قواعد خصم نسبة 10 % من الأعباء الوظيفية

[طه توكل]

والله يا استاذ شعبان انت فتحت نفس الواحد وخليت الواحد عايز يعرف كل حاجة عن المرتبات وان شاء الله هيحصل

[أحمد علي]

يارب يارحمن يارحيم اللهم أتم شفاء والدة الأستاذ شعبان عطية

[shdod]

المشاركة الأصلية كتبت بواسطة شعبان عطيه

اخى الفاضل shdod
ارجو التأكد من الرقم المذكور فالحد الأقصى لضريبة الدخل 75 جنيه كما هو موضح بالجدول
وقد تكون تتحدث عن المعاشات وهى نسبة ال10 % من جملة الجور المتغيره
أما عن مصدر الجدول فهو ماهيات الادارة وسوف احاول رفعه ولكن تواجهنى مشكله فى الاسكانر وستحل قريبا ان شاء الله
والعجيب ان هناك اختلافات بين المحافظات فى نفس الوزارة رغم انها من المفروض واحده
والأمر واضح فى قيام بعض المحافظات بصرف الراتب جملة واحده ( المرتب + الحوافز + بدل الاعتماد والمعلم )
بينما فى محافظتى المرتب وحده ومعه بدل المعلم والاعتماد والحوافز وحدها تصرف بعد يوم 8 من الشهر الجديد

حضرتك من واقع مفردات المرتب خصم الضريبة قبل اضافة حافز الاعباء 170 جنية ونسبة خصم الاجور المتغيرة207 وهذة هى الحد الاقصى لخصم الاجور المتغيرة بناء على كلام الماهيات وبعد الخصم من حافز الاعباء اصبحت الضريبة 202 جنية

[machmach]

استاذ/ شعبان ممكن التليفون حضرتك ضرورى

[شعبان عطيه]

الأخ الفاضل / machmach

رقم تليفونى 01289787299

[shdod]

المشاركة الأصلية كتبت بواسطة شعبان عطيه

دى ان شاء الله قاعده ثابته بالنسبه للتربية والتعليم
لكن تختلف فى وزارات اخرى كما اوضحت وذكرت مثال وزارة الصحه
ولو كان عند حضرتك غير كده يا ريت تذكره ونشوف الصح فين لأن ما ينفعش حاجه زى كده تختلف داخل نفس الوزارة
ممكن من وزاره للتانيه فالحد الأدنى عندنا مثلا اتحسب على الأساسى الحالى للموظف
اما فى وزارة الصحه فاتحسب على مربوط الدرجه وده ظلم طبعا ان نفس القانون يختلف فى تطبيقه من وزاره للتانيه
ومعلش كلامى انا متأكد منه لأنى بعمل مرتب وحده صحيه زوجتى هيه مسئولة المرتبات فيها

نرجوا من حضرتك وضع صورة المستند الرسمى لنسبة الضريبة حتى نطالب بحقوقنا من الادارة وسنكون شاكرين جدا لحضرتك

[أبوعلى55555]

المشاركة الأصلية كتبت بواسطة شعبان عطيه

الأخ الفاضل أبوعلى55555
اعتقد انها ما تفرقش لأن نسبة الاداريين اللى باقيه ليهم 150 %
والدرجه الأولى مثلا بداية المربوط بتاعها 413 جنيه فلو ان ادارى لسه واخد الدرجه امبارح ضربنا مربوط الدرجه فى النسبه المستحقه ( 413* 150 % = 619.5 بينما اقصى مبلغ تحصل عليه الدرجه 255 جنيه
والقاعده ان الموظف يحصل على الأقل فيحصل على 255 جنيه
و قس على ذلك
مش حاتفرق عندنا فى التربيه والتعليم لكن تفرق فى وزارات تانيه زى الصحه لأن عندهم ناس النسبه الباقيه ليهم من 75 % الى 200 %
اتمنى ان اكون اجبت على استفسارك

الأخ العزيز / شعبان أشكرك على اهتمامك
ولكنى قبضت اليوم وانا فى ادارة دسوق محافظة كفر الشيخ
المبلغ عن الشهرين بالضبط مجموع يناير وفبراير 119 جنيه أى مايساوى عن الشهر الواحد 59.5 جنيه فهل هذه علاوة الحد الادنى ولاعفوا ضرب على القفا
على فكره انا تعيين 89 اساسى 484.37 على الدرجه الثانيه
ياريت لو عندك رد يريحنى او حد يقولى اعمل ايه واشكرك واشكر كل من له الخبره فى الحسابات يفيدنى

