العادات

[DPT-Blue Phoenix]

السلام عليكم و رحمة الله و بركاته:-
بسم الله الرحمن الرحيم:-

"سجن العادة Vs بركة العادة"

الموضوع داى مكمل لموضوع المفهوم الذاتى ..

العادة : هى الفعل المتكرر الحدوث بالنسبة للشخص كان فعل صعب و بحكم التكرار اصبح سهل و بقى بيتم تلقائى بحكم العادة 90% من تصرافتنا و ردود افعالنا تدخل فى نطاق العادة
(طبعا احنا بنتكلم على عادة فردية هنا)

-طيب ازاى احكم اذا كانت العادة الى عندى دى قوية و لا ضعيفة اهم قانون ليها هو :-

1-قوة العادة=الفعل X عدد مرات حدوثه او تكراره

-بمعنى انا لو عندى عادة معينة سواء كانت حلوة او وحشة الى بيتحكم فى قوتها هى عدد مرات تكرارها بمعنى انا عملت الفعل دا كام مرة ؟!

2-الحاجة التانية اذا كانت العادة دى مرتبطة بشهوة جسدية .... بيبقى التخلص منها صعب جدا برده لأن دايما الجسد او النفس هتطلب المزيد ......

--ايه اسباب عادة معينة او جوانبها يعنى :-
1-المعرفة ...... لو فى عادة سيئة او كويسة و انا مش عارف عنها اكيد مش هعملها
2-الرغبة.........هل انا عندى دافع داخلى و حاجة جسدية انى اعمل كدا ؟! و لا عادى هى حاجة انا اتعودت عليها و خلاص
3-المهارة......هو انا بعرف اعمل العادة دى بشكل كويس و لا مش عارف ؟!

-العادات ليها انواع كتير بس انا هنا هتكلم عن نوعين بس :-
1- عادة مفيدة
2-عادة ضارة

#‏أولا:العادة المفيدة .... من خلال ال3 عوامل الى فوق انا هعرف عن العادة دى كتير و هخلى نفسى دائما عندى رغبة انى اعملها و هحسن من طريقة ادائى ليها ازاى ؟!
اعرف ناس كويسة و اقرأ و اطلع و كل ما اشوف حاجة كويسة احاول اعملها و اقلدها و اخد الناس الكويسة قدوة لى و ببدأ من جوايا اتكلم مع نفسى انا بعمل كدا ليه ؟! عشان نفسى عشان اكون احسن و عشان افيد نفسى اولا و بلدى و اقرب من الجنة او اعلى فى درجات الجنة باذن الله و دائما الدعاء.

#‏ثانيا: العادة الضارة....دى بسبب اصدقاء السوء دى اخطر حاجة او المجتمع الى حوليك لأن هما الى بيشكلوا عندك الجانب المعرفى و لو الجانب المعرفى دا مش موجود خلاص يبقى مفيش عادة مش كويسة .... لو هى من رغبة جسدية خاصة فى فترة المراهقة بجاهد نفسى من البداية لأن لو اتكرر الفعل و كمان هى رغبة جسدية بتبقى صعبة جدا جدا جدا التخلص منها يعنى اقطع مرات التكرار و لو هى عادة عندى خلاص بقلل مرات التكرار بالتدريج لحد ما اتخلص منها + محاولش انمى مهارتى فيها ابقى و اقعد مع نفسى و اجمل الحاجة دى ....

الأهم او العلاج: استعين بالدعاء و بربنا دائما و اعمل عقاب لنفسى يعنى انا خلاص هبطل العادة دى و لو رجعت مثلا شوف حاجة انت بتحبها و احرم نفسك منها ان شاء الله حتى تضرب نفسك متخرجش .... عامل نفسك كأنها طفل و مش اى طفل طفل شقى كمان و انت بتحاول تأدبه .... عشان ميرجعش للمعصية ....
اهم حاجة (((((الجانب المعرفى))))) عشان كدا الرسول صلى الله عليه و سلم وصانا اننا نختار الصحبة الصالحة يبقى نبعد عن اصحاب السوؤ و نبعد بقدر الامكان عن الاماكن و الناس الى ممكن تعدينا من عادتها السيئة ....مع الاستعانة دائما بالدعاء و الاستغفار...

و السلام عليكم