عام على قناة السويس الجديدة ... الحلم الضائع

[Mr. Ali 1]

المشاركة الأصلية كتبت بواسطة محمد محمود بدر

تابع 4

- هل اللي حصل ده مفاجأة ولا كان معروف قبل المشروع؟

خبراء كتير داخل وخارج مصر حذروا من انخفاض جدوى المشروع اقتصادياً بسبب الأسباب المذكورة، وهنعرض عدد قليل جداً.


هل المشروع أثر على أزمة الدولار الموجودة في مصر؟

- طبعاً .. زي ما شفنا على الأقل اتصرف ١.٥ مليار دولار لشركات التكريك، وحتى لو مفيش مصاريف تاني لا نعرفها، فالرقم ده في حد ذاته ضخم جداً إذا كان احتياطي النقد الأجنبي لمصر كله حوالي ١٥ - ١٦ مليار.

- محافظ البنك المركزي المستقيل، هشام رامز، قال في تصريحات تلفزيونية إن من أسباب أزمة الدولار إنه "تم استخدامه في غير محلة .. إحنا جبنا حفارات من كل حتة في العالم وكلفتنا مبلغ كبير عشان نقدر نعمل هذا العمل الممتاز اللي اتعمل انه تم حفر القناة في سنة”. المصدر

- وغير الدولار، الوضع الاقتصادي كله تأثر .. تكلفة حفر القناة دي - سواء كانت ٢٠ أو ٣٠ مليار الله أعلم! - كان ممكن تبني كام مصنع؟ كام مدرسة وكام مستشفى؟ تزرع كام فدان؟ توفر كام فرصة عمل للشباب؟

****

طيب عرفنا إنه حصل غلط، مين السبب؟

قبل ما نسأل "مين"، الأهم نسأل "ليه"؟

- ليه محدش سمع كل الخبراء من الداخل والخارج اللي قالوا آرائهم الاقتصادية عن الموضوع؟

- ليه كان أي حد يفكر يقول رأي مختلف يتشتم ويتخون، ويتقال عليه إخوان و إرهاب و خاين، لدرجة ان أغلب منتقدي المشروع خافوا وبقى بيتكلموا في جلسات خاصة فقط؟

- وليه الإعلام كان بيختار فقط الضيوف اللي هيطبلوا للمشروع؟

- طيب حتى قولولنا ليه تم اختصار فترة المشروع من ٥ سنين إلى سنة واحدة مما رفع التكاليف؟

- إيه الفخر والفشخرة في إنه يتقال إننا استخدمنا ٧٠% من كـراكات العالم في المشروع لإنهاءه في عام واحد رغم انه غير عاجل؟ مهو كـراكات العالم دي مجاتش ببلاش، دي فلوسنا بالدولار في عز الأزمة.

- الأسلوب ده في إدارة الدولة بشكل عام غلط تماماً، مش دور النظام الحاكم - أي نظام - انه يصدر قرارات كبيرة كده بشكل منفرد تماماً بدون ما يسأل لا ممثلي الشعب، ولا عدد كبير من الخبراء اللي مش تبعهم بس ويقولوا اللي يرضيهم، وأكيد مش دور السلطة ومؤيديها التشكيك و التخوين في أي معارض أو ناقد. للأسف ده اتكرر كذا مرة، وجهاز الكفتة خير مثال.

- أما بخصوص مين المسئول؟

- فبوضوح شديد المسئول زي أي دولة هو صاحب القرار السياسي الرئيس عبدالفتاح السيسي، وأصحاب القرار الفني رئيس هيئة قناة السويس، ووزراء المجموعة الاقتصادية .. دول مفروض يتسئلوا ويتحاسبوا كويس جداً على الوعود اللي اتقالت وثبت انها أوهام، ونفهم منهم علناً ليه ده حصل؟ ما مصدرهم في الأرقام اللي قالوها؟ ..الخ.

- ده دور مجلس الشعب في جلسة استجواب علنية .. ولو نواب البرلمان، ممثلي الشعب معملوش واجبهم، بكرة الشعب بنفسه يعمله، وادينا موجودين..

انتهى

في أي دولة محترمة تحترم شعبها وتعمل مؤسساتها للصالح العام وليس لأي شيء أخر , لابد من عمل دراسات جدوي دقيقة في كل المشروعات ( وخاصة الكبري منها ) ويقوم بهذه الدراسات خبراء متخصصون علي قدر كبير من الكفاءة والحيادية واختيار الوقت الصحيح لتنفيذها.

لكن في مصر

أحلام الرئيس أوامر تُنفذ فوراً مهما كانت النتائج .

الواقع في مصر أن الجميع يعملون لدي رئيس الدولة , وأن كل الصلاحيات في يده ( حتي وإن كان الدستور يحتوي علي خلاف ذلك . فلا دستور علي الرئيس , لأنه فوق الدستور وفوق أي خطأ ) !!

- أما عن التحجج بإنخفاض سعر البترول : دائماً ما نري الدولة جاهزة بالأعذار والمبررات المعلبة والجاهزة وقت الحاجة إليها . ماذا لو عاد سعر البترول في الارتفاع مرة أخري ؟ ما مدي إنعكاس ارتفاعه علي الأسعار في مصر وعلي مستوي المعيشة المنحدر لغالبية الشعب المصري؟!!

وقتها ستجد أن العذر في المزيد من ارتفاع الأسعار هو ارتفاع سعر البترول ( هذا بخلاف أزمات الوقود في مصر وقتها , وقد خبرنا ذلك العديد من المرات ). فسواء انخفض سعر البترول أم ارتفع , فالكارثة دوماً تقع علي عاتق البسطاء الذين يزيدون فقراً يوماً تلو الأخر !!

- دور مجلس الشعب : أهو حقاً مجلس الشعب المصري ويعبر ويدافع عن حقوق غالبية هذا الشعب؟! فماذا فعلوا بشأن قانون الخدمة المدنية بعد رفضه ( المرة الوحيدة التي قالوا فيها لرئيس الجمهورية لا ظاهرياً فقط لامتصاص الغضب الشديد وللتظاهر بأنهم لا ينصاعون لكل قرارات الرئيس ) ؟ ماذا فعلوا بشأن مخالفة ميزانية الدولة لهذا العام للدستور بشأن ميزانية التعليم وميزانية الصحة؟!

- عذراً علي اختصار التعليق حتي أتجنب رؤية ما لا أطيق.

- موضوع جيد جداً أ/ محمد . جزاك الله خيراً وبارك فيك وجعله في ميزان حسناتك إن شاء الله تعالي.

خالص تحياتي