ملتقى طلاب الصف الثالث الثانوى (علمى علوم) 2014

[yoyo caty]

المشاركة الأصلية كتبت بواسطة yoyo caty

انتى وحشتينا جدا ..انا كنت بتابع كل مشاركاتك ربنا يجازيكى خير و يوفقك.. مشكلتى الخوف و الرهبة من الامتحان هو انا مش دايما كده بس السنادى الموضوع زايد شوية و ده اللى قلقنى لان الخوف ده هيخلينى اتوتر و ممكن محلش كويس فالامتحان بس بيبقى غصب عنى ..يعنى على سبيل المثال انا عندى الاسبوع اللى جاى امتحان فيزياء عالفصل التاسع (كهربية ) متتخيلييش مدى التوتر اللى انا فيه من دلوقتى بصى المدرس بتاعنا صعب و صحبتى بتقولى ان امتحانه بيببقى تمام بس فيه تركات لان اخوها كان بياخد معاه انا بقى مرعوووبة جدا مش عارفة ليه كده ارجوكى سعدينى و قوليلى اعمل ايه الاسبوع ده ؟؟!!

ياااااااااااااااااااااااااااه يا عالايام لما تبقى مرة واحدة ذكريات ... انا اللى كنت كاتبة الكومنت ده ؟؟!! .... يا لما الواحد يفتكر الايام دى بكل ما فيها من حلو و مر و قلق و توتر و رهبة و لو الواحد كان وقتها يعرف انه عايش فترة فحياته مش هتتكرر تانى بحلوها و مرها !!..... وحشتونى اوى كل اللى كانوا معايا فالجروب وحشونى اللى اتكلمت معاهم و اللى مكلمتهمش انتوا كنتوا و مازلتم اخواتى .. انتوا اللى عشتوا معايا نفس المرحلة بكل ما فيها
وحشتينى يا د.ميادة و يا د.علياء بجد انتوا ليكم فضل كبير اوى علينا نصايحكم اللى كانت دايما بتنفعنا جزاكم الله خيرا ياريت لو الواحد يلاقى ناس زيكم دلوقتى فالكلية يوجهوا و ينصحوه بدل ما الدنيا متلخبطة كده... بصراحة مش عارفة انا كتبت الكومنت ده ليه بس يمكن عشان وحشتنى اوقات كنت بفتكرها اصعب وقت هيمر عليا لكن كنت غلطانة وقتها