معا نحو مجمتع افضل

[مشتاقة لرضا الله]

اولا : السلام عليكم ورحمة الله وبركاته
ثانيا : ندخل فى الموضوع

انا يا جماعه شايفه ان فى حاجات كتير فى الشعب المصرى لازم تتغير


معايا ولا معترضين


نكمل ...........

لازم احنا كشباب متعلم يبقى لينا دور فى اصلاح المفاهيم عند الشعب المصرى

طبعا لو الواحد قعد يعدد فى السلبيات اللى احنا فيها مش هيبقى بيحل المشكله


ده كده هيبقى بيعمل مشكله اكبر



طب نعمل ايه؟؟؟؟؟؟؟؟؟؟؟؟؟؟



انا بقترح حاجه مش عارفه ممكن تفيد فعلا ولا لا


انا بقول كل واحد فينا يطرح المشكله اللى شايف ان فعلا ليها تاثير سلبى على مجتمعنا


طبعا ومش يقول المشكله وخلاص



لازم اللى يقول شئ وحش فى الشعب ده يقترح العلاج العملى لهذه المشكله


عشان ما طولش عليكم


انا هبدا بعرض مشكله صغيره واقترح حلها


انا شايفه ان اكتر الناس فى البلد دى بتحب تذل بعضها (مش عارفه ليه)



حد هيقولى ازاى يعنى

اقولكم



يعنى مثلا الموظف اللى قاعد فى مكتبه والناس بتتحايل عليه عشان يخلصلها مصالحها

وهو ولا على باله حاجه

ويقول تعالى بكره

-طب وشغلى

مليش دعوه

-طب ده انا سايبه العيال لوحدهم

وانا مالى

وعلى كده مع كل الناس طب ليه بيحب يعذب الناس



بلاش ده

نشوف كده البياع فى الفرن

ليه بيعطل الناس ويوقفهم لحد ما يدى زمايله العيش وقرايبه وحبايبه


ويسيب الناس لحد ما العيش يخلص ويوقلهم وانا اعملكم ايه


طبعا فى امثله غير كده كتييييير


لكن كفايه كده ونقول الحل بقى



طبعا الحل ان كل انسان فينا لازم يعرف اننا اولا كلنا اخوات فى الاسلام

وطبعا ماحدش يرضى يعمل فى اخوه كده

ثانيا : احنا كلنا مصريين


وكفايه ان العالم كله بيذلنا

بلاش احنا كمان نذل بعض

حراااااااااااااام نعمل فى بعض كده




خلاص انا خلصت الحمد لله



كفايه عليكم كده انا اكيد صدعتكم



واوعى تنسوا لازم تقترحوا الحلول مش المشكلات فقط



مع السلامه

[مشتاقة لرضا الله]

ايه ده يا جماعه
انتو مش لقين مشاكل تناقشوها معايا
ولا مش لاقين حلول
طب اللى مش لاقى حلول ممكن يقول المشكله واحنا كلنا نفكر فى حلها
لازم تقول رايك فى المجتمع
كفايه سلبيه ارجوكم

[كركركوكو]

المشكله ان الشعب جعان ومش لاقي ياكل ده احنا كمان بنحاول نوصل لخط الفقر مش عارفين
والحل تغيير الحكومه

جزاكم الله كل الخير علي الموضوع

[مشتاقة لرضا الله]

شكرا على مرورك يا استاذ كريم بس يظهر ان الموضوع ماعجبش ولا عضو خالص
انا كان نفسى ان احنا نشوف سلبياتنا عشان نقدر نعالجها
بس مفيش حد موافقنى ع الفكره دى

[عاشقـــ الانمى ـــة]

المشكله ان الشعب جعان ومش لاقي ياكل ده احنا كمان بنحاول نوصل لخط الفقر مش عارفين
والحل تغيير الحكومه

الحل إحنا مهما نتغير مش الحكومة بس
وميرسى يا جميل على موضوعك

[مشتاقة لرضا الله]

شكرا يا حنان انك رديتى عشان محدش من الاعضاء عجبه الموضوع
بس ليه ماعرضتيش مشكله و تقترحى حلها ولا كسلتى

[مشتاقة لرضا الله]

يااااااااااااااه

هو المجتمع المصرى خلاص مابقاش عنده ولا مشكله

عموما ياريت ده يحصل

اصلى يمكن انا الوحيده اللى شايفه ان الشعب المصرى عنده سلبيات كتييير لازم تتغير

عموما لايغير الله ما بقوم حتى يغيروا ما بانفسهم

[عاشقـــ الانمى ـــة]

