هنا الحل لموضوع الإعتصامات والمظاهرات

[Clever Man 2009]

بسم الله الرحمن الرحيم

قبل ما أقول أي حاجة لازم نعرف كلنا اني تخريب بلدنا عشان مصالحنا الشخصية أكبر غلط ومش معنى اني انا بأقول كده اني انا جايب مجموع عالى ... لا أبداً .. انا جايب يا حضرات 80.98 % وانا لسه في المرحلة الأولى وده كان بسبب ظروف شخصية حصلتلي وفضلت من ساعة ما ظهرت النتيجة زعلان من جوايا ومع ذلك دورت على الحل لحد لما لاقيته وهو :-

مش هنضحك على بعض في منا كتير جداً كان حاسس انو مقصر في حق وطنه وبدأ يعمل جروبات على الفيس بوك تدعو اما لمناصرة الثورة أو لمناصرة الرئيس السابق ومن جانب آخر كان في ناس انا شايف اني كان عندهم برود ولا اتحركوا من مكانهم واستغلوا فرصة الثورة بانهم ذاكروا اكتر في الأجازة اللي سببتها الثورة وبدل ما يساعدوا بلدهم كانوا بيولعوها على الفيس عشان الطلبة يتشغلوا اكتر وهما يعرفوا يذاكروا واعرف ناس كتير كده انا نفسي كنت ضحية للحاجة دي عشان كده طالبت بأكثر من مرة على الفيس بإنقاذ الموقف بدون مظاهرات أو إعتصامات بإعادة نظام تحسين المجموع بإعادة السنة وذلك لهذا العام فقط لما مرت به مصر من ظروف إستثنائية .
وبعدين الشباب 50 % منهم طلاب ومعنى كده اني جزء كبير من الطلاب شارك في الثورة بصفتها ثورة الشباب يبقى المفروض الشباب اللي شركوا في الثورة ما يروحوش في الرجلين

أرجو اني اللي موافقني او حتى اللي مش موافقني في الكلام اللي انا قلته يرد عليا برأيه

[canavar000]

علي فره الي طالع المظاهرات الي جايب فوق التسعين الي مش لاحق لا سما ولا ارض
وبعدين يعني ايه واحد جايب 96 وميلحقش صيدله ولا اسنان
ولا واحد جايب 93 ومش لاحق هندسه

البلد دي ماشيه بالمعكوس كل ماتضربها تديك

[Clever Man 2009]

المشاركة الأصلية كتبت بواسطة canavar000

علي فره الي طالع المظاهرات الي جايب فوق التسعين الي مش لاحق لا سما ولا ارض
وبعدين يعني ايه واحد جايب 96 وميلحقش صيدله ولا اسنان
ولا واحد جايب 93 ومش لاحق هندسه

البلد دي ماشيه بالمعكوس كل ماتضربها تديك

والله لازم نعرف اني الموضوع ده هيتكرر السنة اللي جاية لاني المجاميهع هتكون اعلى بكتيــــــــــر

[abdo8]

اقتراح جيد

[Clever Man 2009]

المشاركة الأصلية كتبت بواسطة abdo8

اقتراح جيد

شكراً لاسهاماتك

[tafa10]

حسبى الله ونعم الوكيل

[Clever Man 2009]

المشاركة الأصلية كتبت بواسطة tafa10

حسبى الله ونعم الوكيل

في مين ؟؟؟؟؟؟

[Rocket]

يا موعظ زمانك أنا جايب 2و98 وكنت في ميدان التحرير ووقفت في اللجان الشعبية وهتفت مصر مصر تحيا مصر وعندما جاء التنسيق بهدلتني مصر وأحبطتني مصر وكأنني غريب ومش عارف أدخل الكلية اللي بحبها وأقسم لك بالله أن هذا مجهودي وتعبي والله علي ماأقول شهيد

[Clever Man 2009]

المشاركة الأصلية كتبت بواسطة rocket

يا موعظ زمانك أنا جايب 2و98 وكنت في ميدان التحرير ووقفت في اللجان الشعبية وهتفت مصر مصر تحيا مصر وعندما جاء التنسيق بهدلتني مصر وأحبطتني مصر وكأنني غريب ومش عارف أدخل الكلية اللي بحبها وأقسم لك بالله أن هذا مجهودي وتعبي والله علي ماأقول شهيد

