ما يحدث لطلاب الشهادات السعودية المعادلة أكبر فيلم تراجيدي في تاريخ السينما المصرية

[thugs]

دعوني أكتب لكم ملخص الفيلم ليس لكوني مؤلفا دراميا ولا لكوني مخرجا له العديد من الأعمال الناجحة .. لكن لأن نهاية الفيلم شدتني خاصة إذا اعتبرنا أن مستشفى الأمراض العقلية الذي ستنتهي به أحداث الفيلم سيكون زاخرا بالنساء والرجال على السواء من طالبات وأمهات وحتى آباء يرون أبناءهم في السعودية يضيعون من أمام أعينهم وقساة القلوب من المسؤولين على التعليم سواء ما قبل الجامعي أو الجامعي هم ال***ة وهم السفاحين الذين اغتالوا فرحة أبنائنا بنجاحاتهم .. من يصدق أن الحاصلة على 98 في القدرات لا تعرف حتى الآن مصيرها والطالبة التي لم تفتح كتابا طوال العام وكانت أمام التلفاز في مصر عرفت أنها دخلت كلية أو معهدا .. في الفيلم .. لا أحد يدرك مدى معاناة طلاب دخلوا في أربع اختبارات على مدار عامين ثم أربع مرات قدرات خلال عامين يعني 4 أترام وأربع قدرات بالنسبة للأولاد ومثلهم للبنات على اعتبار أن البنات بدأن في مذاكرة القدرات من الثاني ثانوي وبعد ظهور النتيجة منذ ثلاثة أشهر تقريبا وبعد عناء المذاكرة الرهيب ينتظرن ... وكلمات زاد الانتظار .. شعرن بأن حلمهن يتلاشى .. بالتأكيد أن التأخير لعدم وجود أماكن شاغرة في الكليات وخاصة كليات القمة وهنا تزداد أحداث الفيلم سخونة فتسقط الأم أولا أمام ابنتها فتصاب البنت بصدمة عصبية مزدوجة والأب المكلوم ينادي بأعلى صوته أهذه نهاية أسرة كانت تسهر الليل مع النهار لتحصل على أعلى الدرجات .. لماذا اخترت السعودية دون سائر الدول العربية التي لا تعترف بالقدرات لأن القدرات مهزلة يلعب الحظ فيها دورا وتلعب فيها الأعصاب دورا أكبر ولم تأخذ بها مصر حتى الآن .. ثم يأتي السفهاء في وزارتنا فيؤخرون النتيجة بعد المرحلة الأولى المصرية بأكثر من شهرين وتستمر أحداث الفيلم في الإثارة .. عندما تتأخر الأسرة في السفر ويصل خطاب من العمل بإنهاء عمل الأب لتأخره وهنا ينهار الأب ويسقط مغشيا عليه ويحمل في سيارة الإسعاف إلى نفس المستشفى الذي نقلت له الأسرة الأولى .. أما الأسرة الثالثة فتلجأ البنت التي لم تتحمل ضغط الأعصاب وبعد هذا الانتظار تفاجئ بأن حلمها قد تبخر فتدخل الأم عليها فتجدها لا ترد وتحمل إلى المستشفى أما الأسرة الرابعة فقد اختارت البنت الابتعاد عن الواقع وتخلت عن أحلامها فإذا كان حلم الجامعة بهذه الصورة فكيف بالدراسة داخل الجامعة وسط جو كله صراعات بين الذين يسمون بأساتذة الجامعات وهنا تختار البنت .. الشرود الذهني وتعيش في واقع بعيد لا تعلم في أي سنة أصبحت أو أن رمضان جاء وذهب وأن العيد ارتحل ولم تظهر النتيجة بعد فكأنها بلسان حالها تقول .. لا أريد أن أعرفها .. نهاية تراجيدية للفيلم ... أبطالها الرئيسيون وزراء ليس لهم قلوب من الذي وضعهم فهم لا يختلفون عن غيرهم بل أفظع منهم فلم تتأخر نتيجة الثانوية العامة حتى هذا التاريخ لطلاب الشهادات المعادلة من قبل .. المصاريف لم تتغير .. الظلم لم يتغير .. كل ما أخشاه .. أن تتدهور صحة الباقين ممن سيقرؤن هذا السيناريو ولكن .. أقول لهم مصر لها الله .. فكما خلصنا من أعتى الطغاة سيخلصنا من الباقيين .. لكم الله يا أبناء السعودية .. وثقوا صلتكم بالله .. وادعوا ليل نهار على من لا يشعر بالآخرين ويجلس في مكان لا يستحقه ... وكلمة أخيرة للمشرفين على المنتدى ... أين أنتم .. قولوا كلمة حق .. أين كلمتكم أيقظوا هؤلاء الذين زادت أوزانهم فطغت على تفكيرهم وإحساسهم بالناس وأتمنى نهاية أخرى سعيدة للفيلم .. دخول كل طالب ما يريده في الكليات بعد كل هذا الصبر وخاصة طلاب السعودية الذين عانوا مع القدرات وتحملوا صعوبتها وكأنهم في امتحان للدكتوراة . وأتمنى فتح الباب للقادرين على الدراسة في التخصص الذي يريدونه وفرض رسوم لذلك .. ومن يجتهد في الجامعة يستمر ومن لم يجتهد سيخرج من الباب الذي دخل منه ... لك الله يامصر ولكم الله يا أبناء السعودية

