|
مبارك رئيسا لمصر للأبد !!!
مصادر مقربة: مبارك سوف يترشح لانتخابات الرئاسة 2011
http://productnews.link.net/reuters/...IVISTS-MN6.JPG 2/20/2010 2:51:00 PM القاهرة - محرر مصراوي - صرحت مصادر مقربة من القصر الجمهورية أن الرئيس مبارك سوف يكون هو مرشح الحزب الوطني لانتخابات الرئاسة المقبلة في 2011، في حالة عدم حدوث تغير استثنائي أو غير متوقع. بينما قال مصدر اخر: "إن من يتصور أن الرئيس مبارك سيقرر ألا يترشح وأن يدعو جمال مبارك للترشح بدلا منه لا يعرف شخصية مبارك وطبيعتها العسكرية المنضبطة". وأضاف أن حدوث ذلك ــ وهو ما يصر على استبعاده ــ "سيكون أمرا خارجا عن المألوف". وأشار إلى أن طرح أسماء لشخصيات سياسية مصرية قد تترشح لانتخابات الرئاسة المقبلة مثل الدكتور محمد البرادعي وعمرو موسى الأمين العام لجامعة الدول العربية قد حسم الأمر وأنهى أى تردد كان موجودا إزاء ترشيح الرئيس مبارك لنفسه. وعلى الصعيد الغربي رجحت مصادر دبلوماسية غربية بالقاهرة أن يترشح مبارك لانتخابات الرئاسة 2011، معتبره أنه لا يوجد الآن ما يدل بصورة واضحة على أن جمال مبارك "يجهز نفسه لانتخابات الرئاسة القادمة". وقالت المصادر، إن واشنطن صرحت للقاهرة بأنه إذا ما كان لها أن تختار ما بين جمال وبين شخصية تنفيذية رفيعة حاليا لها مسئوليات على الساحتين الداخلية والخارجية فإنها ستختار الشخصية الثانية. لا تقولي برادعي ولا تقولي موسى الكبييييييييييير وصل :d:d كده عرفنا مين هيفوز بالأنتخابات قبل ما تبدأ من أساسه ... |
|
المهم انى الاقى واحد بيقوللى احنا بقالنا سنين مع مبارك
البرادعى فيه وفيه لكن خلينا نجرب :d:d!!!!!!!!!! اى مصرى بحب اختيار رئيس كفء قادر على التعامل مع القضايا الداخلية والخارجية الحكاية مش بطالة ولا رغيف عيش ولا علاوة ياريت اللى شايف حد كويس يقولى ارشحه .... |
الصراحة اللي اناشايفه الوحيد من المرشحين اللي ينفع للرئاسة
عمر سليمان وزير المخابرات لأن مينفعش يمسك الحكم في مصر الا راجل ليه خبرة عسكرية |
اقتباس:
ربنا يديه طولة العمر |
والله مبارك ده رئيس كويس جداا
يارب يفضل هو الريس |
الرئيس مبارك ليس له بديل وانا اول من يؤيد الرئيس مبارك بارك الله فيه
|
وتحيا مصر يا عم الحج
والحياة جميلة ومشية وزى الفل حلوة او ى البلد بمبارك ولا احنا خدنا على كدة خلاص حسبى الله ونعم الوكيل حفضل لغاية ما اموت اكرة شئ اسمة مبارك بالحاشية بتعتوة حسبنا الله ونعم الوكيل |
انا نفسى قبل ما اموت اشوف حد يظلمنى غيره
خلاص بقى زهقنا من ظلمه بس تصدقوا اتعودنا عليه خلاص هو طعم الظلم بره عامل ازاى ؟ |
الاخ الغالي صوت الامة والعزيز المجاهد في سبيل الله
بالنسبة لموضوع الانتخابات القادمة فهذة حرية شخصية ولكنها سابقة لاوانها الان اما بالنسبة للحديث عن الرئيس مبارك الذي جنب الله مصر به العديد من المنزلقات والحروب فاعتقد ان الحديث عنه بهذة الصورة غير مقبول وغير شرعي ايضا واتمنى عليكما ان تتفضلا بقرأة كتاب معاملة الحكام في ضوء الكتاب والسنة جزاكم الله كل الخير دمتم موفقين جميعا |
جزاك الله خيرا يا استاذ علاء على النصيحة
