الموقع يفتح ملف ال*** في المدارس ليبث بقناة الحياة وجريدة الاهرام

[عبقرينومان]

الطفل إسلام الذي راح ضحية ال*** من المدرس

السلام عليكم

اعزائي السادة

المدرسين
أولياء الأمور
الطلبة
المجتمع

اعتذر عن طريق الحديث في موضوع لماذا ***ت الحلم والذي كان يتكلم عن قضية م*** الطفل اليوم على يد المدرس يالاسكندرية
وتم الاتصال بقناة الحياة التي خصصت اليوم لعمل لقاء مع ولي أمر الطالب الذي *** على يد المدرس

وقررت ادارة القناة عمل حلقة غدا الثلاثاء عن ملف ال*** في المدارس والذي ستأخذ تقرير من موقعنا هنا (موقع الثانوية العامة ) وايضاً سنشر تفاصيل هذا التقرير بجريدة الاهرام غداً

ولهذا ايها السادة الأولياء والسادة المعلمين واخواني الطلبة والطالبات

نفتح الملف وهو عن ال*** في المدرس

وهل يصل ال*** في المدارس بشكله إلى ال*** كما حدث

ولهذا اتمنى ان نرى المشاركة من الجميع من الطلبة وأولياء الأمور والمدرسين والزوار والجميع دون سلبية ولا تدخل وتقرأ فقط وتخرج

ادخل وأقرا وشارك وعلق بجدية عن هذا الملف

وهل طريقة الضرب طريقة سحرية لتفتيح عقل الطالب

وهل الطالب الذي لا يجد تربية صحيحة بالمنزل حلها الضرب

وهل لو هناك طالب سلوكه عدواني او سلوك اجرامي او سلوك فاشل يكون الحل بالضرب

وهل سيادة المدرس انت تتعامل بأي شكل مع الطالب هل تقوم بالضرب فعلا

ولا خلاص الضرب بقي موضة قديمة

السادة الأفاضل يمكنكم اليوم في قناة الحياة في تمام التاسعة مشاهدة قضية م*** الطالب في الحوار مع والد الطالب مباشرة

وغدا ستجدون تفاصيل هذا الملف الذي فتحناه هنا بقناة الحياة في برنامج الحياة اليوم في تمام التاسعة
وبعد غدا بأذن الله سيكون التفصيل عن الملف في جريدة الاهرام

فسامحوني لو اخطأت في طريقة عرض الموضوع السابق الخاص بم*** الطالب ولكن اتمنى النقاش البناء والحيوي من الجميع في هذا الملف

ناقش بوضع الحلول
ناقش وقل ما هي الاسباب التي تؤدي لل***

ناقش وقل هل ال*** وسيلة نظيفة

ناقش وقل هل الوزارة هي التي تأمر بذلك

ناقش وقل

[reda_mafia50]

وشكراااااااااااا جزيلا على الخبر المهم دااااااااااا



انا مش عارف ايه اخرا ال*** ده


شكلنا وحش اوى اوى


دا يبن اننا من الدول الناميه



بس هقول ايه

[wafa2y]

السلام عليكم و رحمة الله
أولا بالنسبه لموضوع الضرب
هو أساسا سبب المشاكل كلها
الطالب بتتربي عنده عقدة الضرب و بيخلي شخصيته مهزوزه
و طبعا لازم يحصل ده لما أمشيه بالعصاية
لازم يكون جبان
و عشان يتأقلم مع الجو ده بيعمل حاجتين
1-يبيسلم للأمر الواقع و يضرب و العقده تزيد حبه في حبة
2-لبيحترم نفسه و بيذاكر و دي نادره
و حاجه كمان الإنسان بطابعه ميحبش حد يرغمه علي حاجه
يعني لو مش هيذاكر مش هيذاكر حتي لو حصله إيه
و لو إضرب بيعاند أكتر و أكتر
فليه منطلعش جيل واثق من نفسه
مش مهزوز
جيل عارف طريقه و عارف هو بيعمل إيه
و أنا شايف إن أسلوب الترغيب و التشجيع تجيب نتيجه عن الضرب

سبحان الله ده فيه في بعض الحالات
العيال بتستني المدرس بعد المدرسة و يضربوه
لو معرفوش بيكسرولوه العربية
ليه يحصل كل ده!!!!!!!!!!!!!!!!!!
أكييد مش هو ده الغاية من التعليم
و جزاكم الله خيرا

[reda_mafia50]

المشاركة الأصلية كتبت بواسطة sai

سبحان الله ده فيه في بعض الحالات
العيال بتستني المدرس بعد المدرسة و يضربوه
لو معرفوش بيكسرولوه العربية