[lionmoon]

من غير زعل طريقة الامتحانات وحساب الدرجات في السعودية لا تؤهل اي طالب ان يدخل كلية التجارة في مصر فمابالك بكليات القمة فالامتحانات الموحدة درجاتها بسيطة بالمقارنة مع امتحانات القدرات واعمال السنة التي هي بيد الدروس الخصوصية بالطبع , بل ان طريقة التعلم في السعودية بالذات تعتمد علي الحفظ والتلقين ولذلك كان لابد من عمل معادلة قبل دخول اي كلية من كليات القمة
ولقد لاحظت ان بعض ابناء المعلمون في مصر يسافرون مع ابائهم الي السعودية اذا ماكانت درجاتهم في امتحانات الثانوية هنا ضعيفة علي الامل رفع درجاتهم في الصف الثالث بالسعودية وهو بالتاكيد امر سهل وميسر بما ان اغلب الدرجات في ايدي الدروس الخصوصية هناك
لذا فانا اطالب بان يدخل الطلاب القادمين من السعودية امتحانات الدور الثاني في مصر علي ان تحسب لهم الدرجة الفعلية كاملة ثم يتم توزيع الطلاب علي حسب مجموعهم في كل الكليات بعدالة مع باقي الطلاب

[المؤمن الصغير]

بسم الله الرحمن الرحيم

بدايةً أشكر حضرتك على الموضوع الذي أعتقد أنه مبالغ فيه بعض الشيء, ذلك لأنني أنا شخصياً (ليس للتعظيم لكن للتأكيد على المصداقية والواقعية) أنا ولدت في السعودية حيث يعمل والدي - حفظه الله - ودرست بها حتى الصف الأول الثانوي وكنت دائماً الأول ولله الحمد , ولكن قرر والدي الحبيب أن أسافر لمصر للحصول على الثانوية العامة بمفردي دون اصطحاب أمي أو إخوتي, ويشهد الله أنني وجدت فرقاً شاسعاً بين المذاكرة هنا وهناك, كنت هناك لا أتعدى الساعة والنصف تقريباً في المذاكرة وأحصل على 100% ليس ذلك لأن المنهج سهل لا فالمناهج هناك متميزة لكن المشكلة فيما يسمى بالتحديد نعم فالمدرس يحذف ما يشاء من المنهج وقد وصلت أنه يحذف الكتاب كاملاً ويعطينا بضع ورقات لا يخرج عنها الإمتحان, يكفي الطالب هناك بأن واضع الإمتحان هو أستاذه الذي يعرف طريقته وأسلوبه وفي بعض الأحيان الاختبار نفسه أما هنا فالامتحان على مستوى الجمهورية من الوزارة لا أحد يعلم مستواه ولا واضعه أبداً, وللعلم فقد اختبرت القدرات هناك كتجربة في آخر سنة لي في السعودية في الصف الأول الثانوي وحصلت على 91% ولإحقاق الحق فالامتحان ليس له منهج وإنما يعتمد على بعض القدرات الذهنية التي يمنحها الله للفرد. لكن المدرسة واختباراتها في متناول الطالب والدرجات النهائية شبه مضمونة.

