|
يوميات رمضان سنة 2050
رمضان سنة 2050 هي مجرد حكاية لم ولن تحدث علي الاقل في القريب العاجل حكايات أسرة في رمضان سنه 2050 محدش يستغرب بس احنا عاوزين نضع تصور للحياة بعد حوالي 40 أو 50 سنة ياتري الدنيا هيكون شكلها عامل ازاي !!!!!!!!!! الحكايات كلها هتكون عبارة عن سلسلة كوميدية عشان تكون مناسبة للاجواء الي احنا فيها |
ودي أول حكاية (1) الحكاية الأولي دفعت توتا باب شقتها ودخلت مسرعة الي مطبخها فقد كانت تحمل اشياء كثيرة وهي ما سوف تحتاجة في اعداد الفطار هاي بابي هاي مامي هابي رمضان عليكم يا جماعة قالتها توتا لوالدها ووالدتها عندما شاهدت الاثنان جالسين في الصالون يشاهدان التليفزيون تحديدا قناة سونج من الزمن الجميل وقد راح والدها الحاج لؤي يتمايل طرباً علي أغنية للمطرب القديم تامر حسني وهو يدندن اجمل حاجة فيكي هي دي الجد: هابي رمضان عليكي يا بنتي الجدة: هابي رمضان ربنا يعودة علينا يير ورا يير ( يير يعني سنه بالانجلش ) إيه الي كنتي شيلاة ده يا توتا يا بنتي توتا : دي طلبات رمضان يا ماما الجدة: اشترتيلنا ايه توتا: اشتريت2 كيلو لحمة واشتريت خضار وزبادي وشويه معلبات الجدة: دفعتي كام في الحجات دي يا بنتي توتا: مش هتصدقي يا ماما قالتها توتا بكل فرح ثم اضافت اشتريت كل دول بـ 2000 جنيه بس ضحكت الجدة وقد تهللت اساريرها الجدة: لازم كانوا عاملين تخفيضات توتا: ايوه يا مامي انا وراجعة من الشغل شوفت اعلان كبير قدام الماركت تصوري يا مامي تخفيضات مهولة كيلو اللحمه بـ 900 جنيه بس والبيضة بـ 20 جنية وعلبة الزبادي بـ 30 جنية بمناسبة رمضان قاطعها الجد وهو يلعن هذا الغلاء الجد: : الله يرحم ايام زمان ايام ما كنا بنشتري كيلو اللحمة ب 70 جنية والبيضة بجنية وعلبة الزبادي زيها وهنا خرج احفادة لولو ولي لي من غرفتهما وقد علت ضحكاتهم لولو: 70 جنيه ايه بس يا جدو ال 70 جنيه دلوقتي يدوب اشتري بيها ساندوتش شاورما الجد : تعرف يا لولو يا أبني انا كنت بروح الهايبر ماركت علي ايامنا وبجيب علبة السجاير بـ 5 جنية وهنا تنطلق لي لي في الضحك بصوت عالي 5 جنية ايه بس يا جدو دا انا بشتريها ب 100 جنية الجد: ده زمن مهبب كل حاجه اتشقلب حالها فيه حتي الفن الاصيل راح فين ايام تامر حسني وسعد الصغير وعمرو دياب الله يرحم الطرب الاصيل هنا ينفجر لولو في الضحك قائلا : تامر حسني مين وعمرو دياب مين بس يا جدو دول حفريات نهرة جدة قائلا اخرس يا منحط انتا وهي انت تعرف يعني ايه طرب اصيل ده انا وجدتك لما كنا بنحب بعض قبل الجواز كنا نروح حفلات تمورة في شرم ومارينا والجامعة وهنا يبدأ الجد في العودة الي ذكرياتة فاكرة يا حاجة هايدي ايوة يا حاج لؤي هي دي ايام تتنسي يا خويا , هو أنا أنسي لما أتقبض علينا في المظاهرة هنا تتسع عيون لولو ولي لي لولو: هو انتوا كنتو بتخرجوا في مظاهرات يا تيتة الجدة: أيوة يا أبني أنا وجدك لينا تاريخ طويل مشرف لي لي: طيب وأتقبض عليكم ليه يا تيتة الجدة: أنا كنت وحدة