والله يا صحبى شوفت بعينى بس شوفت بيكسروا فى العربيه

[الضوء الشارد]

والله انا شايف ان الضرب ده بقى طريقة قديمة ومتخلفة مش هى اللى بتنجح الطالب . فى اساليب تانية غير الضرب والضرب ممكن يبقى وسيلة لكن مش الضرب المبرح

[الجنتلة]

السلام عليكم اولا انا معاكم ان فى اولا د طبعا مش شاطرين مش محترمين المهم يعنى ممكن نعالجهم بالتشجيع بالتحفيز ولول دة ما نفعش نستدعى اولياء امور نجيبهم ونشوف حل لمشاكل ابنائهم لكن ضرب و يا ريتة ضرب خفيف او احتى ضرب بالعصاية على الايد او او الرجل لا دة انا والة كان عندى فى المدرسة اساتذة يكون المدير او الموجهة مزعلقهم ويجى يطلع غيظة علينا لية يعنى هما الطلبة دى ملهاش اهل تخاف عليهم ولا هما فاكرين الطلبة دى موجودين فى المدرسة للضرب وبس و انا عايز اسال كل مدرس بيعذب قصدى بيضرب التلامذة انت فاكر ان الضرب دة هيجيب نتيجة فاكر ان الطلاب لما يضربو هيبقو شاطرين ومتميزن وهيحبوك ويقولو دة قدوتنا و لول كان عندك ولد تتمنى انة يتعمل فية نص اللى بتعملة فى الطلبة اللى تحت ايدك ولا هما الطلاب مال سايب ووكالة من غير بوبا اى حد متغاظ من اى حاجة يجى يضرب وخلاص و اخيرا عذرا لو كان فية اى كلام خارج عن النص بس واللة دة اللى فى قلبى ومكنتش هاستريح غير لما اقولة وشكرا

[elmesalem]

الأب لاي*** أبنائه يبدو أن هذا الأمر لايتعدى حالة فردية لها ظروفها الخاصة فمهنة بها مليون معلم لا يستبعد شذوذ حالة المعلم هوالذي *** في كل حصة في مهنة الإحتراق المعلم هوالذي ي*** في إستعباده بالدروس الخصوصية المعلم هوالذي ي*** بتفيذ سياسات وأجندات تفرض عليه بتدريس مناهج تفرض عليه المعلم هو الذي تحرر له الكشوف الطبية المعلم هو الذي كثيرا مايهان وراجعوا صفحات الحوادث المعلم هوالذي ي*** وهويتقاضى راتب صبي بيلم أجرة في ميكروباص المعلم هو الذي ي*** ومهنة التعليم يمارسها كل من لامهنة له كم معلم خريج كلية التربية بالوزارة وكم محامي أوطبيب يمارس مهنة الطب غير خريجي الحقوق والطب بل كم وزير كان معلما وعزائنا أنا نمارس مهنة الأنبياء وأجرنا على الله إرحموا المدرس يرحمكم من في السماء يوم 26 اكتوبر 2008 توفي معلم في الفصل عمره 37 سنه بمدرسة البرانية الإبتدائية المشتركة فهل سمع عنه أحد وأية حقوق سيتقاضها ورثته وهو شهيد العمل والواجب مقارنة بمهن أخرى وما يحصلون عليه عند الوفاة أثناء العمل لا للإثارة وليأخذ الموضوع حجمه الطبيعي والمخطئ ينال عقابه وبلاش نصور المدرسين سفاحين وحسبنا الله ونعم الوكيل في قلوا قيمة المدرس المصري

[سيف سالم]

طبعا الضرب ممنوع
علشان يتم الغاء الضرب لابد من وجود وسيلة اخري مفعلة في يد المعلم
طالما لا يوجد سلطة اخري في يد المعلم الضرب سيستمر هو دا القانون البشري

[ميدو المصري11]