بالنسبة لي هنا عندما أتيت في الصف الثاني الثانوي كنت لا أجد وقتاً للنوم حتى أحاول أن أوازي زملائي المتفوقين وأعاني من الدروس ذهاباً وإياباً ومجموعات عادية وخاصة وسوبر وما إلى ذلك حتى وفقني الله للحصول على 98.89% ويشهد الله أنني لم أكن متأكداً أنني سألحق بكلية الطب التي أحلم بها أم لا ؟؟ حتى أكرمني الله بها في النهاية لكن بعد عناء وجهد مني ودعاء متواصل من الأهل والأقارب ومجهودات معلمي الأفاضل.

إذاً حتى تصل لكليات القمة هنا يجب أن تبذل قصارى جهدك وأخطأت حينما قلت أننا نجلس أمام التليفزيون مضيعين أوقاتنا - وجميع زملائي يتفقون معي في ذلك - وللعلم فإن لي زملاء منتظرين نتيجة التنسيق وأدعو الله لهم بأن يوفقهم لما يريدون فلن نؤمن حتى أحب لهم مثل ما أحب لنفسي.

آسف على الإطالة, لكن الحقيقة فوق كل اعتبار, وأسأل الله لي ولك ولكل الزملاء دوام التوفيق والنجاح.

والسلام عليكم ورحمة الله وبركاته,,,

[ningooooo]

يعني معلش هنتكلم بصراحة و احما مقدرين الحالة الصعبة و المشكلة اللي حضرتك فيها
و اولا و من غير اي كلام و رغم اعترافنا ان التعليم في مصر فاشل بكل المقاييس لكنه بالتاكيد افضل من السعودية فمستوي الطالب المصري في مصر افضل من نظيره في السعودية و حاجة مشهورة عندنا في مصر ان لو حد شغال السعودية و ابنه مستواه ضعيف بياخذه في السعودية علشان يجيب مجموع عالي بس بتبقي المشكلة في امتحان القدرات

و اعترض علي كلمة حضرتك بخصوص ان الطلاب اللي في مصر فاشلين و قاعدين قدام التليفزيون و ده طبعا غلط لان مش الكل كده و احنا الحياة عندنا كانت متوقفة فوق ال 15 يوم و مكناش بندرس الا القليل و كانت الاحداث متلاحقة و كثيرة و لكن علي الرغم من ذلك الطلاب ذاكروا و اعترف ان امتحانات السنة دي كانت تافهة و كان في غش
و يا رب مشكلتكم تتحل و تطمنوا

[highlight]

انا للاسف مش لاقيه كلام ارد بيه
لان استاذ مؤمن و استاذ ننجوو ردوا بما فيه الكفاية
وحضرتك كان لازم تجرب ثانوية عامة مصر يوم واحد قبل ما تكتب
وزى ما حضرتك هنا بتقول انكوا حتى الان مش عارفين مصيركوا ايه
فا فى الاف من الطلاب المصريين هنا مش عارفين مصيرهم فين و غربتهم عن اهلهم هتبقى ازاى
وعشان حضرتك تتاكد من سهولة الثانوية العامة السعودية وانه لايجب مقارنتها نهائيا بالثانوية العامة المصرية
حضرتك عد كام طالب و طالبة ومنهم مصريين حصلوا على مجموع ال 100% من السعودية
واقسم بالله ان انا ليا ابنه خالتى حصلت على ال100% من السعودية وهى فى انتظار مصيرها ايضا كما تقول
اذا كان زى ما حضرتك بتقول لو المشكلة انكوا مش قادرين تاخدوا الشهادة المصرية من مصر عشان شغل اولياء الامور
فالاستاذ مؤمن خير دليل على هذا الكلام
مش حضرتكوا تروحوا تحصلوا اعلى الدرجات من هناك وتيجوا تطالبوا بكليات القمة اللى فى مصر
وتطلبوا المساواة بين الثانوية العامة المصرية والسعودية .........لا منهج ولا امتحانات.....اسفة جدا على هذا الكلام

الدراما هى فعلا الشهادة المصرية...........الاغماءات والانتحار اللى بتحصل فى الامتحانات فى مصر هى اكبر سيناريو لاعظم فيلم فى التاريخ.... العالم كله يبكى عليه
رعب اولياء الامور والصراخ و الدعاء اثناء الامتحانات والامواااااااااااااااااااااااااااااااااااااااااااا ل اللى بتصرف طول العالم على الدروس الخصوصية لا تقارن نهـــــــــــــــــــــــــــائيا
باللى بيحصلكوا دلوقتى
اسفة على الاطالة وتقبل مرورى

