|
#1
09-08-2008, 06:08 PM
|
||||
|
||||
زجل .. أحدث طريقة للرجيم
طرق الرجيم وأنجحها على الإطلاق
سألوني ايه احلى طريقة تنزل وزن الواحد فينا قلتلهم أنا عندي طريقة بتخلي الدرفيل سردينة ردوا وقالوا يللا بسرعة قولنا يللا بسرعة اهدينا قلتلهم نبدأ ونقول مش راح اقولك انسى اللحمة انسى الفرخة انسى الفول مش راح اقول اجري كم ساعة والعب ضغط وضهر و بطن اصل اللعب دا صعب عليك حتى ان زدت في وزنك طن احلى طريقة انك تعشق واحدة جميلة تجري وراها وهي تقولك امشي ابعد عن وشي يا نيلة وانت متنح برضه بتجري تاني وراها اصل الحب يا ناس دا نصيبنا مش بادينا ترن عليها وهي تكنسل وتجنن عقلك وتبرجل ترن عليها تاني وتفتح تلقى باباها رد عليك شتمك وف وشك قفل السكة وسابك حاير وف بلكونتك عد نجومك كلم نفسك مامتك تسأل تاكل ايه قول اللي ف نفسك وانت يا عيني سارح شارد جفنك دامع قاعد قلبك شايط قايد صدرك والع فجأة تخس وينزل وزنك عينك تخرج جامد بره وخدودك تندس ف وشك ترفع جامد زي الإبره واما تحن عليك القاسية حالك يتقدم يتحسن افرح ارقص غني انا هتجوز وآكل واسمن ليلة الدخلة تاكل فيها كأنك قايم من عيا قاسي تاكل تشرب حتى هدومك قلت عليها : بعد يومين مش هي مقاسي يعدي الشهر السكر وانت في الأفراح نايم ومبرطع ولا عنتر في زمانه يا سيدي قوم فصص في السمكة وقطع يرن عليكم جرس الباب .. أهلا يا حماتي أهلا بيك .. فين الأمورة؟ .. فينك يا حياتي ؟ تخش معاها اودة وتقفل كده كام ساعة وسجايرك خلصت واتفضت برضه الولاعة تنادي عليهم انا قاعد وحدي يا جماعة باب اودتك يفتح وحماتك تخرج م الساحة تقول لحبيبتك دي وصية هتعيشي مرتاحة وتسلم على البت تبوسها وتقولك فوتكو بالراحة وبسرعة بتروح لمراتك علشان تعرف ايه السر وتقولك قاعد يا خيبتك جنبي وسايب شغلك شهر انزل واشقى وهاتلي فلوس عاوزة أنا لحمة وفرخة وكوسة كام كيلو سكر وزبادي عاوزة كمان اتغدى ف نادي .. عاوزة تجيبلي هدية لمامي كرافته اديها لدادي تنزل تتعب تقعد هيا تمسك سماعة التليفون ايوه يا ماما خليته ينزل اجيبلك ايه يوم عيدك قولي ولا حاجة دي كفاية سلامتك فاكرة العقد الغالي اللولي ايوه يا ماما بس دا غالي كده يا حبيبتي ؟ هيغلى عليا لا يا حبيبتي الدنيا ما تغلى والله عليكي شوفي يا هبلة خليه يشقى يجيبه واعينه واهو في الآخر برضك ليكي يشقى سي عنتر جاب اللولي جاب طلبات ما بتخلص خالص صبح وليل في الشغل يا عيني والسماعة ما تقفل خالص وف يوم قرر عنتر يعمل ثورة كبيرة فيها يعبر عن غلبه وتعبه وشقاه وعن الحال ازاي يتغير دارت بينه وبين الحلوة البطة مناقشة يعلى الصوت بينهم واتقلبت قعدتهم دوشة يرفع عنتر ايده عليها قبل ما يضرب جرس الباب على راسه نازل أصل حماته جاتله زيارة سمعت صوته العالي وقالت ايه يا عينيا عاملي راجل؟ يا أسد هربان .. يا حصان غلبان .. دا انت بتنجان .. ودا شغل جنان والله لربيك .. وهفرج كل الدنيا عليك .. عاوز تضرب بنتي يا واد .. والله يا عنتر م اليوم دا راح تبقى سعاد يللا اخرج من بيتنا بره يللا دي عيشة سودة وعوجة بس دا بيتي .. لا يا عنيا دي الشقة من حق الزوجة يخرج عنتر يرجع تاني لمامته بخيبته بعد حماته ما خربت بيته قست قلب الحلوة حبيبته والكاميرا بتقرب جامد من عنتر جوه البلكونة مامته جبتله حبة شوربه فيها المكرونة بردت شوربة عنتر خالص نزل الوزن يا عالم خالص نجح الهم يخسس عنتر وأكيد ينجح برضك فينا دي طريقة موصوفة يا عالم بتخلى الدرفيل سردينة يللا بسرعة قوموا بسرعة صلوا وادعوا بقلب معايا .. ربنا يهديهم ... يهدينا ربنا يهديهم ... يهدينا بقلم أحمد نجم آخر تعديل بواسطة أحمـدنجـم ، 04-12-2009 الساعة 10:51 PM 
|
|
#2
13-08-2008, 07:41 PM
|
||||
|
||||
يا جماعة عبروني ولو بكلمة (وحشة) متكتبش تاني
|
|
#3
14-08-2008, 11:47 AM
|
||||
|
||||
|
يخربيت اللي شاف القصيده ومردش ياخي
والله العظيم يا ابو حميد انت في الزجل ملكش حل عندك شوية كسور صغيره بس لكن المجمل بجد ملهوش حل استمر ارجوك
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! 
|
|
#4
14-08-2008, 02:17 PM
|
||||
|
||||
|
يااااااااااااااه ربنا يجبر بخاطرك
وبالنسبة لموضوع الكسور دا عندك حق اصل ألفتها في حالة من الغيظ وكتبتها بعبلها وأنا كمان بكت فصحى إن شاء الله هعرض بعض القصائد الفصحى ويارب تعجبكم يارب بس ما ينقصني سوى التشجيع
|
|
#7
14-08-2008, 11:23 PM
|
||||
|
||||
|
شكراً لكل اللي مروا وكل اللي شاركو وكل اللي عاوزين يعملو رجيم
ههههههههههه
|
|
#8
17-08-2008, 03:15 AM
|
||||
|
||||
تعديل الكسر في الوزن
اقتباس:
|
|
#9
17-08-2008, 12:26 PM
|
|||
|
|||
|
لا بجد حلوة
تسلم ايدك يافنان
|
|
#10
17-08-2008, 02:05 PM
|
||||
|
||||
|
تسلمي يا غالية على متابعة الموضوعات ويارب تنال رضاكي
|
|
#11
18-08-2008, 01:45 PM
|
||||
|
||||
|
جميله بجد
ومعبره عن جزء كبير جدا من الحياه ربنا يوفقك للاحسن دائما سلمت يداك
__________________
 يااااااااااااااااااااااااااارب ارحم موتانا وموتي المسلمين يارب ارحمهم وثبتهم عند السؤال
|
|
#12
18-08-2008, 11:33 PM
|
||||
|
||||
|
اقتباس:
|
|
#13
31-08-2008, 12:01 AM
|
||||
|
||||
|
اوعو الطريقة دي تتبعوها في رمضان
كل عام وانتم بخير
|
|
#14
06-09-2008, 09:10 PM
|
||||
|
||||
|
ههههههههههههههه بجد تسلم ايديك
بس ده رجيم رجالي فين الرجيم الحريمي بجد بجد تسلم ايدك وبانتظار المزيد منك
__________________
آه ياعراق الكبرياء ماذا بثوبك من دمـاء..***وا الحمائم ويلهم فبكت دما سحب السماء..ما ذنبهم ءلانهم كانو صغارا ابريـاء 
|
|
#15
15-09-2008, 04:39 PM
|
||||
|
||||
|
اختي الغالية سندريلا العراق تحياتي إليك ولكل أهل العراق الصامدين .. اعلمي ان المرأة تقع تحت أقسى أنواع الرجيم مما لا يتحمله الرجل بالله تلك ليست مبالغه ولكنها الحقيقة التي يجب ان يعترف بها الرجال المرأة تتحمل بالفعل مالا طاقة للرجل على تحمله
أصلح الله نساءنا ونساء المسلمين وكل عام وانتم جميعأً بخير
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:20 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
