لهدا السبب أشار أبو تريكه لجماهير الزمالك بالصمت

[يوسف الشوري]

بالرغم من أن الفنان الخلوق أبو تريكه هو أفضل اللاعبين خلقا وصاحب الاخلاق الارفع بين لاعبي هذا الجيل

الحالي لكرة القدم بل وربما في تاريخ الكرة المصرية الا أن جمهور الزمالك لم يرحمه ووجه اليه السباب بألفاظ نابية عقب تسجيله الهدف الثاني في مباراة القمة التي انتهت بالتعادل الايجابي بهدفين لكل فريق.
الأمر بدأ بمجرد تسجيل أجوجو للهدف الثاني في مرمى الأهلي فإذا بجمهور الزمالك يتوجه لأبو تريكة بالسباب بألفاظ نابية في مشهد لم يصدقه كل من في ملعب المباراة نظراً لكون ابو تريكة أحد أفضل اللاعبين خلقاً بالإضافة لأنه مشهد غير معتاد على الإطلاق.
وجاء رد أبو تريكة سريعاً عندما سجل الهدف الثاني للأهلي فتوجه لجماهير الزمالك وأشار لهم جميعاً بالصمت رداً على السباب الذي تلقاه بدون أدنى ذنب يقترفه وهو المشهد الذي استغربته الجماهير التي شاهدت المباراة أمام شاشات التليفزيون.
الجدير بالذكر أن الفنان الخلوق محمد أبو تريكة هو صاحب أخلاق مميزة بين جميع اللاعبين ويتمتع بحب كل الجماهير حتى أن جماهير الاسماعيلي دائماً ما تهتف له قبل مباريات الأهلي مع الاسماعيلي بالاسماعيلية بالرغم من الهجوم الشرس الذي يتعرض له لاعبو الأهلي في الاسماعيلية.

[Dr.Nobel]

طيب ياريت حضرتك توضح انت كنت في الاستاد وسمعت

ولو حصل عيب علي جماهير الزمالك انها تشتم ابو تريكة ده لاعب محترم جداااا وانا والله بحبه جداااااا

[mostafa1991]

واللة حقة وجماهير الزمالك لية كدة دة لو لاعب من الزمالك اللى اتسب شوف كان حيعمل اية

[mR . mOstafa Fathi]

انما الاعمال بالنيات
هو دا قصدة يعنى
؟
هيفضل التوب فى قلوبنا

فين المصدر
كل الناس شافت الماتش
محدش سمع الشتيمة ليه
مهو مدام مفيش غيرك سمعها يبئا انتا كنت قاعد مع جمهور الزمالك

[!DreAmeR!]

ياريت المصدر انا كنت فى الاستاذ مع ومش كان فى الشتيمة ولا سب ولا اى حاجة خالص احنا كنا بنشجعع الزمالك وبعدين صوتنا مش كان واصل عددنا كان بسيط جدا جدا جدا جدا جدا بسبب المقاطعة . قول المصدر و سمحت

[دموع القمر77]

حتى لو كان فى شتيه كان المفروض انو ميردوش دة لو كل لاعب اتشتم عمل كدة كانت خربت والله المفروض لاعب خلوق زيو ميعملش الموقف دة

[رامى الشاذلى]

على فكره ابو تريكه اتشتم بعد جون اجوجو بس هو بعد المتش على قناة الاهلى قال انه إنه تعرض لضغوط رهيبة (وعلى فكره لما شيكابلا اتشتم رفع الجزمه فى وش الجمهور فكرين)
شكرا على الموضوع

[Dr.mayson]

الفنان الخلوق محمد أبو تريكة هو صاحب أخلاق مميزة بين جميع اللاعبين والله لو هو كده مكنش رد على الجمهور رد استفذ الجميع ومن الصعب مقارنته بشيكابالا لان للاسف احنا كنا حاطين ابو تريكة فى مكانة مطلعتش مكانتوا وطلع زيوا زى اى حد بالعكس تفوق عنو الاسطورة حازم امام فان لم يرتكب مثل تلك التصرفات تجاه جماهير الاهلى ومحدش يقول اصلوا مشتمش جمهور الفريقين بيشتم واظن ان جمال حمزة اخد نصيبوا من جماهير الاهلى من الشتيمة وغيروا ومعملش زى ابو تريكة مفروض ربنا اكرموا وخلاه يسجل هدف دا كان كفيل للرد على الجمهور بس هنقول ايه بقى ويتمتع بحب كل الجماهير كاااااااااان يتمتع تصرف ابو تريكة استفذ مشاعر جماهير الزمالك جميعاااااا

[Dr.ahmed91]

قال يعتذر قال

ده لو حمزة عملها كان زمانه موقوف 4 سنين

[!DreAmeR!]

هههههههههههههههههههههههههههههههه حلوة يا حمد بس انا ماسمعتش شتيمة وانا كنت هناك وبعدين هكدب ودانى

[الضوء الشارد]

أبو تريكة أشرف لاعب كرة قدم مصرية . ماذا تنتظرون منه عندما يسمع شتيمة والدته .. وهو لم يفعل شىء خاطىء بالعكس دى اشارة يفعلها كل نجوم العالم امثال رونالدينيو وكريستيانو رونالدو ولامبارد وفعلها ميدو الموسم الماضى فى الدورى الأنجليزى ولم يعاقب لأنها ليست حركة خارجة ... انما الخطىْ فى أعتذار أبو تريكة لأن مثل هذا الجمهور المتعصب الذى سبه بأمه لايستحق الأعتذار بل يستحق العقاب ..... لكن العته وصل ببعض الزمالكوية المتعصبين (مش الكل طبعا) أن يصنفوا هذا التصرف على انه خارج وهذا هو العته بعينه

[Sir/Mahmoud]

بطلوا تاليف بقي مافيش حاجه حصلت من الكلام ده كله الراجل جاب الجون والجماهير لا شتمت ولا بتاع

هو ده شعب مصر يحبوا يالفوا مواضيع

[withoutname2100]

يا جماعه اتشتم ولا متشتمش..هي الحركه دي مالها كل نجوم العالم بيعملوها..ومعتقدش مفهاش اهانه لحد..وبعدين دا لاعب معروف باخلاقه مش هتيجي حركه عاديه نشكك بيها فاخلاقه..وبعدين جمال حمزه مهو بيرد وباسوا من كداولو شفتم زعق ازاي بعد ما سجل الهدف لما المدير الفني واللعيبه اتلموا عليه ومع ذلك برده ميصحش نحكم عليه بسوء الاخلاق لانهم بيقوا تحت ضغوط رهيبه..والسبب في كدا الجمهور سواء اهلي او زمالك لان بجد فيهم قله متعصبه بتشتم اللعبيه وبيتغط علي اعصابهم اكتر ماهي مضغوط عليها..دا برده اكيد مش عزر قوي بس دول بشر وكل انسان معرض للغلط.....وكفايه مثال زيدان ..اهو لاعب محترم ومسلم بس تحت ضغوط الماتش وسب اهله عمل ايه فالمدافع الايطالي..والفيفا عذرته وادت للاعب الايطالي مخالفه زي زيدان..مع تحياتي ..اهـــــــــــــــــــــــــــــــــلاويه للابد

[الحلـم المستحيل]

انا متوقعش كده من جماهير الزمالك لانهم صفوه المجتمع وبعدين حتى لو ده حصل مكنش يرد