[شـروق]

أنا طبعاً مراعية حضرتك و أنا هتكلم بصفتى عايشة آخر 3 سنين من عمري في السعودية و في أولى ثانوي كنت بدرس منهج سعودي
و حصلت بدون مذاكرة و لا حتى بسيطة على 99.8%

المناهج السعودية زي ما قال المؤمن الصغير مش سهلة .. بس ده لو المناهج بتدرس أصلاً
و أنا أقسم لكم بالله إننا في إمتحان الترم الأول في الفيزيا كان معانا قبل الإمتحان نسخة متجاوبة منه .. و حصلت مشكلة لأن الإمتحان لما جه نزل جه نزل سؤال المفروض إن معاه صورة عشان تعرف تجاوب منها الإمتحان نزل من غير صورة لكن إحنا طبعاً كانت معانا من الأول نسخة سليمة من الإمتحان و بالتالى الدفعة كلها جاوبت السؤال على الحفظ اللى هيا حفظاه و الموجهين بئي مستغربين إزاى ده يحصل
ده موقف واحد بس لو قعدت أحكي و الله ممكن أكتب مذكرات عن اللى شفته في السنة دى
الكتاب لو 100 صفحة إنت في الآخر بتاخد ورقتين أو 3 بالكتير إسمهم "ورقة المراجعة" دول فيهم الإمتحان
الرياضة مثلاً .. لو المدرسة غيرت في الإمتحان رقم المسألة عن الرقم اللى مكتوب في ورقة المراجعة الطلاب و أولياء الأمور بيعملوا عليها ثورة و بيشتكوها لإدارة المدرسة

و بصراحة أنا حسيت إنى كدة بضحك على نفسي لأنى كنت مجربة الدراسة في مصر و كنت بذاكر في إعدادي مئات أضعاف ما كنت بذاكر في أولى ثانوي سعودي
و عشان كدة خدت قرار صعب و هو إنى أدرس المنهج المصري و أنا في السعودية
و عانيت طول السنتين و معايا مجموعة زملائي اللى خدوا نفس القرار ... لأننا عدد المدرسين اللى موجودين محدود مش زي مصر تنقي بين المدرسين و لو في مادة المدرس بتاعها مش أد كدة يبئي خلاص ضاعت منك عشان مفيش بديل
و الكتب مش معانا و بنضطر نصور الكتب القديمة يعنى أنا مثلاً مصورة كتاب لامى في الرياضيات بـ85 ريال في حين تمنه في مصر ميجيش 30 جنيه ... معاناه ملهاش حدود
بس مع ذلك الحمد لله الحمد لله على أد ما تعبنا و بذلنا مجهود على أد ما ربنا كرمنا كلنا أنا دخلت هندسة و زمايلي اللى دخل طب و صيدلة
عموماً بنتمنى التوفيق للجميع و ربنا يوفق كل واحد إجتهد و تعب و يديله على أد مجهوده اللى بذله

[المؤمن الصغير]

الحمد لله واضح إن كلامي صحيح وفيه اتفاق عليه.

[المؤمن الصغير]

المشاركة الأصلية كتبت بواسطة شـروق

أنا طبعاً مراعية حضرتك و أنا هتكلم بصفتى عايشة آخر 3 سنين من عمري في السعودية و في أولى ثانوي كنت بدرس منهج سعودي
و حصلت بدون مذاكرة و لا حتى بسيطة على 99.8%

المناهج السعودية زي ما قال المؤمن الصغير مش سهلة .. بس ده لو المناهج بتدرس أصلاً
و أنا أقسم لكم بالله إننا في إمتحان الترم الأول في الفيزيا كان معانا قبل الإمتحان نسخة متجاوبة منه .. و حصلت مشكلة لأن الإمتحان لما جه نزل جه نزل سؤال المفروض إن معاه صورة عشان تعرف تجاوب منها الإمتحان نزل من غير صورة لكن إحنا طبعاً كانت معانا من الأول نسخة سليمة من الإمتحان و بالتالى الدفعة كلها جاوبت السؤال على الحفظ اللى هيا حفظاه و الموجهين بئي مستغربين إزاى ده يحصل
ده موقف واحد بس لو قعدت أحكي و الله ممكن أكتب مذكرات عن اللى شفته في السنة دى
الكتاب لو 100 صفحة إنت في الآخر بتاخد ورقتين أو 3 بالكتير إسمهم "ورقة المراجعة" دول فيهم الإمتحان
الرياضة مثلاً .. لو المدرسة غيرت في الإمتحان رقم المسألة عن الرقم اللى مكتوب في ورقة المراجعة الطلاب و أولياء الأمور بيعملوا عليها ثورة و بيشتكوها لإدارة المدرسة

