عليها عامل مهم جدا فى المذاكره يعنى مثلا لو مجموعه شاطره او مختلطه(بنات وصبيان)مفيش حد بيحب يتكسف قدام حد خصوصا فى الظروف دى فتلاقى الكل بيذاكر ويحب يتفوق وده بيدى حافز ويا سلام كمان لو فى حد بتحبو فى المجموعه دى سواء المدرس او زمايلك حتلاقى نفسك حابب تروح الدرس وبالتالى تفهم وتذاكر الماده وتستمتع بيها وكمان طبعا دوافع الشخص والهدف اللى عايز يحققه(مذاكره علم نفس كويس ههههه) عن نفسى هى دى الحاجات اللى قصرت معايا وخلتنى اتفوق الحمد الله وعالفكره انا دخلت صيدله يعنى كليه حلوه الحمد لله معلش طولت عليكو وهو ده راى فاى حد عنده اعتراض او تحفظ على اى نقطه فيه او راى مخالف احب اسمعه ونتناقش ان شاء الله وشكرا
__________________
من الجميل ان تبتسم فى الموقف الذى يتوقع فيه منك الجميع ان تبكى hapyhopa
|
|
#4
01-09-2009, 03:19 PM
|
||||
|
||||
|
ذاكرنا وحلينا وحفظنا........... لكن الحفظ بيتبخر والفهم بيفضل وانت ممكن تعبر باسلوبك
ده اللى انا ابعته فى ثانوى وياريتنى ما اتبعته, انا اتظلمت فى حوالى 10 درجات بسبب الموضوع ده واما اعمل تظلم الاقيهم حاسبنلى الاجابة غلط عشان مش نفس النص اللى فى نموذج الاجابة, مع انه نفس المضمون لكن باسلوب مختلف وطبعا مخدتش حاجة فى البلد اللى ما يعلم بيها الا ربنا دى انا مش هقول غير حسبى الله ونعم الوكيل, لولا العشر درجات دول كان زمانى فى هندسة دلوقتى لكن قدر الله وما شاء فعل اجيبلك م الاخر, الثانوية العامة دى حظوووووووووووووووووووووووظ بعد قدر ربنا طبعا |
|
#5
26-09-2009, 12:30 AM
|
|||
|
|||
|
موضوع جميل جدا يستاهل النقاش
انا عن نفسي بحب افهم الحاجة ساعة ما بتتشرح قدامي اول حاجة و بعدين اذاكرها بالكتابة و بعد كده احل التمارين الي في الكتب الخارجية على الدرس الي ذاكرته و طبعا مهما ذاكرت هيوقف معايا اسئلة ممكن اكون عرفاها بس مش عارفه اعبر باسلوبي كويس فلما اشوف صيغة السؤال بيجي ازاي مع الاجابة الي انا بطلعها بنفسي هتثبت طبعا في دماغي و كل ما احل اكتر بتكون نسبة الاستفادة اكبر بس طبعا بعد مذاكرة ربنا يوفقنا جميعا
__________________
اعاتب دهرا لا يلين لعاتب .. و اخفي الجوى و الدمع فاضحي!!!
