|
قسم المطبخ والنصائح المنزلية قسم خاص بعالم المطبخ والحلويات والمشروبات |
|
أدوات الموضوع | انواع عرض الموضوع |
#15
|
||||
|
||||
![]() بعد غيبة طويلة .. قلت أفتح البرنامج بعد ما عشش فيه العنكبوت ![]() وجبتنا إنهارده صنية فراخ بالبطاطس والبسلة أول شىء هنجيب أوراك فراخ على حسب عدد أفرد الأسرة ( ممكن نقسم الفرخة نفسها أربع أجزاء )هنشيل الجلد بتاعها وهنتبلها هنجيب بصلتين متوسطين هنقشرهم ونخرطهم مربعات صغيرة ![]() ، هنحط نص معلقة صغيرة ملح ، معلقة صغيرة كمون وبهارات وشوية جنزبيل لو بتحبوه، هنجيب لمونة ونعصرها عليهم و أى توابل تانية تحبوها ،ولخبطهم كلهم كويس وبعدين نحطهم على الفراخ .. يُفضل إننا نكون متبلينهم من فترة يوم على الأقل علشان الفراخ تبقى متبلة وجاهزة للفرن على طول هجيب 4 بطاطسيات متوسطين وهنقشرهم ونقطعهم شرايح سميكة ونغلسهم كويس وهنجيب البسلة نغسلها برده وهنحطهم فى صنية الفرن غالباً هتكون مقاس 30 .. هنساوى البطاطس والبسلة فى الصنية ولو عايزين تحطوا جزر أهلاً وسهلاً مفيش مشاكل ![]() .. هنجيب الفراخ المتبلة ونحطها على وش الصنية ونضيف حوالى كوبايتين ميه ونجيب ورق الومنيوم نغطى الصنية بيه وندخلوا الفرن على 260 درجة و نروح بقى للرز ننقيه ونغسله كويس وبعدين نصفيه ونجيب الحلة ونحط فيها شوية زيت واللى يحب يحط شعرة يحط واللى مش عايز يحط الرز على طول ونضيف ميه على حسب عدد كبيات الرز يعنى لو حطينا 3 كبيات رز هنضيف 3 كوبيات ميه ونضيف الملح عليه ونقلبه كويس ونغطيه لغاية ما يغلى ونوطى عليه ونسيبه حوالى تلت تربع ساعة يكون إستوى هنشوف الصنيه إذا كانت محتاجة ميه ولا لأ .. ولما نلاقيها قربت تستوى هنشيل ورق الومنيوم من عليها علشان تحمر ولو تحبوا تعملوا سلطة خضار مع الوجبة هنجيب الخضروات اللى بتحبها والطماطم ونغسلهم كويس أوى ونقطعهم ونضيف عليهم لمون وملح وخل تفاح لو بتفضلوه على السلطة
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 09-02-2009 الساعة 03:49 PM |
العلامات المرجعية |
|
|