[محمد محمود بدر]

المشاركة الأصلية كتبت بواسطة شعبان عطيه

الاخوة الأفاضل بعد السلام غليكم ورحمة الله وبركاته
اتعجب من معلم يربى أجيال ويستطيع توصيل منهج قد يكون غاية فى التعقيد ولا يستطيع بل لا يحاول ان يناقش الزميل الادارى فى راتبه
قبل ان اشغل نفسى بأمور المرتب كنت كجميع الزملاء وبسبب موقف بسيط حدث ان انتدبت للعمل بوحدة قياس الجوده نظرا لحصولى على دورة مراجع خارجى لجودة التعليم وكلما ذهبت الى مدرستى الأصلية اجد الزميله الادارية تطلب منى اخذ مفردات مرتبى وذلك لمرات كثيرة ومتتالية وعندما فاض بى الكيل من تأكيدى لها اننى منتدب ولست منقول تتعذر بكثرة العاملين بالمدرسة وحجم العمل الكثير عليها الخ
فما كان منى الا ان قلت لها بعد ان فاض الكيل ( شغلك ده يا ابله أعمله بصباع رجلى ) ولأنها اخت فاضله ومحترمه لم تعلق وعندما انهيت انتدابى من وحدة الجوده وعدت للمدرسه استقبلتنى وقالت ( تعالى يا عم ورينى ازاى حاتعمل شغلى بصباع رجلك ) ونظرا لاحترامها وزوقها شغلت نفسى اتعلم منها وهكذا جاءت خبرتى وتعلمت منها الكثير وما زلت اتعلم واساعدها شهريا بعمل كشوف المرتبات وطباعتها وهى تقوم بنقلها
اقول ما سبق لسببين
الأول بعض سكرتارية المدارس ترفض ان توضح اى شىء لمن يسألها و( ما تبلش ريق حد ) وده ينتج عنه عدم الثقه فى شغل الادارى وعدم التأكد من صحة المرتب وخصوصا عند وجود زميل نفس التعيين وكل شىء فى مدارس اخرى والمرتب مختلف
الثانى احنا كمعلمين ولو من قبيل اننا نعرف حقنا ونتأكد من راتبنا ممكن نشغل نفسنا ببعض التفاصيل اللى اتضح لى انها مهمه أوى ولو قبل الادارى نتعاون معاه ونساعده من اجل مصلحة الجميع وبدل ما نقعد نشكى ونشك بدون فهم وممكن نكون احنا اللى غلطانين
انا عن نفسى بقدم دايما العذر لأى زميل واحسن الظن حتى يتبين العكس
عموما لى برنامج مرتبات على البوابة وطريقة العمل عليه ولكن لأنى على أدى فى الاكسل باستعين ببعض الزملاء الفاهمين والحمد لله البرنامج كويس جدا لكن ينقصنى تظبيط معادلة الدمغة ويبقى كله الكترونى بمجرد وضع الأساسيات حسب الشرح تحصل على صافى المرتب
ان شاء الله بمجرد توفر الوقت سأقوم بشرح واف للمرتب وقواعد عمله وقواعد الدمغة وضريبة الدخل وبدل الاعتماد الخ وذلك لكل مسمى وظيفى من أول كبير المعلمين وحتى الادارى و العامل وسأطلب من المشرف على القسم تثبيت الموضوع لتعم الفائدة ومرفق ملف البرنامج والشرح وفى خدمة أى عضو فى أى استفسار

جزيل الشكر والتقدير لحضرتك
أشكر لحضرتك جدا مساهماتك فى ان نفهم كلنا هذه المشكلة
ولكن لى تساؤل
لماذا هذا التضارب فى الادارت
لماذا لا يكون هناك نظام موحد للوزارة كلها للعمل عليه
جزاكم الله خيرا وبارك الله فيكم

[شعبان عطيه]

الأخ الفاضل أبوعلى55555
اذا كان اساسى حضرتك كما ذكرت فيؤسفنى ان اوضح لك ان هناك خطأ فادح وحقك مغتصب ولا يضيع حق وراءه مطالب
مرفق ملف اكسل محسوب فيه فرق يناير وفبراير لحضرتك بالضبط وما يخالف ذلك لابد من مراجعته

[أبوعلى55555]

شكرا لك اخى شعبان وجزاك الله خيرا
وربنا يسهل وسنوافيك بالنتيجه ان شاء الله

[مرفت77]

شكرا جزيلا على هذا الموضوع

فهمت جاحات كتيرة منه وخصوصا الفرق بين خصم المعاشات وضريبة الدخل

[amiraarnoot]