من الي خرجوا في مظاهرة بعربياتهم لما اتقبض علي تمورة لي لي : مين تمورة يا تيتة الجدة: ده المطرب القدير تامر حسني يا بنتي لولو : طيب وأتقبض عليكم ليه يا تيتة :عشان خرجنا في مظاهرة كبيرة أنا وبنات كتير غيري مخلصات للوطن وتمورة لي لي : يا حرام طيب وأتقبض عليكم ليه يا تيتة الجدة: عشان قولنا لا لما قبضوا علي تمورة بسبب هروبة من التجنيد هنا يضحك لولو بصوت عالي لولو: في حد يهرب من الجيش هنا يتدخل الجد : هو انتا فاكر الجيش علي ايامنا زي الجيش علي ايامكم السودة دي الجيش أيامنا كان سنة بحالها بتاخد في الكتيبة شهر وتنزل اجازة 10 ايام هنا يشعر لولو بالعزة الله يا جدو الجيش علي أيامكم كان مصنع للرجال فعلا الجد: طبعا يا ابني هو انتا فاكرة زي الايام دي 15 يوم فيهم 10 ايام اجازة توتا: اسيبكم انا بقي تفتكرو ايام زمان بتاعتكم واروح أجهز الفطار الي الحلقة القادمة محمود |
|
يظهر اني مش هكمل بقية الحلقات 29 مشاهدة ومفيش غير رد واحد !!!!!!!!!!!!!!!!!!!!!!!!!!!!!!!!!!! |
كان ينهال قلمك علينا بالشعر فكان رائعا واليوم ينهال علينا بالقصص فوجدناة مبدعا http://img141.imageshack.us/img141/3130/gifbfy.gif |
اقتباس:
يظهر انك مش مقدر الرد ده |
هى ضحك .. بس لو اخدناها جد مااعتقدش ان الوضع ممكن يبقى كده
وبالمناسبة شكلنا كده عاوزين مواضيع تخاطب وضعنا الحالى وتكون الردود فيها فرصة للتنفيس عن اللى جوانا انا عن نفسى لا احبذ الموضوعات اللى يكون الرد فيها على شاكلة حلوة جامدة واو والكلام ده بالمناسبة يا عم محمود انا لا اخص موضوعك ولكن ده سبب تفسيرى لقلة الردود بالظبط زى ما حصل فى موضوع الشطرنج بتاعى ... الناس مش عاوزة قلبة دماغ |
اقتباس:
قيثارة المنتدي كنارة اشكرك علي مرورك الرائع وعلي كلماتك الانيقة دومتي بكل الود |
اقتباس:
ردك يساوي كل ردود العالم انا لم اقصد شيء يا ايقونة منتدانا لكي مني كل الود |
اقتباس:
وهي موضوعات اللعب بتخاطب وضعنا الحالي يا اخ محمد! يظهر اننا بقينا بنحب التهريج من اجل التهريج اشكرك علي مرورك القيم |
الموضوع هايل ومميز وجديد يا استاذ على ما تفرج
[IMG]file:///C:/DOCUME%7E1/heba/LOCALS%7E1/Temp/moz-screenshot.png[/IMG][IMG]file:///C:/DOCUME%7E1/heba/LOCALS%7E1/Temp/moz-screenshot-1.png[/IMG][IMG]file:///C:/DOCUME%7E1/heba/LOCALS%7E1/Temp/moz-screenshot-2.png[/IMG] |
معلش غلطة مطبعية
|
اقتباس:
ولايهمك يا استاذة هبة المهم ان حضرتك شرفتي الموضوع |
محمود
هاتكمل امتى اليوميات؟ كفاية انا بارد وكمان متابعة باهتمام |
اقتباس:
يكفيني ان لوجين صاحبة ومديرة الروم بحالها متابعة يومياتي المتواضعة واكيد ده شيء هيشجعني اني اكملها كلها اشكرك لوجين علي اهتمامك ومتابعتك القيمة لكل المواضيع في حجرتنا http://www.g-rman.com/vb/uploaded/10_11290565738.gif |
| جميع الأوقات بتوقيت GMT +2. الساعة الآن 12:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.