الطالب الي يقبل ان مدرس يضربه يستاهل الحرق مش ال*** , لان دا نشأ من ضعف ليه جوة بيته و جوة اسرته و جوة مدرسته نشأ في بيئة اسمها بيئة الخوف , يعني ايه مدرس يجي يضرب و الطالب يقبل دا بمنتهي البساطة , دا لانه ضعيف مش عارف يدافع عن نفسه مش عارف يطالب بحقوقه مش عارف يقول كلمة لا , عاجز انه يقول كدة , و دا يرجع للاسرة الي هو نشأ فيها , المدرس طلع همه و غله طول عمره و الله اعلم المدرس كمان جاي من بيئة عاملة ازاي و راح مطلعها في الولد دا , انا مش بكلم علي الي *** انا بكلم علي القضية من اولها لاخرها . و عاوز اقول حاجة مهمة جدا ان المدرس الي بيضرب مش بيعمل كدة لانه خايف علي مصلحة الطالب لا بيعمل كدة لانه شايف قدامه واحد صغير و خايف و مش متعود يتصرف في مواقف زي دي و ساكت كدة قدامه و مرعوب منه , شعر بالقوة بالتسلط . و عاوز اقول نقطة كمان مهمة جدا جدا , لو الطالب بين للمدرس انه واثق في نفسه و انه وراه ضهر و بيكلم بقوة و بثقة يعني اعلي ما في خيلك اركبه المدرس لا يمكن يقربله . اومال هما بيبطلوا يضربوا بتوع ثانوي ليه

[اية عميش]

السلام عليكم

اولا مشكور على الموضوع

ثانيا انا من رايي ان الضرب بيفسد مش بيصلح لانه اما بيزود العند عند الطفل و اما بيعلمه الجبن و الكذب و النفاق و اكيد بعد كده ممكن يصبح عدواني لان الضرب ده يعتبر اهانة كبيرة جدا لاي شخص و مش الضرب هو اللي ممكن يكون الحل او يكون الدافع للنجاح و لكن يجب اجاد طرق اكثر انسانية و تحضر تساعد على تشجيعه و ترغيبه في النجاح لان الطفل لو بدأ حياته بانه يعمل لانه خايف من الضرب فاكيد هيفشل في باقي الحياة و يصبح اما انسان جبان او انسان عدواني

[stoneKane]

اولا اشكر عبقرينومان على طرحه للملف المهم جداااااااا ده ثانيا الضرب من وجهة نظرى مبقاش يجيب نتيجه ....انا اعرف ناس كتيره من كتر ما هما بيضربوا بقوا بيحبوا الضرب!!! و بقوا يعملوا اى حاجه تخلى المدرسين يتنرفزوا عشان ينضربوا!! و لما ينضربوا الاقيهم بيضحكوا و فى قمة السعاده..زى ما يكون خد وسام او جائزه!!! وفيه طلبة تانيين بيعرفوا عربية المدرس و يكسروها او بمعنى اصح ينيموله العجل ودى اصحابى عملوها فى المدرس بتاعنا قبل كده!!!!! لانه برضو كان بيضرب وكان ضربه فى قمة الغباء...انا مع الضرب فى حالة واحده بس لو هيغير من طالب مشاغب ومش فى دماغه المذاكره الى طالب واعى بمصلحته و بيسعى للتفوق والتميز

[أسيل رزق]

المدرس الفاشل هو المدرس العنيف فى أسلوبه مع الطلبة

وبالتالى إتخدام ال*** مع الطلبة مهما كانت الظروف يدل على فشل المدرس فى مهنته

يعنى اللى يقدر يمسك أعصابه ويحمل ك الصعوبات يطلع عليه " مُعلم "

أما اللى عامل فيها سيد الجزار فا ده أحسنله يروح يبيع حلابسه على ناصية المدرسة

وبما إننا فى مصر يبقا أكيد مفيش تقدم من أى ناحية

علشان كده هيفضل المدرس الفاشل فى نظر المجتمع شىء أصغر من النملة وفى نظر الطلاب وحش مفترس

أنا اللى دفعنى للكلام ده إن فعلاً 90% من المدرسين فى مصر فاااااااااااااشلين فى أداء مهنتهم

وده السبب اللى خلانا نكره المدرسة

قصة حقيقية شفتها وسمعتها بنفسى :

كنا فى قافلة استكشاف تبع جمعية خيرية فى جزيرة الوراق وللأسف الشديد لاحظت إن نسبة الجهل والأمية مرتفعة لدرجة كبيرة ويا ريت الشخص منهم مدخلش مدرسة خالص.. لأ دول مش بيكملوا دراسة مع العلم إن مدارسهم حكومية

لما سألت الأشخاص دول عن مصاريف أولادهم بيقولولى المجموعة الواحدة ب 90 جنيه ( ملاحظة بسيطة الناظر بيقسم مع المدرس مع العلم إن المجموعة فى ابتدائى لا تتعدا ال 15 جنيه ) ومش بنقدر ندفعهم والمدرسين بيضربوا التلاميذ ضرب شديد لدرجة إن فى حالة بنتها قالتلى الأستاذ فضل يضرب واحدة فى الفصل لغاية ما كسرلها دراعها علشان قالتله أهلى مش قادرين يجيبولى فلوس للمجموعة .. و أولياء الأمور لما راحوا إشتكوا المدرسين فضلوا يضربوا فى ولادهم علشان مايشتكوش لاهاليهم تانى