مهو المشلكة إل إحنا هنعرض المكلة وحلها ال مش هيتنفذ

[مشتاقة لرضا الله]

يا حنان فى ناس كتير بتبقى نفسها تصلح وتعمل حاجه بجد بس يفضلوا يقولوا واحنا هنعمل ايه

وايه الحل عشان كده انا فكرت ان احنا نعرض الحلول للمشاكل الكتيره اللى فى مجتمعنا ونحاول نتعير بجد

نفسى نبقى احسن شعب فى العالم فى كل شئ

[TITANIC.788]

انا بجد يا تمر حنة الموضوع شد نى مش مجاملة واللة بس فعلا الشعب فية سالبيات كتيرة وبايدينا نعالجها وهى متوقفة على صاحب المصلحة بس فى حل هو مش ظريف اوى فى خيالى بس ياريت اعرف رأيكم فية000 طبعا كل اب بيحب اولادة و بيسمع كلامهم وتوجيهاتهم الصحيحة ممكن من هنا نبدا نحل المشكلة كل ابن عارف ومتأكد ان باباه مسئول يحاول يغير منة وينصحة بكلام اللة وسنة رسولة واكيد هيسمع لأن دة اقرب صوت لية 00خالص الشكر بجد موضوع شيق وجميل ومثير للاهتمام000

[مشتاقة لرضا الله]

ميرسى جدا ياtitanic.788 على الكلام الجميل ده

والفكره دى حلوه فعلا
الاب اكيد هيسمع من ابنائه لانهم اقرب الناس ليه
ا

[مشتاقة لرضا الله]

انا عندى النهارده مشكلة مضايقنى اوى ولازم اعرضها عليكم

لانها فعلا كارثه

بصوا

احنا عارفين ان فى ابهات وامهات كتير بيروحوا الشغل ويسيبوا الاطفال فى البيت

اما مع جدهم او جدتهم وممكن لوحدهم

مش دى المشكلة

انما المشكلة بقى لما يكونوا مدخلين الوصلة

ولا مركبين الدش كله

دى اكبر كارثة ......... احنا كده بنغتال براءة الاطفال بايدينا

يعنى مش كفايه اللى الشباب بيعملوه بمزاجهم

كمان احنا هنلوث مخ الاطفال بايدينا

ارجو من كل واحد هيشوف الموضوع ده

لو يعرف حد بيسيب اطفاله وهو مش عارف هما بيشوفوا ايه

يا ريت ينبهه ويعرفه ان ده اكبر خطر على نفسية الاطفال

وكل واحد برضه يعاهد نفسه ادام ربنا انه لما يكون مسؤل عن اطفال

لازم يحافظ عليهم

اما الشباب اللى راميين ودانهم للفضائيات فدول بقى ربنا يتولاهم برحمته

احنا بس بنحاول انقاذ ما يمكن انقاذه

وربنا يقدرنا على فعل الخير لينا ولمجتمعنا

[عاشقـــ الانمى ـــة]

عنك حق يا جميل
الناس بتهمل الاطفال بطريقة فظيعة
يقولك دا طفل مش فاهم حاجة
والمشكلة غن الطفل بينشأ على الافعال إل بتعلق فى ذهنه

[طالب الهدى]

بجد موضوع هايل وماثر جدآ لاننا فى حاجه لهاذا التغيير
العالم كله بيتقدم الا مصر والشعوب كلها بتتحضر الا
مصر معا اننا احنا اللى افضل واحنا برضو اللى فينا العيب
طول ما احنا بنقول( يعم كبر دماغك يعنى انا هعمل ايه)
طول ما الحكومه متاخد رحتها.
وانا بجد نفسى فيوم اصحا القى مصر بتعمل شىء
جديد
وده هيكون انشاء الله فى 6030

[مشتاقة لرضا الله]

المشاركة الأصلية كتبت بواسطة timon&bomba

عنك حق يا جميل
الناس بتهمل الاطفال بطريقة فظيعة
يقولك دا طفل مش فاهم حاجة
والمشكلة غن الطفل بينشأ على الافعال إل بتعلق فى ذهنه

عندك حق يا حنان كله بيبقى فاكر ان الطفل مش فاهم حاجه

ودى بتبقى الاسس اللى بيتربى عليها

نفسى المشكله دى يتقضى عليها بجد