ازاى تحرق دم اى بنت

[sunsero2000]

سلام عليكم
يا شباب طبعا الشباب اللى هما احنا غلابه اوى فى الزمن ده وعليهم ضغط كبير من البنات وانت فاهمين والبنات طايحين فى البلد ومش حد بيهمهم الا بعض الشباب الوعاى اللى بيعرف يدايقهم طبعا انا مش منهم بس انا النهارده جايب لكم الطريقه اللى تدايق بيها اى بنت وتحرق دمها



اذا كنت ماشفتهاش من زمان و قابلتها صدفة و بتسألك انت عامل ايه ازى احوالك ؟ ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى؟


2- ولما ترد و تقول خلاص انا اسفة ترد و تقول شىء طبيعى

3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!

4- لو كنت فى عرابيتك و عدى من جنبيك عربية و فيها بنت حلوة افضل باصص لها و متنح و لما تسألك انت بتبصلى كده ليه شد على الرابع و نفضلها.......

5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت حسنى بالظبط.

6- لو ماشى مع بنت جميلة جدا و بتسألك عن رايك فى شكلها قولها هايلة يا حياتى بس لو فيه منك على حريمى!!!!!! (اللى مش فاهم يسالنى)

7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30 بص فى ساعتك و قوللها تمام الساعة بتاعتك مظبوطة!!!!!

8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك.....

9- لو نفسك تمشى مع بنت عندك فى الكليه و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) ..... هتنادى عليك........ - احمد .... ممكن لو سمحت...... - بصلها و اضحك فى و شها و بعدين دير وشك و نفضلها خالص و لا كانك شفتها قبل كده...... طبعا و شها هيبقى احمررررررر لكنها بعد كده هتروح تشتكيك لزميلاتها و تقول عليك انك و لد تنك و ماعندكش دم و لا ذوق.... و فأجاة روح كلمها عادى وقولها كنتى عايزه ايه و لا كأن حاجة حصلت...... هتحتار فيك و تعجب بيك.... و يمكن تحبك.....

10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........ و البياع لسة بيجيبلها الحاجة قوله : ماتخلصنى بقالى ساعة قدامك و بعدين انا جى قبل الانسه ا (طبعا اعمل حسابك ان البقال هيضربك باى حاجة فى ايده)

11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية طبعا اتصرف على الفور و قعدها جنبه و اقعد انت ورا!!!!!!

12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضرت من شوية رجالة كانوا بيعاكسوها و انت عملت فيها احمد عرابى .... امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما رسبت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ...... مش عارف ليه يا حياتى حاسس انك فقر و نحس عليا !!!!!!!!

13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟ قولها: هو انتى مين فيهم!!!!!!!!

14- لو كنت ماشى مع بنت سامرة وكانت لابسة فستان احمر و قاليتلك دلعنى.... قولها : يا فحم مولع..!!!

15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!

16- لو بتسألك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و اسمها ساره

[sunsero2000]

معلشى بقى يا بنات لازم ندافع عن نفسنا عشان نحافط على السلاله

[نداء الحق]

يا بنات العالم اتحدوااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااا

[ZAHIMR]

المشاركة الأصلية كتبت بواسطة نداء الحق

يا بنات العالم اتحدوااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااا

هههههههههههههههههههه


انا كنت هاقول كدة والله

موضوع حلو كتير شكرا

[thechampion]

يا جامد ياتقيل

[sunsero2000]

خليكو معايا يا شبااااااااااااااااااااااااب عشان شكلى هطحن