جروب 3 ثانوى ( علمى علوم )

[yolanda]

المشاركة الأصلية كتبت بواسطة دراكو مالفوى

لو سمحت انا زهقت من الفيزياء مش عارف اذاكرها منين
معايا كتاب المثالى
ومذكرة شرحها مبسط (مختصر يعنى )
وكتاب المدرسة
فى الاول كنت بجمع مذاكرة التلاتة دول فى كشكول بطريقة منظمة وحلوة حتة من هنا وحته من هنا
وبعد كده لما احل والاقى ملاحظات اكتبها فى الكشكول
بس ده بياخد وقت جامد ايه رأيك استمر ولا اذاكر من حاجة واحده ؟ وايه هيا؟
انت جربت المعلم فى الفيزياء...؟ واحد قالى وحش
الباب الاخير فيزياء الاستاذ قال اوعوا تذاكروه من اى حته غير من كتاب الامتحان مراجعة نهائية تحفظوه وتقروا كتاب المدرسة لان 99.999 % من اسئلة الباب ده مكررة ومحفوظة ومعروفة .اما لو ذاكرتوا من الكتاب هتتعقدوا

نفس الي انا مريت بي في الفزياء

فضلت أغبير من طريقة مذاكرتي في الفزياء لحد ما رسيت لي أحسن طريقة (بس للأسف في الأخر)

أولاً كتاب المدرسة مهم جداً في كل المواد مهم جداً يعني مهم جداً في كل المواد !

بالنسبة للفزياء

1- أقرأ الفصل علي بعضة من كتاب المدرسة قراءة واعية و شوف الي انت مش فاهمه عشان تسال مدرسك فيه(بالنسبة لي انا مفيش مدرس فبفضل أدور علي النت و في كل الكتب لحد مفهمه او أستسلم و مفهموش!) و ممكن تقرأ الفصل بعد كدة من أي كتاب خارجي عشان تفهم الحاجات الغامضة

2- فهمت الفصل كويس أوي روح علي كتاب الأمتحان مراجعة نهائية و أقرأه كويس كذا مرة لحد لما تحفظه كويس (طبعاً مش كل حاجة هتتحفظ المهم يتحفظ التعريفات و التجارب أما معظ الباقي كفاية إنك تفهمه كويس )

3- الخطوة الأكثر أهمية و هي الي بتخليك تملك الفصل كله : تجيب كتاب الأمتحان أسئلة فقط و تبدأ تحل كل سؤال بتركيز شديد كأنك بتذاكر الفصل منه ( يعني مثلأ السؤال لأول أكتب المصطلح العلمي تقرأ التعريف كويس و تبقي فرصة عشان تروح لكتاب المدرسة أو المراجعة و تسمع التعريف منه و سؤال علل كل مرة أرجع لكتاب المدرسة و المراجعة و دور علي التعليل و أفهمه كويس و هكذا)

مجرد متخلص الأسئلة هكون خلصت الفصل كله و راجعته كل أجزائه ن كتاب المدرسة و كمان حليت مسأله و من الصعب تنساه .

و الله هي دي الطرييقة الوحيدة الي ساعدتني في الفزياء الحديثة

بالتوفيق