عايزك تعرف حاجة .. انا حسيت اني في بعض الاستهزاء بكلامي في يا موعظ زمانك وفي أنا جايب 98.2 % انا اللي قاعد جنبي جايب زيك واللي ورايا جايب 99.6 % واقسم لك بالله على ذلك انا نفسي كان كل اساتذتي متوقعين اني اجيب كده خاصةً اني متوعد اجيب الدرجات دي من وانا في تانية ابتدائي لكن زي ما ذكرت قبل كده استشهاد اعز اصحابي واعز عيلتي بعد والدي ووالدتي واخواتي آثر فيا نفسياً وخلى مستوايا الدراسي ينزل لسابع أرض فياريت بلاش تفتخر بمجموعك عليا لأني بالنسبة السنة السودة اللي إحنا فيها دي حتى مجموعك اللي بتفتخر بيه مش هيعملك حاجة

[العم الكبير]

المشاركة الأصلية كتبت بواسطة clever man 2009

بسم الله الرحمن الرحيم

مش هنضحك على بعض في منا كتير جداً كان حاسس انو مقصر في حق وطنه وبدأ يعمل جروبات على الفيس بوك تدعو اما لمناصرة الثورة أو لمناصرة الرئيس السابق ومن جانب آخر كان في ناس انا شايف اني كان عندهم برود ولا اتحركوا من مكانهم واستغلوا فرصة الثورة بانهم ذاكروا اكتر في الأجازة اللي سببتها الثورة وبدل ما يساعدوا بلدهم كانوا بيولعوها على الفيس عشان الطلبة يتشغلوا اكتر وهما يعرفوا يذاكروا واعرف ناس كتير كده انا نفسي كنت ضحية للحاجة دي عشان كده طالبت بأكثر من مرة على الفيس بإنقاذ الموقف بدون مظاهرات أو إعتصامات بإعادة نظام تحسين المجموع بإعادة السنة وذلك لهذا العام فقط لما مرت به مصر من ظروف

انا موافقك على الاقتراح لكن للمرة المليون مش من حقك اهانة اى شخص ....ببساطة سالوا اينشتاين-اى حد بيفهم نظرياته بيوصل للسما-ليه مبتحبش الاعلام؟ قالهم:"حتى لا اكشف عن جهلى"

[Clever Man 2009]

المشاركة الأصلية كتبت بواسطة العم الكبير

انا موافقك على الاقتراح لكن للمرة المليون مش من حقك اهانة اى شخص ....ببساطة سالوا اينشتاين-اى حد بيفهم نظرياته بيوصل للسما-ليه مبتحبش الاعلام؟ قالهم:"حتى لا اكشف عن جهلى"

انا مش قصدي الأهانة .. لا بالعكس انا عايز اوضح وجهة نظري اني واحد مستواه الدراسي زي مستوايا ويمكن أقل وما يمنعنيش اني اجيب زيه غير استشهاد واحد من عيلتي وهي دي الظروف اللي منعتني اجيب زيه

[mido1939]

انا كنت في المظاهرات وهتفت باسم بلدي وجبت الحمدلله 97% ومش لاقي كليه فهل ده اني مقصر ؟ الواضح انه مش هينفع مع البلد ام نموت ونستريح او نعمل اعتصام كلنا

[Clever Man 2009]

المشاركة الأصلية كتبت بواسطة mido1939

انا كنت في المظاهرات وهتفت باسم بلدي وجبت الحمدلله 97% ومش لاقي كليه فهل ده اني مقصر ؟ الواضح انه مش هينفع مع البلد ام نموت ونستريح او نعمل اعتصام كلنا

التقصير مش منك ولا مني ولا من الوزارة الحكاية وكل مافيها اني في زيك كتير وكمان يمكن يكونوا جايبين اعلى وده خلى الضغط على الكليات كبير ةعلى مجاميعها

[ningooooo]

يعني معلش يعني كلام مضحك مع احترامي ليه هو حد مسكك من ايدك و قالك ما تذاكرش علشان الثورة احنا هنتتحجج

علي كده مثلا بقي المفروض الزملكاوية ماكنوش يروحوا الامتحان علشان خسروا الدوري مش قصدي حاجه و الله بس بضرب مثال

و حضرتك بتقول انك كنت حزين علشان استشهد صديقك و ده شعور احترمك عليه

لكن لازم حضرتك تعرف ان في ناس ابهاتهم و و الدتهم كانوا بيموتوا او تعبانين و علي الرغم من كدة تحاملو و قدروا يكملوا

و بعدين امال الحذف اللي كان في المناهج ده كان ليه

و مش لازم يعني كل الطلاب ينزلوا ياخذوا بركة الميدان و ما اعتقدش ان كان في حد ايامها يعرف يعمل حاجة غير انه ينزل او يعد يتابع التليفزيون

و اسف لو في تعليقي حاجة مش عجباك

[wahsh2008]

يا جدعان

خلوها على ربنا

والله كل حاجة هتمشى