|
|
#6
20-12-2009, 09:44 AM
|
|||
|
|||
دمياط
ارى ان الفهم وحل الاسئلة يجب ان يربط بينهما رابط واحد وهو النجاح
|
|
#7
28-09-2011, 05:28 PM
|
|||
|
|||
|
هقول على حاجة ممكن ميوافقش عليها الكل بس دا الواقع الصريح عشان كدا بلاش نرفضه
الثانوية العامة 99ف المية حفظ و1في المية فهم أي والله حتى الفهم اللي ف الرياضة لو جيت تقارنه بحفظ بقية المواد مايجيش جناح بعوضة من الآخر كدا يا دكاترة شعارنا هو : احفظ × الزق حاجة كمان بئا مهمة زيها زي الحفظ هي حل أسئلة كتيييييييييييييييييييير على قد ماتقدر حل حل حل حل إن شاء الله تخلص كتب الجمهورية على فكرة الحل اهم من المذاكرة نفسها كمان عشان بيعديك على كل صيغ الأسئلة ويعرفك إن السؤال ممكن يتلف بمليون طريقة والحل نفسه في الآخر يعني ماتفتكرش اللي دخلوا طب وصيدلة دول حااجة ابهة يعني دول يادكاترة من الآخر حفيظة لا عندهم عقل اكبر من عقلك ولامخ زويل ولا حاجة وصدقني حتى لو شغلوا مخهم على الاقل بنسبة 1 او 2 في المية الفهم ميجيش حاجة قدام الريس --> الحفظ وكتابك في راسك تعرف خلاصك حاجة تزعل اه بس دا تعليمنا ولازم نسايسه احم اقصد نسايره خلاصة الكلام بئا كتابك في ايدك عقلك في مخك ودح يا تلميذ وحط ف دماغك انك طااالب ثانوية عامة عارف يعني ايه طالب يعني من الاخر للاسف زي اللي بيشحت كدا يعني حضرتك رهن اشارتها كل حاجة عايزاها منك تعملها حتى لو اتكلفت ايه هو دا الحل الوحيد >>دا الاخذ بالأسباب بعد التوكل على الله عز وجل طبعا كمان المنافسة دي مهمة جدااااااااااا صدقني احلى حاجة ف المجاميع المنافسة لما تشوف حد اشطر منك لازم تغير منه هو احسن منك ف ايه عشان يبقى كدا انتوا الاتنين بتاكلوا وبتشربوا وبتنامو هو مش من المريخ يعني حاجة أخيرة وأعتذر للتطويل اوعى دوامة الحياة تنسيك ربنا عز وجل ربنا حبيبك اللي بيديك وبيديك كتيير اوي يا أخي دا انتا غرقان ف نعمه الحمدلله عاتيك صحة ودين وقدرة وقوة ابقى اشكره كل يوم واتاسفله وقوله يارب سامحني انا مقصر ف حقك يارب وخلي نيتك من مذاكرة ترضيه سبحانه وتعالى علاقتك بربنا اهم من اي شيء مش ف الثانوي بس ف كل حياتك اوعى تاخر الصلاة وتقول معلش اصلي بذاكر ارمي الكتاب من ايدك وارمي نفسك بين ادين ربنا في الصلاة الصلاة احلى لقاء هتعيشه ف حياتك اسفة مرة تانية شكلي كدا مش خدت بالي وكتبت موضوع تعبير  )))أسيبكم في أمان الله ربنا يحفظنا وإياكم
__________________
الحمدلله الذي هدانا لهذا يقيني بالله يقيني
|
|
#8
29-09-2011, 10:13 AM
|
|||
|
|||
|
اقتباس:
معلش يعنى بس انا معترض على رايك اعتراضا معروضا جامد يعنى يعنى انت مكتوب انك فى علمى واكيد عندك الحاجات الغريبة اللى بيسموها رياضيات وكيمياء دول اوعى حد يقولى انهم بعتمدوا على الحفظ  يعنى لما يكون فى حساب المثلثات اول وحدة عبارة عن خمس قواعد انت لو حفظتهم والله مش هتعرف تحل لازم تفهم ازاى تستخدمهم وازاى الاسئلة بتيجى عليهم مش بس الحفظ يعنى الانجلش يعتمد اعتماد كلى وجزئى وشوية حاجات فوق بعض على اسلوبك انت فى الكتابة واستخدام التعبيرات الديتش او الفرنش مش عارف والله بعتمدوا على ايه  العربى البلاغة والنحو بيعتمدوا اعتماد كامل على الفهم مش الحفظ والتعبير بيعتمد على اسلوبك يعنى من الاخر ثلت مواد من اصل خمسة معتمدين على الفهم ونص العربى كمان معتمد على الفهم ولا ايه رايك 
