عروسة لصديقى [ 4 ] زجل

[عادل حسان سليمان]

عروسة لصديقى [ 4 ]
****************
الحقنى بسرعة ...تعبت ياما على ما لقيتها
كلمة قالها لى صاحبى وياما منه استنيتها
شفتها وشفت جمالها ...وبسرعة حبيتها
يلا قوام علشان تحضر معايا .......خطوبتها
أنا وهى ...............وراح أحقق لها أمنيتها
عندها ثلاثين سنة ...زى ما قالت جارتها
************
روحت معاه وفى نفس اليوم .......لبيتها
وقابلنا الوالد وقال لازم يستشير عيلتها
الأعمام والأخوال والرجال وكل معرفتها
وقابلنا بعد أيام .........وبجدية فى الكلام
قال أنه مش عايز لبنته ......الا فرحتها
قال الكل موافق لكن لازم تتم دراستها
***************
الخطوبة بعد خمس سنين وهى تحددها
بالموافقة بس لازم تكون خلصت دراستها
صاحبى بص لأبوها ........وبص لصورتها
وقال موافق وياريت يا عمى تديها هديتها
وضرب أبوها ضربة جامدة لأسنانه طيرتها
وقال خليها جانبك علشان تفرح بشهادتها
***************