|
#16
24-07-2011, 12:01 AM
|
|||
|
|||
الحكاية التانية
( 2 ) الحكاية الثانية عاد سمسم مبكراً من عملة و كان يحمل في يدة صندوق صغير فتح باب الشقة واخذ ينادي علي ابنائة لولوووووو لي لىىىىىى أنتوا فين يا ولاد ؟ تعالوا بسرعة ما ان سمع لولو وأختة لي لي صوت والدهم الاستاذ سمسم حتي خرجوا مسرعين من غرفتهم لولو: هاي سمسم لي لي : هاي سمسم سمسم : هاي حبايبي وهنا يعلوا صوت جدهم لؤي من الصالون يا نهار اسود علي جيل الايام دي سمسم حاف كده من غير بابا ولا القاب ؟!! سمسم: مش تاخد في بالك يا لؤي الجد: حتي أنت يا سمسم بتقولي لؤي من غير عمي !!! الجدة: مش تاخد في بالك يا حاج هو وولادة حريين مع بعض ضحك سمسم قائلا هي حماتي وبس الي فهماني لي لي : في ايه يا سمسم كنت بتنادي علينا ليه ؟ لولو: ايه ده الي في ايدك يا سمسم باشا؟! وضع الاب الصندوق علي المنضدة الي في منتصف الصالون وهو يصرخ بفرحة انا جايبلكم مفاجأة يا ولاد لولو: طيب يلا ياعم الامور بلاش رغي كتير وافتح العلبة دي نشوف الي فيها لي لي : بليز سمسم بسرعة يلا ذهب سمسم مسرعا الي المطبخ ثم رجع وهو يحمل سكين صغير .. فتح غطاء الصندوق بالسكين ثم أخرج كيس بداخلة شيء مستطيل الشكل لولو: ايه ده يا سمسم !!! لي لي : ايه ده يا سمسم خلاط ده ؟! ضحك سمسم قائلا دي بقي المفاجأة لي لي: بليز سمسم متبقاش رخم قول بسرعة سمسم: ده فانوس رمضان لولو : يعني ايه فانوس يا سمسم !!! هنا يتدخل الجد في حد ميعرفش فانوس رمضان , ده من أهم العادات والتقاليد بتاعت رمضان اييييييييه الله يرحم أياام زمان وقبل أن يستفيض الجد في ذكرياتة لحقة سمسم قائلاً ده فانوس اليكتروني يا ولاد جواه كمبيوتر صغير الجدة: حتي الفوانيس بقت اليكترونية سبحانك يا ربي سمسم: مش بس كده يا حماتي ده جواه كل أغاني رمضان بتاعت زمان وبتاعت الايام دي كل الي عليكي تحطي الامر للكمبيوتر وهو يشغل الاغنية الي عاوزاها الجد: فيه أغنية وحوي يا وحوي يا سمسم يا أبني سمسم : فيه كل الاغاني الجديدة والقديمة بقولك يا لؤي هنا يمد لولو شفتية وهو ينظر الي ناحية لي لي والتي بدورها تسال والدها يعني ايه وحوي يا وحوي دي يا سمسم !!! يضحك سمسم قائلاً هو انا اش عرفني يا لي لي تدخل الجدة في الحوار وقد علت وجهها ابتسامة فكرتني بايام زمان يا سمسم يا ابني .. فاكر يا حاج لما كنا صغيريين لما كان أهالينا يشتروا لينا فوانيس رمضان الي فيها لمبة صغيرة وكان بيغني الجد: قصدك الفانوس الصيني .. فكرتيني بالذي مضي يا حاجة لولو: ايه الفانوس الصيني ده كمان الجد: ده تراث قديم يا أبني أيام ما كانت بلدنا بتستورد من الصين كل حاجة قبل ما ربنا يفتحها عليها وبقت تستورد من الصومال وبوركينا فاسو دلوقتي الجدة: أنا فاكرة أنا وصغيرة كانت مامي تحكيلي ان مامتها يعني جدتي زمان كان عندها فانوس جواة شمعة صغيرة سمسم : واووووو شمعة اد ايه فكرة رومانسية لولو: يعني ايه شمعة دي كمان !!! لي لي : دول دايماً يقولوا الفاظ غربية زيهم الجد: احنا غربيين يا مئصوفة الرقبة انتوا الي جيل مهبب مشعارف رايحيين لحد فين ولا لما تكبروا ولادكم هيبقوا عاملين ازاي وشكلهم ايه ضحك لولو بصوت عالي وهو يقول هينزلوا من بطون ماماتهم وهما متحملين نغمات نازلين واوامر يعني لو البيبي لونه اصفر يبقي جعان ولو لونه احمر يبقي عطشان ولو لونه بنفسجي بقي يبقي عاوز الحمام هنا يضحك الجميع وفي تلك الاثناء اعطي سمسم امر للفانوس فانطلقت منه اغاني غريبة وهنا تدمع عين سمسم وهو يقول كل سنة وانتوا طيبين يا جماعة اد ايه جميل الجو الروحاني الي عاملة الفانوس ده هنا يكشر لؤي عن انيابة قائلا هو فين الجو الروحاني ده بالاغاني المهببة دي الجدة: ملناش دعوة احنا يا حاج تعالي هسمعك قصيدة قديمة للفنانة القديرة نانسي عجرم قصيدة يا طبطب يا دلع الجد: يا سلااااام ادي الطرب الاصيل ولا بلاش وهنا عادت توتا من عملها وادارت مفتاح الشقة لتجد سمسم ولولو ولي لي يرقصون بهسترية علي اغاني الفانوس وراحت تشاركهم الرقص . الي الحلقة القادمة
محمود 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 05:47 PM.