ويا عينى الناس هناك واهمنهم إن المجموعة دى شىء أساسى فى المدرسة

ولما قلتلهم إشتكوا مرة واتنين وتلاتة علشان حق أولادكم فى التعليم مايرحش يقولولى إحنا غلابة ومحدش هيدينا حق و خايفين على عيالنا من إفترا المدرسين

تخيل لما منطقة كلها بالشكل ده .. غيرها وغيرها وغيرها

يبقوا دل مدرسين ولا جزارين

كل مدرس هيتعمل فى ولاده اللى إتعمل فى ولاد الناس

لو عمل بضميره هيلاقى اللى يعامل ولاده بضميره واللى إفترا على حق الناس و ضيع واجبه التعليمى هيحصل فى ولاده اللى عمله فى ولاد الناس

حسبنا الله ونعم الوكيل فى كل مفترى وظالم

[اية عميش]

فعلا اللي اسيل رزق بتقوله ده بيتكرر كتير في بعض المدارس الحكومية و في بعض المدرسين بيضربوا الطلبة علشان مش بيخدوا معاهم مجاميع و عند اختي في المدرسة في عندهم مدرسة دايما تتضرب العيال و تقولهم هسقطقوا علشان مش بتخدوا معايا مجموعة و ان لو حد قال لمامته أو بابه ان هي هتضربوا جامد و هتستقصدوا في الفصل و فعلا ظاهرة الضرب موجودة في بعض المدارس و من رأيي ان المدرسين اللي مش عندهم ضمير هم اللي بيعملوا حاجة زي كده

[the black rose]

السلام عليكم و رحمة الله و بركاته
انا كلامى هيبقى رايى الشخصى
هو اكيد الضرب وسيلة بتستخدم من زمان فى المدارس ولكن مش بال*** ده:abdoog8:
اولا فى مرحلة ابتدائى و اعدادى فيه طلاب من النظرة تحس بالاحراج
و بيذاكروا و دول طبعا مينفعش معاهم الضرب خالص
و طلاب تانية ممكن من الكلمة يسمعوا الكلام
و ناس مبتجيش غير بالضرب بس برده مش بال*** ده مجرد بيبقى شكلى يعنى الطالب بيحس بالاهانة مش اكتر يعنى مش *****
و ده اللى بيحصل فى مدرستنا
اما فى ثانوى دى مفيهاش ضرب ابدا و اللى عايز يتعلم يتعلم و اللى مش عايز يقعد فى بيته
اما بقى اللى بيحصل من *** فده ضد كل القيم و الاخلاق و الدين
ده اسمه ***** مش تعليم
انا مش عارفة يعنى المدرسين اللى بيعملوا كدة معندهمش اولاد ولا حتى ضمير
و كمان يوصل لل*** حسبنا الله و نعم الوكيل
و كمان ده بيسبب للاطفال عقدة و ممكن تقلب معاهم بعند يعنى انتوا مش عملتوا اللى انتوا عايزينه برده مش هعمل اللى فى دماغكوا
اما بالنسبة للحلول قالوا الاول الضرب فى المدارس ممنوع
ولا حد كان بينفذ
يبقى لازم الحل يبقى نابع من المدرس و هو اللى يقدر التعامل مع التلاميذ و الطلبة
اما المدرس اللى وصل لل*** لازم يقع عليه اشد عقوبة

تقبلوا رأيى

دمتم فى امان الله

[stoneKane]

المشاركة الأصلية كتبت بواسطة اية عميش

فعلا اللي اسيل رزق بتقوله ده بيتكرر كتير في بعض المدارس الحكومية و في بعض المدرسين بيضربوا الطلبة علشان مش بيخدوا معاهم مجاميع و عند اختي في المدرسة في عندهم مدرسة دايما تتضرب العيال و تقولهم هسقطقوا علشان مش بتخدوا معايا مجموعة و ان لو حد قال لمامته أو بابه ان هي هتضربوا جامد و هتستقصدوا في الفصل و فعلا ظاهرة الضرب موجودة في بعض المدارس و من رأيي ان المدرسين اللي مش عندهم ضمير هم اللي بيعملوا حاجة زي كده

بس الظاهره دى مبقتش موجوده كتير فى الوقت ده لان كل طالب اهله بيقلوله خد دروس فى كل المواد و ريح نفسك الظاهره دى موجوده فى المحافظات التانيه لكن فى القاهره....معتقدش