هنشنق نفسنا .. لو حبيت تفكر ادخل بردو

[احمد رضا]

الإنسان VS الطبيعه

مازالت الحياة كائن معقد بالنسبة لي .. فدائما ما أفكر في أصل الحياة ? .. كيف وصلنا لهذه المرحلة ? .. كيف حدث التغيير ? .. كيف حدث التقدم ? .. كيف تكونا وتشكلنا ? .. هل نحن من يتشكل فعلا ? .. ام ان الحياة هي التي تتشكل ? .. ام اننا في هذه الحياة بمثابه شخص ومرآه عاكسه .. كلما تشكل .. فتعكس تشكيله ؟ اسئلة كثيرة لم اجد الاجابات الوافيه الكامله التي يقتنع بها عقلي ..

فعندما نظرت الي الحياة وقرأت عن عصور ما قبل التاريخ وبالتحديد العصر الحجري .. فقد كان الانسان هو رد الفعل والحياة هي الفعل .. وذلك بتصنيف الطبيعه الانسانية من أصل الحياة وليس اصل الانسان .. فدفعته الدوافع الأولية الي توجيه مجري الحياة .. فالجوع دفعه للبحث عن طعام والعطش يدفعه للبحث عن مياه .. فكانت ردود افعاله ترضي غايه الطبيعه .. وتستفزه أكثر .. وتجعله يبحث وينقب .. ولكن دون اي خلل في التوازن البيئي .. فكما ان للانسان حق البقاء .. فاللحيوان حق البقاء ايضا .. فكانت القاعده الأولي البقاء للأقوي – في نطاق التوازن البيئي - .. فاخترع الانسان السلاح حبا ً في البقاء .. وبدات الحرب وبدأ الانتخاب .. وقرعت اجراس التغيير علي كل منهما .. واصبحنا في القرن الواحد والعشرين وانقلبت الموازين .. واصبحت البيئه هي مجرد ردود افعال للانسان .. فأصبح الانسان هو الفعل .. والطبيعه رد الفعل .. ولكن نسي الانسان ان الطبيعه الكهله اصبحت خبيرة في شئون الحرب والقتال .. فلا يوجد ديناصورا او حيوانات عملاقة يمكن ان تحارب هذا الانسان .. لا بل اصبحت خبيرة علي قدر ما اصبحنا نحن خبراء .. تقدمنا علميا .. صنعنا الفريونات .. فأدت الي ثقب جزء في هذا المحيط الحيوي .. فكان علي الطبيعه الكهله رد الصاع صاعين فأصبحنا مهددين بالاحتباس الحراري و مهددين بذوبان الجليد في اي وقت وبحكمه هذه الطبيعه العريقة فأعطتنا الحبل لنشنق به انفسنا .. وتردد " تقدم ياصغيري .. فقد اقترب مصيرك الأخير .. اقترب وقت هلاكك ايها المسكين " .. ونحن بكل غباء نمسك الحبل ونسحب بقوة .. الكثير يدرك هذه الحقيقه ولكن لا يعمل من اجلها .. فعلي الآنسان ان يترك هذا الحبل الآن .. ان يحاول تضميد جراح الطبيعه .. ان يحاول توطيد علاقته مع الطبيعه من جديد .. حتي تعود مسخرة له وليست عدوة .. وهذا ليس التماس من الانسان .. بل قُدر علي الإنسان جبرا ان يفعل ذلك قبل فوات الآوان ..

ملحوظة : ظهر رأيا علميا جديدا بشأن الاحتباس الحراري ويقول ان الاحتباس الحراري ليس له علاقه بالانسان بل انه من صنع الطبيعه.. فالطبيعه تمر بقرون بروده وقرون حرارة كما حدث في أروبا في القرن 17 و 18 .. ولكن علي كل حال فعلي الإنسان ان يصلح علاقته بالطبيعه لان الطبيعه ليس سهله والحياة مازالت معقده .. ومهما وصل الانسان من قوة .. فهي اقوي بكل الاشكال .

بقلم /أحمد رضا

[احمد رضا]

واحد راح يشتري مخ من بياع المخاخ سأل علي الامريكاني لقاه بعشرين جنيه فقال اكيد المصري ارخص
لقاه اغلي بتلتميت جنيه
عشان لسه بشوكو
مشتغلش
:D
هههههههه الغريب اني كل ما اقول لو حبيت تفكر الاقي اتنين او تلاته بس اللي دخلوا
بس اكيد صدفه

اه صدفه

هي صدفه

[الاهلاوى 2007]

سوف اروق لك واوريك الردود ازاى

[MohammeD el_SadaT]

الإنسان
إحنا بنعيش حياتنا على إنها فلم فى سينما بنقوم فيه بدور المتفرج مع العلم إن الفيلم ده بيعرض حياتك اللى إنت المفروض تكون فيها البطل
لكن للأسف غالباً بنكتفى بدور المتفرج الصامت