ولكن انت ايه رائيك هل نحن نتعرض للظلم فى البلد دى ولا لا؟ انت عجباك عشتك؟ عجبك الى بيحصل فى البلد؟ عاجبك ان واحد ياخد مليون جنيه فى الشهر وواحد بيفضل طول عمره ومش بيكون المليون فى كل حياته ؟ كل دا ظلم ولا مش ظلم الكتاب و السنه سيدنا ابو بكر رضى الله عنه قال فان اخطئت فردونى ايه رائيك كل الظلم وبعد كل الظلم دا تقول ايه تقول اه عايزينه يبقى حاجه من اتنين يا اما احنا الى عايشين فى احلام او احنا الى عايشين فى احلام لانها اكيد احلام |
إيييييييه دنيا!!! لا بتسب اللى راكب راكب ولا اللي ماشي ما شي وماله عمو مبارك, راجل سكرة!!!! صحيح الفجوة بين الأغنياء والفقراء أصبحت تساوي ما بين السماء والأرض وصحيح ان الناس مش لاقية تاكل ولا تشرب وصحيح ان اللى لاقي ياكل أو يشرب بياكل ويشرب اللى الحيوانات تقرف منه وصحيح ان الدنيا كلها بتدينا على قفانا وحكومتنا بيتقول كماااااااااااااااااااان وصحيح ان الشريف معدش له مكان في البلد دي والحرامي والمرتشي والنصاب والمسنودين عموما يعني هم الذين يجب لم أن نسمع لهم ونطيع وصحيح ان المخدرات بين الشباب أصبحت أكثر من الشكولاته. وصحيح حوادث ال****** والجرائم بتزيد بمعدل مش طبيعي, وبص على الجرائد الحكومية - بلاش المعارضة - وانت تعرف حجم الدمار والخراب اللي بتمر به البلد وصحيح ان الشباب صايع وضايع إلا اللي عارف الباشا فلان علشان يشغله شغله محترمة تليق بشهادته العاليا. وصحيح ان الجواز بقى على سن 30أو 35 ده ان لحقت حاجه اسمها جواز أصلا يعني وصحيح.........................وصحيح............... ......وصحيح .......................... بش لازم نعترف ونقر ونشهد للحاكم المبجل والقائد المظفر والرئيس المعظم مسقط الطائرات وحامل لواء الشجب والتنديدات والفائز الأول والأخير في الانتخابات بأن بلادنا كما قالت الأخت الشهيرة سندريلا الشاشة المصرية , واللى على فكرة في سنويتها راحوا قبرها وشغلولها أغانيها الحياة بقى لونها بامبي والدنيا ربيع, وقفلي على كل الموضيع وهذا طبعا لكي نرضي من يريد ان نرضخ لحاكم ونرضى به لم يعد يصلح لهذا البلد لأنه وببساطة أصبح شيخ هرم لا حول له ولا قوة, لا ندعو إلى ثورة ولكن إلى صحوة ويقظة من حاكمنا قبل شعبه إذا أراد أن يترحم عليه أحد من أهل هذا البلد فليترك هذه الوظيفة -رئاسة الجمهورية- لغيره ولا يأتي بابنه,و هنا قد يفكر بعضنا بأن يسامحه على ما فعله بنا ولا ننسى ما قاله أبو بكر يوم توليه الخلافة ((أمَّا بعْدُ –أيها الناسُ –فإني قَدْ وُلِيتُ عَلَيْكُم ولَسْتُ بِخَيرِكُمْ,فإن أحسنتُ فأعِينوني,وِإنْ أسأتُ فَقَومُوني , الصِدْقُ أمَانَةُ ,والكَذِبُ خِيَانَةُ,والضعيفُ فِيكم قويٌ عِندي حتىَ أُرِيحَ عَلَيهِ حَقَهُ-إنْ شَاءَ الله-والقويُ فِيكُم ضَعِيفُ عِندي حتىَ آخُذَ الحَقَ مِنهُ-إن شاءَ اللهُ- لا يدعُ أحدٌ مِنكم الجهادَ في سبيلِ اللهِ ,فإنه لا يدَعَهُ قومٌ إلا ضَرَبَهم اللهُ بالذُلِ ,ولا تَشِيعُ الفَاحِشَةُ في قَومٍ إلا عَمَهُمُ اللهُ بالبَلاءِ. أطيعوني ما أطَعْتُ اللهَ ورَسولَه,فإنْ عصيتُ اللهَ ورسولهَ فلا طاعةَ لي عليكم)) فأين هو مما قاله خليفة رسول الله؟؟؟؟ وهل من حقي كمواطن أن أكتم ما أره؟ إني بذلك أضره أكثر مما أنفعه . ولا تنسوا أن هامان وزير فرعون كان عامل فيها السندريلا والربيع والبمبه, وأخرته إيه دلوقتي؟!! "النار يعرضون عليها غدو وعشيا" أعوذ بالله أن نكون مثل هامان أو فرعون |
