اختفاء مسيحية اعتنقت الاسلام ومسلمون يهاجمون منازل الاقباط بالفيوم

[nothing]

خظا هذه الجمله لو سمحت الدين لله والوطن لله ايضا
وميرسى ليك يا اسلام عالخبر

[فجر الإسلام]

بجد انا مش عارفة فى ايه
احنا طول عمرنا اخوات[/quote]

على فكرة الرسول صلى الله عليه وسلم
أمرنا بالتسامح الديني بس ماقالش ان المسامين والمسيحيين اخوة
اأن الذكر الحكيم قال
"إنما المؤمنون اخوة"
يعني المؤمنون بس
وأنا متفقة مع اللي قالوا ان ما ينفعش نصور المسلمين بالصورة دي

[سـهيـلـة]

قال رسول الله صلى الله عليه وسلم " المرء على دين خليله فلينظر احدكم من يخالل"

[سـهيـلـة]

المشاركة الأصلية كتبت بواسطة Nobel

مش عارف جبت الخبر ده ليه ؟؟؟؟؟؟؟؟؟

وبعدين هو المسلمين هم اللي بيهاجمو بس
ومبحبش انك تقول ان المسلمين عملو ونهبو ولا كانهم قطاعين طرق
وبعدين مش عارف هو اى حادثة تحصل لحد مسيحي يبقي المسلمين السبب
وماينفعش انك تبين اننا خلاص معذبينهم في البلد

واسال اي واحد مسيحي هيقول ان احسن حياة بيعيشوهها في البلد الاسلامي وده من زمان من ايام عمر بن الخطاب وعمر مافرق بينا حدوياريت بلاش تروض الاخبار دي لان ده بيبقي من ناس عايزين يعملو تفرقة طائفية في مصر

عنـدكـــ حـق ارجو الغاء الموضوع

[سـهيـلـة]

المشاركة الأصلية كتبت بواسطة 0o03aneda0o0

سؤال واحد هموت واعرف اجابته
حاطط الموضوع ده ليه وهل لو ده حصل فعلا يصح نقعد نغني فيه كده؟
انا لو واحده علي غير ديانة الاسلام هقول : شوف المسلمين بيعملوا ايه ف غيرهم دول ....و.....و.....
ويا عيني ع المسيحيين الغلبانين :|
لا يجوز بأي حال من الأحوال اني اصور المسلمين بالشكل ده
ده حتي الرسول عليه الصلاة والسلام بيقولك انصر اخاك ظالما او مظلوما !

هو انتى مع المسلمين ولا مع المسيحين الغلبانين ؟؟

مفيش حد غلبان فى الزمان ده يعنى ايه غلبانين يعنى

مش فاهمة يعنى هو لو واحد من المسيحين دخل الاسلام هما المسيحين بيسيبوه ؟؟؟؟

[سندريلا العراق]

استغفر الله العظيم
قال رسول الله صلى الله عليه وسلم "الدين المعامله" صدق رسول الله صلى الله عليه وسلم
ويروى عن النبي صلواة الله عليه انه كان جاره رجل يهودي كان يتعمد ايذاء الرسول
بالقاء قاذوراته امام باب منزل الرسول صلى الله عليه وسلم الا ان الرسول لم يأذيه
بل كان في يوم من الايام يوزع اداماً للناس فلم يبقا الا القليل فامر ام المؤمنين بارسالها للجار اليهودي
هكذا كان المصطفى لم يؤذي يوماً احدا من اصحاب الكتب
الدين لله ولا اكراه في الدين
ليس بهذه الهمجيه ليس بالتهكم على اعراض الناس واموالهم هل استبحتم اموالهم ودماءهم؟؟؟
ثم نعود ونقول لما يتهمنا الغرب بالارهاب والهمجيه
بالله عليكم هل تظنوا ان رسول الله صلى الله عليه وسلم لو كان بيننا اليوم سيرضى على هذا العمل؟
اتقوا الله في خلقه وليس من حق احد ان يسقط العذاب على عبد مثله كلنا عبيد لله عز وجل
اذا كان رسول الله بحقه وقدره كان دوره ايصال الرساله فقط اما الثواب والعقاب فهو لله
فقد قال تعالى " وما على الرسول الا البلاغ المبين" ... "فذكرهم ان نفعت الذكرى"...."لعلهم يذكرون"..صدق الله العظيم
اتقوا الله في اسلامكم ويكفينا ما يقال عنا لا تغرسوا فكرة ان الاسلام ارهاب في عقول البشر
اتمنى ان ننظر للموضوع نظره ادق واعقل وان تاخذ بنظر الاعتبار العواقب الوخيمه التي ستقع على كاهل الاسلام