و بصراحة أنا حسيت إنى كدة بضحك على نفسي لأنى كنت مجربة الدراسة في مصر و كنت بذاكر في إعدادي مئات أضعاف ما كنت بذاكر في أولى ثانوي سعودي
و عشان كدة خدت قرار صعب و هو إنى أدرس المنهج المصري و أنا في السعودية
و عانيت طول السنتين و معايا مجموعة زملائي اللى خدوا نفس القرار ... لأننا عدد المدرسين اللى موجودين محدود مش زي مصر تنقي بين المدرسين و لو في مادة المدرس بتاعها مش أد كدة يبئي خلاص ضاعت منك عشان مفيش بديل
و الكتب مش معانا و بنضطر نصور الكتب القديمة يعنى أنا مثلاً مصورة كتاب لامى في الرياضيات بـ85 ريال في حين تمنه في مصر ميجيش 30 جنيه ... معاناه ملهاش حدود
بس مع ذلك الحمد لله الحمد لله على أد ما تعبنا و بذلنا مجهود على أد ما ربنا كرمنا كلنا أنا دخلت هندسة و زمايلي اللى دخل طب و صيدلة
عموماً بنتمنى التوفيق للجميع و ربنا يوفق كل واحد إجتهد و تعب و يديله على أد مجهوده اللى بذله

ألف مبروك , بس حضرتك ثانوية سعودية ولا مصرية؟

[abdomustafa]

oهقول لحضرتك على حاجه اصلا المووع ده في ظلم كبير ل الطلاب المصرين ... يعني انتو تقعدو في السعوديه ومحدش يزاكر ويجيب مجموع 99.9 مش ده ظام ويخش كلية الطب لكن طالب مصري طلعان عين امو ليل ونهار دروس رايح جي ويزامر 12 ساعه في اليوم وفي الاخر يجيب في التمنينات وميلحقش حاجه ده مش ظلم

اقولك على حاجه انا عايش في السعوديه كل زمايلي دخلو منهج سعودي وانا مرضتش اخش المنهج السعودي المهم العيال صحابي كانو فاشلين اللي جاب 99 و 98 و 97 وانا طلعان عيني وفي الأخر جبت 08 ده مش ظلم وحضرتك في الأخر مش عاوزهم يمتحنو قردات .... ده اقل حاجه انهم يمتحنو قدرات

[أجنحة النور]

بسم الله الرحمن الرحيم
كلنا عرفين إن طلاب الثانوية العامة المصرية بيتعبوا جامد سواء في المذاكرة أو الدروس أو الامتحانات وتعب الطلاب الذين يدرسون في السعودية مجيش 10%من تعب طلاب مصر ومع ذلك ده مش مبرر لتأخر ظهور نتيجة تنسيق الشهادات المعادلة لأن مش كل الدول العربية زي السعودية وخدوا عندكوا( أنا أخذت الثانوية العامة من سلطنة عمان ويمكن محدش اتكلم عن عمان كتير لكن احنا الطلاب الذين درسنا في عمان (تعبنا تعبنا بجد) أتخيل أنا درست(فيزياء وكيمياء وأحياء ورياضة 2 )في ثاني وثالث ثانوي (طبعا كلوا حديثة يعني (فيزياء حديثة ...........)(يعني أنا أعامل في مصر على أنني علمي رياضة وعلمي علوم )ده بالإضافة إن مناهج سلطنة عمان وبأمانة قوية جدا والامتحانات فيها صعبة وما فيش فيها هزار مثلا( -الأمتحانات على مستوى السلطنة(زي مصر
_ مركز الأمتحان لازم يكون في منطقة غير التي بها المدرسة
_ يفتش الطالب تفتيش ذاتي بواسطة جهاز كاشف
_يحتوي مركز الامتحان على جهاز تشوش لشبكات