أعوذ بالله أن نكون مثل هامان أو فرعون
|
اقتباس:
حال مصر فى عهده لا تسر عدو او حبيب د / البرادعى امل مصر الوحيد فى استرجاع قوتها وعظمتها مادد مادد شدى حيلك يا بلد |
نعم لبقاء مبارك فترة أخرى .. حتى يظهر من هو قادر على إحداث التغيير واصلاح البلاد .. قادر على إدارة دولة بأكملها .. . وحتى يظهر من يستحق فليبق الوضع على ما هو عليه .. |
مبروك مقدما لحسني مبارك
|
الفكرة مش فى البرادعى ولا غيره
الفكرة إن الناس زهقت خلاص وعاوزة تغير بأى شكل وبصراحـة كفاية أوى لحد كدة هو احنا بعد كدة هنروح فييييييييييييييييين؟؟؟؟!!!! لازم نغير ولازم كلنا نقولها بصوت عالى نعم للتغيير للأسف إن الشعب وصل لمرحلة اليأس من إن كلمته أو رأيه مش هيفيد لكن يا مصر بنقولها حرااااام ...........إحنا زهقنا من الطغيــــــــــــان |
ربنا يصلح الاحوال
|
سؤال اتمنى ان أجد له جواب مقنع
لكل من ينادي بحرية الرأي هنا وفي الاعلام وطبعا يقصد حرية رأيه هو السؤال هو لماذا من ينتقد مبارك وطني وحر وقلبه على البلد وحاسس بنبض الشعب ومن ينتقد البرادعي ولا حتى ابراهيم عيسى خائن او منبطح او قابض او منافق؟؟؟؟؟ وبعد ذلك يقوللك بس مفيش حد فوق النقد |
انا نفسى اعرف مبارك قدم اية لمصر؟؟
العاااااااااااااااالم باكمة كرة اسم مصر بسببة الفقر والقرف الى فى البلد دى كولها بسببة البطالة والجهل وهروب الشباب من مصر بسببة المصايب الى فى البلد وكترة الحرامية الى فى البلد بسببة معمرناش شفنة حركة اسمها سركة الاعضاء الا فى عهدة مشفناش كرة للمصرين بالشكل دجة الا فى عهدة؟ اية مميزات عهد حسنى مبارك ؟ عملنا اية حسنى مبارك عشان ننتخبة؟ فين الديمقراطية؟ فين حرية الرئ؟ فين الكلمة الحرة؟ فين التطور الشبابى الى بيقول علية؟؟ اسود حكم فى تاريخ مصر هو حكم الراجل دة عمر الشعب المصرى متهان هذة الاهانة غير فى عهدة حسبنا الله ونعم الوكيل |
"وما جعلنا لبشر من قبل الخلد افإن مت فهم الخالدون "
كل نفس ذائقة الموت |
اقتباس:
دلوقتي المقارنة بينهم هما الاتنين بتقول مبارك قدم ايه لمصر قصدك بعد الرئاسة ولا قبل ؟ لو بعد الرئاسة فمحدش فينا شاف البرادعي عمل او حط حتى خطة العمل فين ؟ لو قصدك قبل فأنا مش محتاج أقولك مبارك عمل ايه قبل ما يتولى الرئاسة لكن تقدر انت تقولي البرادعي عاش كان سنة في مصر اصلآ عشان يعمل حاجة ؟ ده من منطق عدم الجدال لكن لو عايز افصلك كلامك حوريك إنك غلطان كتير في رأيك حول مبارك وفي رأيك حول البرادعي معلش أي نعم أنا مش مع مبارك بس متخليش عمانا وكرهنا لشخص إننا نمحي حسناته ونختار من هو أسوأ منه !! |
اقتباس:
بص يا بشمهندس انا بقول على مبارك اثناء تولية الرئاسة ؟ كلنا عارفين انة عمل اعمال عظيمة قبل الرئاسة مع السادات ومحدش يقدر ينكر ذالك لكن لما مسك الحكم عمل اية؟؟؟ اعتقد عمل الحكات الى انا ذكرتها فوق دى ولما اتكلم عن الريس مبارك بالطريقة دى مش مع ذالك انى من المؤيدين للبردعى ولا انى اصلا كنت حاطط البرادعى فى الاعتبار وانا معاك انا مش مع البردعى للرئاسة لانة اصلا يعرف اية عن مصر عشان يمسكها بلاش عن مصر يفهم اية اصلا فى السياسة لكن فى مثل بيقول (احسن الوحشين) ولعل وعسى يمكن البردعى يقدم شئ جديد لية لاء؟ مفى ناس يامة مكنتش تعرف حاجة عن البلد ولما مسكتها اتحسن الوضع انا مش مع البرادعى ولكن اذا اذا رشح نفسة اكيييد حكون من المؤيدين لية احنا اتخنقنا يا بنذر انت شم متصور حكم كرة مصر اية برة بجد حرام الى بيحصل مصر دى كان كلة بيحبها دالوقتى بقت بجد حاجة وحشة جدا عاوزين جديد وتغير دم لعل وعسى الامر يتغير |
