اقتباس:
المشاركة الأصلية كتبت بواسطة the black rose
بص يا كريم
هو التنسيق بيقل او بيعلى
على حسب الاقبال عالكلية
فلو كان الاقبال من علمى علوم اكبر يبقى تنسيقها اعلى من علمى رياضة
و هكذا
السنة بتاعتى كان تنسيق علوم زى رياضة
هو فيه تلات مواد اجبارى
دول بياخدهم علوم و رياضة
و مادتنين اختيارى و ده الفرق ما بينهم
علمى علوم متاحلهم ياخدوا نبات او حيوان او حشرات او بيوفيزيا او بيولوجى
و علمى رياضة متاحلهم جبر و احصا
و فيه مواد متاحة للاتنين
و هما فلك و جيولوجيا و جيوفيزيا
و ده بتختارهم على حسب القسم اللى عايزه
يعنى لو عايز تدخل رياضة منفرد او علوم حاسب منفرد او احصا منفرد او رياضة / احصا او رياضة علوم حاسب
يبقى لازم تاخد جبر و احصا التيرم الاول و التيرم التانى ميكانيكا و مبادئ برمجة
و لو عايز رياضة / فلك او فلك منفرد او علوم فضاء منفرد يبقى تاخد جبر و فلك
و لو عايز رياضة /فيزيا يبقى اجبارى تاخد جبر و تختار المادة التانية ما بين احصا او فلك او جيولوجيا او جيوفيزيا
ده بالنسبة للناس اللى كانت علمى رياضة
اما علمى علوم
لو عايز كميا/ حيوان او كميا حيوي يبقى تاخد حيوان اجبارى و تختار المادة التانية ما بين نبات او حشرات او بيولوجى او فلك او جيولوجيا او جيوفيزيا
و لو عايز كميا / حشرا يبقى تاخد حشرات و حيوان
و لو عايز كميا نبات او كميا ميكروبيولوجى يبقى تاخد نبات اجبارى و تختار المادة التانية ما بين حيوان و حشرات و بيولوجى و فلك و جيولوجيا و جيوفيزيا
و لو عايز جيولوجيا منفرد يبقى تاخد جيولوجيا اجبارى و معاه حيوان او بيولوجى
و لو عايز بيوفيزيا منفرد يبقى تاخد بيوفيزيا اجبارى و معاه حيوان او بيولوجى
كدا دى اقسام علمى علوم
الاقسام المشتركة بين علوم و رياضة بقى
لو عايز فيزيا او فيزيا اتصالات او كميا منفرد او كميا فيزيا دى هتاخد اى مادتين من المواد المتاحة ليه سواء انت علوم او رياضة
و لو عايز فيزيا / فلك او فيزيا / علوم جوية يبقى تاخد اجبارى فلك و اى مادة من المواد المتاحة ليك
و لو عايز كميا جيولوجيا يبقى تاخد اجبارى جيولوجيا و اى مادة تانى من المتاحة ليك
و لو عايز جيوفيزيا منفرد يبقى تاخد اجبارى جيولوجيا و جيوفيزيا
|
والله مش عارف اقولك اية غير جزاك الله خيرا
فعلا شرح وافي .. بس معلش بقي لازم تتعبي في مساعدة الجيل الجديد
21-09-2010, 02:03 PM
العرض الشجري