اتمنى ان تتقبلوا رايي برحابة صدر
اختكم في الله سندريلا العراق

المشاركة الأصلية كتبت بواسطة سوسو 1994

عنـدكـــ حـق ارجو الغاء الموضوع

هو ده موضوع
ولا خبر فى قسم الاخبار
ثم الموضوع ده قولت انى مش جيبه من بيتنا
علشان يبئا عليه شك
ده خبر وكان يومها موجود على معظم المواقع الاخبارية
والصحف المصرية معارضة وواطنى ومستقل

[(mena)]

اخى _ Guide
انا بقولك ان فى ناس لما بتلاقى نفسها غلاطانه مش بتحب تبين غلطها هما دول اللى عايزين يلغوا الموضوع
مع ان المسيحين اللى ردوا ردهم مكنش فى اي حاجه تزعل واتكلموا بكل هدوء صح ولا انا غلطان

[♥έĻ-мΰšŧâρèdâ♥]

السلام عليكم ورحمه الله بركاته

انا كفتاة موسلمه هتضايق لما اشوف واحد موسلم بيضرب اخ ليه مسيحى سكن معايا فى نفص الشارع وكان كول يوم يصبح عليه وبيكالوا مع بعض بالمناسبات ويهنوا بعض
المسيحى يهنى الموسلم برمضان وعيد الفطر والموسلم يهنى المسيحى بعيد القيامه و بجميع مناسباتهم وحتى راس السنة
يعنى اخوه وحبايب واصحاب انا عندى صديقة مسيحه اسمها سالى دى فظيعه بحبها موت وذى اختى تمام <<< معنديش اخوات بنات من ابويا واومى
وفى الامتحانات بنسال بعض فى اجه مش عارفنها وبعد الامتحان نطمئن هى عملت ايه وانا عملت ايه
اما بقى اللى بتقول اننا مش اخوه عيب عليها وترجع للسنة وتشوف ايه اللى الرسول قال عليه كلنا متسامحين
واكيد عازره لو فى مسيحى زعلان ومتعصب لما يسمع ان حد مسيحى غير ديانته معزور طبعن
وانا لو سمعت ان واحد مسلم غير ديانته هتعصب طبعن وهزعل
واقولك يا جايت على خبر ان فى قرية عندنا ( منقباد ) ولد مسيحى فيها اختفى بقاله اسبوع
راح ابوه استنجد بجاره المسلم علشان يبلغ عن غياب ابنه ولما الراجل استغرب وساله هو انت شاكك لو نكون احنا اللى خاطفينه قاله لا طبعن بس علشان انت جارى ومستنجد بيك <<< الولد عمره 10 سنين
وفى الاخر عرفوا انه كان تايه و حد اخده ملجا

يعنى العلاقات بين الموسلمين والمسيحين طيبة جدن ومفيش اى عداوة او بغض او حقد
واللى يقول غير كده سواء من اى طرف من الطرفين يتقى الله فى دينه وربه ووطنه ونفسه
معلش طولت عليكم بالرد
شوكرن جايت على الخبر وهو خبر منشور ولو مكونتش نزلته كونا هنقراءه فى اى جريده او من اى موقع
والسلام عليكم ورحمه الله وبركاته

[(mena)]

المشاركة الأصلية كتبت بواسطة فجر الإسلام

بجد انا مش عارفة فى ايه
احنا طول عمرنا اخوات

على فكرة الرسول صلى الله عليه وسلم
أمرنا بالتسامح الديني بس ماقالش ان المسامين والمسيحيين اخوة
اأن الذكر الحكيم قال
"إنما المؤمنون اخوة"
يعني المؤمنون بس
وأنا متفقة مع اللي قالوا ان ما ينفعش نصور المسلمين بالصورة دي[/QUOTE]


بس السيد المسيح قال
حب الغريب كالقريب
حب قريبك كنفسك
من لطمك على خدك الايمن ادر له الايسر
وكان كثيرا ما يقول حبوا اعدائكم باركوا لاعنيكم
وانا عن نفسى اقرب اصدقائى مسلمين وكمان اكتر من اخوات


نصيحه ارجع واسال شيخك الكبير او حتى والدك عن هذا الكلام

[واحـد من النــاس]

مشكور يا إسلام ع الخبر ..

[واحـد من النــاس]

والرسول بردو قال فيما معناه .. من آذى ذميا فأنا خصمه يوم القيامة

[(mena)]

يعنى ايه للتشدق مش فاهم يعنى ايه

[واحـد من النــاس]

هارد عليك في رسالة عشان مانخرجش عن الموضوع ..

[سـهيـلـة]

المشاركة الأصلية كتبت بواسطة _GUIDE_

هو ده موضوع
ولا خبر فى قسم الاخبار
ثم الموضوع ده قولت انى مش جيبه من بيتنا
علشان يبئا عليه شك
ده خبر وكان يومها موجود على معظم المواقع الاخبارية
والصحف المصرية معارضة وواطنى ومستقل

انا بقول كده لانه ممكن يحصل عليه خلافات فى الموقع مش اكتر