المشكله بقه
إننا لما بنحالو نتكلم بنبقى زى اللى زعق وهلل فى سينما لا منه سمع الفيلم ولا منه
عدل حاجه بالعكس بوظ الفيلم

إحنا البشر بنحاول نسيطر ولا بنقدر نتمكن شويه بنبقى عاملين
زى الهبله اللى مسكوها طبله

الإنسان ده كائن ضعيف جداااً بيتظاهر بالقوه أمام الطبيعه اللى هى مستمتعه جداااً بالعرض الهزيل الذى يقوم به الإنسان ومن حين لحين بتصفعه على وجهه حتى لا ينسى نفسه


جزاك الله خيراً
على الموضوع الجميل ده يا أبو حميد

[احمد رضا]

المشاركة الأصلية كتبت بواسطة الاهلاوى 2007

سوف اروق لك واوريك الردود ازاى

وانت هتتخانق معايا ياباشا ولا ايه
هههههههههه
ياسيدي ماشي منتظرك
مع ان في المواضيع دي
كذا واحد قالي راجعلك تاني
ولسه في مشوار لحد هذه اللحظة
:D

[احمد رضا]

المشاركة الأصلية كتبت بواسطة MohammeD el_SadaT

الإنسان

إحنا بنعيش حياتنا على إنها فلم فى سينما بنقوم فيه بدور المتفرج مع العلم إن الفيلم ده بيعرض حياتك اللى إنت المفروض تكون فيها البطل
لكن للأسف غالباً بنكتفى بدور المتفرج الصامت

المشكله بقه
إننا لما بنحالو نتكلم بنبقى زى اللى زعق وهلل فى سينما لا منه سمع الفيلم ولا منه
عدل حاجه بالعكس بوظ الفيلم

إحنا البشر بنحاول نسيطر ولا بنقدر نتمكن شويه بنبقى عاملين
زى الهبله اللى مسكوها طبله

الإنسان ده كائن ضعيف جداااً بيتظاهر بالقوه أمام الطبيعه اللى هى مستمتعه جداااً بالعرض الهزيل الذى يقوم به الإنسان ومن حين لحين بتصفعه على وجهه حتى لا ينسى نفسه

جزاك الله خيراً

على الموضوع الجميل ده يا أبو حميد

ربنا يخليك ياسادات
فيك الخير والله يابني
من الناس اللي بستني مناقشتها
رغم اني في كل المرات ردك مبيبقاش مفهوم
او بيكون مفهوم بس مش في الموضوع
بس بالرغم من كل ده
بيبقي رد صح
وحقيقه مقرره
جزاك الله كل خير يامحمد باشا

[عاشقـــ الانمى ـــة]

هل نحن من يتشكل فعلا ? .. ام ان الحياة هي التي تتشكل ?

شكرا على الموضوع

[احمد رضا]

المشاركة الأصلية كتبت بواسطة timon&bomba

شكرا على الموضوع

جزاك الله كل الخير ياحنان
ويارب تكوني استفدتي اي حاجة في اي حاجة
اوكي

[emoo]

يبنى معروفه ان الطبيعه سلاح ذو حدين
ربنا خالقنا بقدرات معينه
و خالق الطبيعه بشكل معين بحيث نستغلها
لو حاولنا نخرج عن حدود امكانيتنا
و نستغل الطبيعه بطريقه اخرى
العاقبه هتكون وخيمه فعلا
ده ميمنعش ان احنا نحاول نتقدم بشكل او باخر
بس لازم نكون عارفين رد فعل الطبيعه على اى خطوه هنقوم بيها
و ياترى هنقدر نتعامل معاه او لا
شكرا يا باشا على الموضوع اللذيذ ده

[net_devil_2008]

؟؟؟؟؟؟؟؟؟؟؟؟؟؟؟؟

[المجاهد فى سبيل الله]

السلام عليكم ورحمة الله وبركاته
ولله يا احمد ما عندى وقت انى اقرا مواضيعك علما انها ممتعه جدا
ولله لو عندى وقت ما كنت فوت موضوع واحد لك
بس اعذرنى

مازالت الحياة كائن معقد بالنسبة لي .. فدائما ما أفكر في أصل الحياة ? .. كيف وصلنا لهذه المرحلة ? .. كيف حدث التغيير ? .. كيف حدث التقدم ? .. كيف تكونا وتشكلنا ? .. هل نحن من يتشكل فعلا ? .. ام ان الحياة هي التي تتشكل ? .. ام اننا في هذه الحياة بمثابه شخص ومرآه عاكسه .. كلما تشكل .. فتعكس تشكيله ؟ اسئلة كثيرة لم اجد الاجابات الوافيه الكامله التي يقتنع بها عقلي
بالنسبه للاسئله دى بصدق كانك تتحدث عن عقلى انا ايضا
الاسئله دى كانت شغلانى بنسبه كبيره جدا
الى ان درسنا اطوار الانسان
وبحثت فى الموضوع ده كتير
الى ان ارتاح قلبى واستكن عقلى على راى
وهو شبيه براى الاخ احمد رضا
جزاك الله كل خير اخى