المحمول
-ورقة أمتحان الطالب تأتي من الوزارة بهيليكوبتر قبل
الأمتحان
بساعات إلى مركز الأمتحان ويكون أسم الطالب مكتوب
عليها
ومغلة بكيس بلاستيك.
_لا تقل المسافة بين الطالب والأخر عن متر ونص
-و أقل امتحان بكون 7 أوراق (تخيلوا إن امتحان الأحياء كان
13 صفحة)
أما عن المناهج فأنا قبل ما أسافر كنت بأخذ دروس في مصر لأن عمان مفهاش دروس (وشفوفوا المدرسين قالوا أيه):
مدرس الكيمياء شاف إمتحان) قال واللهي لو مدرس في مصر هيغلط فيه وأخذ مني الامتحانات وعملها مذكرات للدروس بتعتو
مدرس الفيزياء:شاف الباب الأول في الكتاب قال سبيني أزكره وبعد كده أدهولك أصلي أخذته في الكلية من 20 سنة ونسيته

وزى كده كتير

(كفاية عليكوا كده علشان متتعقدوش) وبعد ده كلوا جبت 95.3 (ده من غير امتحانات مستوى) ولغاية دلوقتي أنا لسة قعده في البيت مستنية النتيجة مش بالذمة الروتين ده (يدمر الأعصاب)


وآعتذر على الإطالة

[المؤمن الصغير]

المشاركة الأصلية كتبت بواسطة أجنحة النور

بسم الله الرحمن الرحيم
كلنا عرفين إن طلاب الثانوية العامة المصرية بيتعبوا جامد سواء في المذاكرة أو الدروس أو الامتحانات وتعب الطلاب الذين يدرسون في السعودية مجيش 10%من تعب طلاب مصر ومع ذلك ده مش مبرر لتأخر ظهور نتيجة تنسيق الشهادات المعادلة لأن مش كل الدول العربية زي السعودية وخدوا عندكوا( أنا أخذت الثانوية العامة من سلطنة عمان ويمكن محدش اتكلم عن عمان كتير لكن احنا الطلاب الذين درسنا في عمان (تعبنا تعبنا بجد) أتخيل أنا درست(فيزياء وكيمياء وأحياء ورياضة 2 )في ثاني وثالث ثانوي (طبعا كلوا حديثة يعني (فيزياء حديثة ...........)(يعني أنا أعامل في مصر على أنني علمي رياضة وعلمي علوم )ده بالإضافة إن مناهج سلطنة عمان وبأمانة قوية جدا والامتحانات فيها صعبة وما فيش فيها هزار مثلا( -الأمتحانات على مستوى السلطنة(زي مصر
_ مركز الأمتحان لازم يكون في منطقة غير التي بها المدرسة
_ يفتش الطالب تفتيش ذاتي بواسطة جهاز كاشف
_يحتوي مركز الامتحان على جهاز تشوش لشبكات

المحمول
-ورقة أمتحان الطالب تأتي من الوزارة بهيليكوبتر قبل
الأمتحان
بساعات إلى مركز الأمتحان ويكون أسم الطالب مكتوب
عليها
ومغلة بكيس بلاستيك.
_لا تقل المسافة بين الطالب والأخر عن متر ونص
-و أقل امتحان بكون 7 أوراق (تخيلوا إن امتحان الأحياء كان
13 صفحة)
أما عن المناهج فأنا قبل ما أسافر كنت بأخذ دروس في مصر لأن عمان مفهاش دروس (وشفوفوا المدرسين قالوا أيه):
مدرس الكيمياء شاف إمتحان) قال واللهي لو مدرس في مصر هيغلط فيه وأخذ مني الامتحانات وعملها مذكرات للدروس بتعتو
مدرس الفيزياء:شاف الباب الأول في الكتاب قال سبيني أزكره وبعد كده أدهولك أصلي أخذته في الكلية من 20 سنة ونسيته

وزى كده كتير

(كفاية عليكوا كده علشان متتعقدوش) وبعد ده كلوا جبت 95.3 (ده من غير امتحانات مستوى) ولغاية دلوقتي أنا لسة قعده في البيت مستنية النتيجة مش بالذمة الروتين ده (يدمر الأعصاب)


وآعتذر على الإطالة

أنا معك فعلاً أن هذا التأخير غير مبرر على الإطلاق, والتأخير والإنتظار شيء صعب جداً لكن علينا ألا نقلل من مجهود بعضنا البعض . أعاننا الله وإياكم.

[ahmos_123]

هى الشهادة السودانية بهدلة كده برضه فى التنسيق و التأخير و لا ؟ .. عشان انا ناوية أقدم للشهادة السودانية