|
|
#9
29-09-2011, 04:56 PM
|
|||
|
|||
|
اقتباس:
بالنسبة للانجلش احنا بنحفظ قطع تعبير وبتحفظ الكلمات وبنحفظ القواعد وشوية فهم اما العربي القراءة والقصة حفظ الادب حفظ يمكن البلاغة والنحو بس اللي فهم بس حتى البلاغة نفسها فيها اللي يتحفظ زي سر جمال المجاز او الكناية عندك الرياضة انا مقلتش حاجة انا اقصد لازم تحفظ القووانين وتفهمها تعتبر الرياضة فقططط!!! اما بئا الاحياء حفظ× حفظ ماعدا الوراثة والمسائل وفهم بسييييييط اما الكيميا بئا الى الان كل صحباتي بيقولولي اول باب حفظظظظظظ وتاني باب حفظ وفهم\الكيميا اساسا 50فهم 50حفظ اما الفيزيا بئا هي اللي كلها فهم ف فهم الفلسفة حفظ علم النفس حفظ الاقتصاد حفظ ماعدا الاحصاء اللي فهم وبالنسبة للفهم فللأسف معتقدش اي مصصح هياخد باسلوبك اقرا حتى رد واحدة فوق كاتبة نقصت 10 درجات عشان اجابات صح بس عشان كتبتها بأسلوبي مش بالنص بتاع نموذج الاجابات ها ؟ ايه رايك بئا ؟؟
__________________
الحمدلله الذي هدانا لهذا يقيني بالله يقيني
|
|
#10
29-09-2011, 05:42 PM
|
|||
|
|||
|
اقتباس:
فصل زى النقل دة لو واحد حافظه كويس جداً و مش فاهمه مش هايحل عليه ولا سؤال و نفس الكلام بالنسبة للتنفس دورة كريبس و انشطار الجلوكوز فيهم لعب جامد جداً فى الأسئلة الكلام دة على المواد الأدبى انما العلوم حتى لو المادة نسبة الحفظ فيها عالية لازم الواحد يبقى فاهم بيحفظ أية |
|
#11
18-11-2011, 05:19 PM
|
||||
|
||||
|
اقتباس:
انا عمال اقرا كلامك وعامل كده
 حفظ مين بس ودح ايه والكلام الفاضي ده حل الاسئله مهواش كده يعني كتاب واحد كفاااااااايه اوي "دا اذا خلصته" اقتباس:
انا في الثانوي كنت بذاكر ساعتين تلاته والباقي ع النت وكل المواد الي فيها حفظ قفلتها وانا داخل بنص مذاكره والمفاجئه ان الكيميا مكنتش بحفظ معادلات شفتي بقي كنت بفهمهم بس الاحياء مش محتاجه الليله دي والله ماده هايفه ومش لازم تحفظ يعني كل حاجه وممكن تلخصيها مع نفسك وخلاص ثم متتهميش الي في الكليات الطبيه الغباء ! يا دوك دوري علي مشاركاتي انا وجوزيف وعبدو وبلال وهيما و"اللهم اغفر لي" و "محبه الله" وشوفي كنا بنشغل الجي ولا لا تشغيل الدماغ اهم من المذاكره نفسها طب ما سؤال الAGAAG والله كل الي حافظين كتبوه نصا زي الكتاب بالفاصله وخدوا صفر كبييييييير عشان حافظين مش فاهمين وانتي لما يجيلك امتحان زي 2008 هل المذاكره هتفيدك بشئ ؟! علم النفس والله لو فهمته "وماده رائعه والله" هتراجعه في يوم كوله لأنك لو حفظاه بس ممكن تجيبي النهايه بس شوفي هتراجعيه في كام يوم اقتباس:
طب كلمات ماشي القواعد تحفظي ايه بس يعني هتحفظي مثلا حالات IF يكفي اووووووي تفهمي حالاتها وحبه استثناءات لكن البراجرافات تتحفظ ليه دي يعني فرضاً طقت في دماغه يجيب حاجه نيو هتعملي ايه عن الcloning او anemia syndrom & causes لازم يبقي ليكي اسلوب خاص بيكي تبدعي بيه امال لما تبقي دكتوره وتخشي علي الدكتور في الشفوي وحب يلعب معاكي هتعملي ايه ! الي بتعمليه ده اكبر غلط وانتي هتشوفي بنفسك (اللهم بلغت اللهم فإشهد) علي فكره اللغه لازم تنميها مش تحفظي القواعد والبراجرافات وإلا هتشدي في شعرك في الكليه "وربنا يوفقك ليها" من اول الGeneral anatomy