فليتحيا مصر تحت حكم مبااااااااارك
ومباااارك ليكم مقدما |
اقتباس:
طيب مهو كل اللى مسكها عسكريين من محمد نجيب حتى الأن يعنى العسكريين مش شئ جديد اقتباس:
هو فعلا شا طر جدا فى عكننه الشعب المصرى ومص دمائه اقتباس:
وبما أن حضرتك بتأيده بل وأول المؤيدين فأبشرك ببشرى الرسول الكريم ( ص ) يحشر المرء مع من أحب فاللهم أرزقك الحشر معه بما أنك تحبه وترى أنه ليس له بديل اقتباس:
اقتباس:
لدرجة ان القرآن الكريم لم يذكر السجن الا فى مصر فى سورة يوسف " ودخل السجن معه فتيان " اقتباس:
قال تعالى " وأطيعوا الله وأطيعوا الرسول وأولى الأمر منكم " لماذا كرر الله كلمة أطيعوا قبل لفظ الجلاله وقبل الرسول ولم يكررها قبل أولى الأمر ؟ فسر ذلك العلماء بأن الله يطلب أن نطيعه فى كل الأمر مهما كان وكذلك الرسول لذلك قال الله تعالى فى أيه أخرى " يا ايها الذين أمنوا ادخلوا فى السلم كافة 000 " اى ادخلوا فى الاسلام كله بكل أوامره ولو كانت أوامر لا تستثيغها النفس مثل الجهاد والقتل فى سبيل الله ودفع المال فى الزكاه وغيرها من الأمور التى جبلت النفس على عدم تقبلها فالنفس تحب الأخذ لا العطاء والحياه لا الممات وكذلك قال تعالى " وما كان لمؤمن ولا مؤمنه اذا قضى الله ورسوله أمرا ان تكون لهم الخيره من أمرهم " يعنى لو قدر الله والرسول أمر على الناس طاعته وليس لهم اختيار وهنا لم يقل وما كان لمؤمن ولا مؤمنه اذا قضى الله ورسوله وأولى الامر امرا ان تكون لهم الخيره من امرهم لكن فى حالة أولى الأمر لم يجبرنا الله تعالى على طاعتهم فى كل أمر بلا قيد أو شرط بل فسر العلماء الأيه بأننا يجب علينا طاعة الله والرسول ( ص ) بصفه عامه وبلا نقاش ولكن فى حاله الحاكم نطيعه بشرط ان يتبع كلام الله وسنة رسوله فطاعتنا له مرهونه بطاعته لله فله علينا السمع والطاعه مادام يتق الله فينا وان لم يتق الله فلا سمع ولا طاعه اقتباس:
اقتباس:
اقتباس:
اقتباس:
اقتباس:
اقتباس:
اقتباس:
رحمك الله يا ابو غزاله كنت المفروض تبقى الرئيس عارفين ابو غزاله شاله حسنى مبارك ليه ؟ فى عهده الجيش اصبح يصنع كل شئ بل ويزرع القمح مما جعل مصر تكتفى ذاتيا ولا تحتاج الى امريكا بل وطور الاسلحة المصرية فطور الدبابة الروسيه مما جعها أقوى دبابه كانت اسمها ادراز على ما اتذكر وطور صواريخ طويلة المدى وبدأ فى بناء المفاعل النووى المصرى فى الضبعه فلذلك اصبح خطر لابد من ان يجتث فحينما عاد الرئيس مبارك من امريكا اقاله ومش كده وبس دا كمان كانوا عايزين يطلعوه بفضيحه بعتوله بنات ليل ليصوروه عريان فطردهم وهو الذى صمم مفاعل العراق النووى الذى ضربته الطائات الاسرائلية فلو كان هو الرئيس لكنا احسن حالا ويوجد فى مصر من هم اشراف بكثره فنحن امه لا يندر فيها الرجال بل وفى الحزب الوطنى الحاكم شخصيات أحبها مثل عمرو موسى وزير الخارجية السابق الذى كان مثال لكلمة الحق وكمال الجنزورى رئيس الوزراء السابق وعبد السلام المحجوب محافظ الاسكندرية السابق الذى جعل الاسكندرية عروس بحق اقتباس:
|
اقتباس:
صحيح محدش حابب الوضع اللي في البلد تحت قيادة مبارك بس برضوا نخلينا في السيء احسن ميجي الأسؤ.. |
يااااااااااااااااااااااااارب انا بدعى بجد ياريت حسنى مبارك يبقى رئيس مصر ديما
ياااااااااااااااااااااارب والله انتوا مش فاهمين حاجة محدش هيفهم غير لما يعرف بجد والله رئيس جامد جدا لكن الوزراء هما اللى بايظين |
اقتباس:
ما دام الوضع غير مريح فى مصر ولا يعجب احد ايه اللى يصبرنا ومين قال ان اللى جاى حيبقى اسوأ مهو مفيش اسوأ من اللى احنا فيه دلوقتى |
اقتباس:
انت بتناقد نفسك هو شئ من اتنين اما ميعرفش انهم بايظين ودى مصيبه لأنه لم يتحرى الدقه فى الاختيار واما عارف انهم بايظين وهو مطنش فيكون مشارك لهم فى فسادهم يعنى فى كلتى الحالتين هو مسئول |
كويس ضحكتوني علي حاااااااااال البلد
|
نعم لبقاء مبارك فترة أخرى ..
حتى يظهر من هو قادر على إحداث التغيير واصلاح البلاد مثل الرئيس مبارك فهو احسن رئيس حكم مصر |
دى المره العشرين الف
اللى ارد على نفس المحتوى فى المنتدى ماعلينا المره العشرين الف وواحد علشان الرد مايزعلش لا برادعى ولا مباارك كفايه كده علشان هنروح فى مصيبه النهارده |
اقتباس:
خلاص هرشح نفسى انا:d واوعدكم لما امسك الحكم معنديش غير حاجة واحدة:abdoog8: |
اقتباس:
فليبق الوضع كما هو عليه لحين ظهور مرشح قااااااااااااااااااااادر |
مبارك يا إما جمال
ولا تعليييييييييييق |
حسبي الله ونعم الوكيل قى مبارك وزمرته
ماهو انا عايزة اسأل كام سؤال وياريت اللى عنده رد يبقى يرد * بما اننا هنا فى بوابة الثانوية ايه رايكم كطلبة فى سياسة المنهاج اللى بناخدها وبمنمشي عليها ؟؟ * ايه رايكم فى الحاجات اللى بتحصل كل يوم فى البلد من ظلم وطغيان ؟؟ * ايه رايكم فى سلام وتقبيل مبارك للاعداء ( اليهود والامريكان واعوانهم ) ؟؟ * ايه هيكون ردكم لما تعرفوا ان زوجة مبارك ( سوزان مبارك ) من ام برطانية ديانتها يهودية ؟؟ * ايه رايكم فى موقف مبارك مع غزة او مع القضية الفلسطينية بوجه عام ؟؟ * ايه رايكم فيمن يحارب الاسلام بكل اشكاله ولو ذكرنا امثلة لما انتهينا ؟؟ * اين هذا من حكم الاسلام * لماذا عندما تدافع عن مبارك وانت تعانى من الحياة وتعلم بانه خاطئ وايضا تتمادى فى الغى الا تعلم حديث المصطفى صلى الله عليه وسلم ( المرء يحشر مع من احب ) * * * الى هنا اكتفى بهذا القدر ولو اخذت اكتب فيه لما انتهيت من الكتابة و اريد من من يحب ان يجيب بكلام تفهمه العقول السليمة تقبلو تحيااااااااااتى |
اقتباس:
والوزراء الفاسدين بتوعه .. بس ده احسن ولا يجي واحد ملهوش في السياسة ويمسك مصر ؟؟ فأنا ارشح مبارك مدام مفيش رئيس كويس من المرشحين .. |
اقتباس:
مش حرد عليكي غير بكلمة واحدة هل احنا بنصلح الغلط بغلط اكبر منه ؟؟ |
اللي قابله يا ما كتير وكله رايح
وبكرة بردة هو رايح و يومها كتر م الفضايح البلد دي عايزة ولد |
محدش ينفع هنا غير حسنى مبارك
اى نعم فيه شوية ظلم بس احسن من الحرب مع اسرائيل محدش ينفع غير مبارك |
| جميع الأوقات بتوقيت GMT +2. الساعة الآن 02:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.