كلامك صحيح جدا يا استاذ شعبان ده الى حصل معايا في شهر يناير موظفة المرتبات خصمت 65 جنية من المرتب رغم ان كل زملائى الخصمات اقل بكثير لان 2% مش معقول تكون كل هذا المبلغ وعندما طلبت منها استفسار عن ذلك قالت هوه كده صح و انتى كنتى بتقبضى زيادة كل شهر طلبت منها تفهمنى عشان لو باخد زيادة ارجعهم وانا على فكرة راجت المرتب و الاساسى مع كل دفعتى وجدت انه كان مظبط في البداية قالت عشا انتى بنظام 75% و الخصم على الكلى قالت لها ان زملائى بنظام 100% الخص 10 جنيه فقط و زميلة اخرى بنف المدرسة تعمل مثلى 75% خصم منها 15 جنيه
اعدت تحسب على الالة الحاسبة و قالت مظبوط طب يا ست فهمينى مظبوط ازاى
قالت مش شغلك مش حتفهمى و ده شغلى و عايزة تشتكى اشتكى سالت مدير شئون العاملين بالادارة ما الحل قال اعملى تدرج للمرتب لمعرفة الخطأ فين ذهبت لعمل تدرج للمرتب قال الموظف بعد شهر بصراحة عندهم سرعة في انصاف المظلوم رجعت و اشتكيت لمدير شئون العالمين و طلبت بعمل مفردات مرتب قال انت المدرسين فكرين نفسكوا طبقة احسن منا و بتيجو تهزئونا و بتتكلموا معانا من طرطيف مناخيركم بصراحة زهلت ان المظلوم اصبح هو الظالم من وجهة نظرهم و قال المفردات بعد يوم عشرين و بعد الساعة 12 ظهرا اين العدل في هذه الوزارة

[amiraarnoot]

ياريت يا استاذ شعبان تحسب لى مرتب يناير :
معلم أول أ اعمل بنظام 75% اساسى 100 % 473.40 ، و اساسى 75% 355.05
المرتب كان في ديسمبر 1027 و اصبح في يناير بعد خصم 2% 962 ده صح ولا في حاجة غلط

[شعبان عطيه]

الأخ الفاضل amiraarnoot
معذرة لم افهم
المطلوب لحساب المرتب
المسمى الوظيفى
اساسى 30 /6
اساسى 1/7
العلاوات الخمس
أى مبالغ تاو بدلات خاصة مضافه او مقتطعه من راتبك
غير ذلك يصعب حساب الراتب
مع توضيح بعلاوة الأعباء ام لا
وبالحوافز ام لا

[amiraarnoot]

الاستاذ شعبان شكرا لاهتمام حضرتك وجزاك الله كل خير ان شاء الله
البيانات المطلوبة :
1- انا اعمل بنظام العمل جزء من الوقت بنظام 75%
تعيين 1995/9/1 المسمى الوظيفى معلم أول أ (علوم اعدادى )
2- اساسى7/1 /2012 كان 306.40 75% و كان المرتب + الحوافز 855 ج
اساسى مايو 2013 بزيادة 15% اصبح الاساسى 365.40
3- مرتب سبتمبر بعد اضافة علاوة الترقية للدرجة الاولى ( معلم أول أ ) بزيادة بدل المعلم و 10% اصبح الاساسى = 310.40 و المرتب اصبح 1027 و الحوافز 50% = 160 ج و الاعباء الوظيفية 220 ج كلا في استمارة منفصلة و لم يتم اضافتهم للمرتب حتى الان
4- بعد خصم 2% في يناير 2014 تم خصم 65 و اصبح المرتب 962 و رفضت موظفة المرتبات بالادارة ايضاح السبب وقالت ده مش شغلك و مش حتفهى حاجة و كده صح
5- اخر تدرج للمرتب في ابريك 2011 كاناساسى 75% = 328.91
6- العلاوات الاخرى التى احصللا عليها :
* علاوة دبلومة من فبراير 1999 = 4 ج
*علاوة زواج 2000
و لا توجد خصومات غير 25% لنظام العمل جزء من الوقت
عفو على الاطالة و مشكور مرات و مرات على مجهودك لمساعدة الزملاء و لسعة صدرك
اسفة يا استاذ شعبان نسيت اضيف
الخمس علاوات من مفردات مرتب اكتوبر 2012

2008 30% = 54.85
2009 10%= 19.80
2010 10% = 21.45
2011 15% = 37.00
2012 15% = 41.65
ارجو ان اكون اوفيت و لسيادتكم جزيل الشكر و الاحترام