__________________
Dr.Mohamed Mostafa Elkady
Benha Faculty of Medicine |
|
#12
28-11-2011, 08:34 AM
|
||||
|
||||
|
اقتباس:
 بجد الفهم طبعا عليه عامل كبييييير اوى وطبعا حبك للمادة برده عليه عامل كبير جددددددااا وكمان المدرس اللى بتاخد عندو لازم تحبه وتحب اسلوبه يعنى مثلا مدرس الكيميا اللى باخد عندو ده عثثثثثثثثثثثثثثثثثثثثثثثثثثثثثثثثثثثثثثثثثثثثثثثثث ثثثثثثثثثثثثثثثثثثثثثثثثثثثثثثثل بجد عمرى ولا شفت ولا هشوف حد بالعثل وخفة الدم والعبقرية دى بجد بموووت فيه وفى اسلوبه وطريقته ممتع جدا تحس انك رايح الدرس وهتموت وتروح بدرى تبقا قاعد فى الدرس ميت علا روحك من الضحك من اسلوبه فى الشرح يخليك طالع من الدرس وعارف كول حاجة عنه وتقريبا حفظته كمان وانت قاعد حتى انا لما اجى ازاكر الكيميا افتكر الاستاذ كان بيقولنا ايه فى الحتة دى واقعد اضحححك جامد وانا بزاكر وبتلزق فى دماغى بطريقة رهيييييييييييييييييبة والله فى حاجات انا فاكراها من غير ماكون زاكرتها بس من شرح الاستاذ فده برده عليه عامل كبير وطبعا الغيرة بتسببلى بالذات عامل كبير لانى لما بلاقى مثلا واحدة او حد زميلى ممتاز وانا اقل منه فى حاجة بستشيييييييط غضبا بس والله مش بحقد والكلام ده ومش بتمنى لغيرى الشر والله بس هما يبقو الاوائل اه بس انا معاهم فالمنافسة وكده بتخلى الواحد دايما نشيط بعكس لو كل اللى حواليك ميح بمعنى اصح (انت اللى فيهم ) طبعا ده هيخليك نايم  هيييييييييييييييييييه دونياااااااااا سنتين وهيعدووووووووووو 
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~ |
|
#13
30-11-2011, 01:43 PM
|
|||
|
|||
طب انا عندى استفسار ممكن تساعدونى دلوقتى انا مبحبش الحفظ وبنسى بسرعة ةجدا وبحب افهم بس بنسى بردة اللى فهمتة او مش بفتكرة بوضوح مثلا: زى الكيمياء انا لما افهم حاجة خلاص فهمتها بس اجى احل عليها او حد يسالنى عنها بهد يوم يومين مبفتكرش عنها اى حاجة وانا حاسة نفسى ضايعة فى الكيمياء مش عارفة اعمل اية وزى مثلا المعادلات فهمت ازاى جاتت وكل حاجة تمام اجى اليوم التانى اراجع عليها مبفتكرش ولا حاجة وبيكون لازم اذكرها تانى بس دى بيضيع وقت لانى بيكون معايا دروس تانى عايزة تذاكر فانا مش عارفة اعمل اية ممكن تساعدونى وبردة نفس الحكاية فى الادب ..........
|
|
#14
30-11-2011, 03:14 PM
|
|||
|
|||
|
اقتباس:
انا لو الاستاذ ده كان بيدينى كميا السنه اللى فاتت كنت زمانى علوم دلوقتى 
|
|
#15
28-09-2011, 05:31 PM
|
|||
|
|||
|
اه معلش نسيت حاجة
بلاش شغل الخباثة اللي الطلبة بتعمله وبتخبي المعلومات على غيرها ساعد غيرك ربنا يساعدك ربنا حطه في طريقك عشان تساعده اوعى تقول لربنا لا... مش معنى كدا انك تغششه ف امتحان اخر السنة !! وشكرا
__________________
الحمدلله الذي هدانا لهذا يقيني بالله يقيني
|
|
| العلامات المرجعية |
| الكلمات الدلالية (Tags) |
| ....الخ, مساعدة, مشكلة, اخوات, اصدقاء, اسرة, بوابة الفارس التعليمية, حلول, شرح, عائلية, عاطفية, فضفة, نفسية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 06:34 AM.
