منشور الاضراب العام لاول ايام الدراسة

[yourfreeman2006]

الاخوة الزملاء الاعزاء
ايمانا منا بقيمة المعلم بالنهوض بالمجتمع وملاحظة منا بالظلم الواقع على معلمي مصر الشرفاء
فقد قررنا ان نثور من اجل رفعتنا وكرامتنا المهدره
ونعلن اضراب عام عن التدريس اول ايام الدراسة بالعام الدراسي الجديد وذلك لتصحيح الاوضاع المختلفة وارجاع الحقوق المسلوبة للمعلم المصري
فنرجو من السادة الزملاء الاتي
حفظ صورة المنشور التالي وطباعته ونسخه عده نسخ وتوزيعها على المدرسين فى مدرستك ( فغالبيه المعلمين لا يعرفون استخدام النت )
اذا كان لديك مدارس قريبه من محيطك السكني فتعرف على احد المدرسين بكل مدرسة ووزع اليه المنشور ووجه الى اعاده نسخه وتوزيعه على المعلمين بمدرسته ولو ليك زملاء بمحافظات اخري ابعت لهم صورة المنشور بالايميل او ايدلهم نسخه مطبوعة جاهزة
الالتزام بالاضراب العام اول ايام الدراسة لاول يوم وان لم ياتي بنتيجة يستمر الاضراب ليومين او ثلاثة
فائدة الاضراب العام
يعتمد اغلبيه الاسر على المدرسة فى توفير مكان لابنائهم فى فترة الصباح حيث يهرع الوالدين للعمل ويتركون ابنائهم بالمدرسة
وعند عمل اضراب واغلاق المدارس ستحدث رده فعل من الاباء تحرك الحكومة الساكنة للالتفات الى مطالب المعلمين
واليكم صورة المنشور
This image has been resized. Click this bar to view the full image. The original image is sized 1446x1013.
ودة رابط للصورة للى مش هتظهر عنده صورة المنشور
http://i.imgur.com/2XpTf.jpg
انا مشارك فى الاضراب وانت ؟؟؟

[yourfreeman2006]

ان تنصروا الله ينصركم يا رجال

[teacher_2]

المنشور ده مين اللى متبناه ؟
ولا كلام وخلاص؟

[ابوالوفا السوهاجى]

بلاش طمع
بتاخد كادر 125%
بتاخد مكافاة 85%
بتاخد حوافز 25%
وبتدى ردوس وقاعد فى الصيف فى بيتك

احمدو ربنا على النعمة ولا ربنا يزولها منكم

موظف بالصحة

[yourfreeman2006]

المشاركة الأصلية كتبت بواسطة ابوالوفا السوهاجى

بلاش طمع
بتاخد كادر 125%
بتاخد مكافاة 85%
بتاخد حوافز 25%
وبتدى ردوس وقاعد فى الصيف فى بيتك

احمدو ربنا على النعمة ولا ربنا يزولها منكم

موظف بالصحة

قد يكون كلامك مظبوط ولكن هل حسبت تلك النسب اخي الفاضل
المعلم مرتبه 505 جنية بكل الكلام الى انت بتتلكم عليه ده والمعلم المساعد 355 جنية ملوش اى حاجة فى الى انت بتقول عليها دة لا 125% ولا 0%
اما عن موضوع الدروس
فهل الاخصائي الاجتماعي بيدي دروس ؟
هل الادارى بيدي دروس ؟
هل الاخصائي المكتبات بيدي دروس ؟
بلاش ظلم للعباد
الى بتتكلم عنهم دول فئه من المعلمين الى باعوا ضمائرهم وبرده الى دفعهم للدروس الحاجة للمال
ازاى تديني 355 جنية مرتب وعاوزني مديش دروس طب اكل اولادي ازاى يا بتاع الصحة جاوبني بس

[yourfreeman2006]

المشاركة الأصلية كتبت بواسطة teacher_2

المنشور ده مين اللى متبناه ؟
ولا كلام وخلاص؟

يا اخي هى مطالب كل المعلمين المطحونين لا يتباناها حزب ما لن نقول الاخوان حتى لاترفضوها
ولكن هى مطالب حرة للمعلمين المظلومون فهل انت معنا ام رضيت بالخنوع

[مروة سامي]

1. اللي مش عارف بيقول عدس وأنا ان شاء الله سوف أقوم بتصوير المنشور وسوف يتم توزيعة على العاملين بالمدرسة بالكامل

[yourfreeman2006]

المشاركة الأصلية كتبت بواسطة مروة سامي

1. اللي مش عارف بيقول عدس وأنا ان شاء الله سوف أقوم بتصوير المنشور وسوف يتم توزيعة على العاملين بالمدرسة بالكامل

بارك الله فيكي
وهذه هى الروح المجاهده ضد الفساد والظلم
واعلمي ان التاريخ سيذكر اسمك من المناضلين الذين ضحوا بوقتهم ومجهودهم فى سبيل رفعه شان زملائهم المقهورين
بات الاضراب الان بعد ما سمعناه عن مهزله زيادة الاجور للمعلمين - بات الاضراب واجبا لنيل الكرامة وحقوقنا المسلوبة
شكرا يا مروة

[yourfreeman2006]

برجاء يا جماعة نسخ المنشور وتوزيعه على زملائكم فى المدرسة

[مريم عبد العال]

المشاركة الأصلية كتبت بواسطة ابوالوفا السوهاجى

بلاش طمع
بتاخد كادر 125%
بتاخد مكافاة 85%
بتاخد حوافز 25%
وبتدى ردوس وقاعد فى الصيف فى بيتك

احمدو ربنا على النعمة ولا ربنا يزولها منكم

موظف بالصحة

فعلا قال تعالى "واذا خاطبهم الجاهلون قالوا سلاما"
اخى الفاضل الموضوع رائع وعلى فكرة كنت اتحدث معى زوجى عن المنشور على الفطار وكنا فعلا سنطبعة ونفعل ذلك لانة هو ايضا مدرس بس حضرتك سبقت في دعوتة الزملاء فجزاك الله خيرا واتمنى ان نمضى ايضا في موضوع القضية لان الموضوع لم يصبح الحد الادنى فقط الموضوع اصبح الاستهانة بكرامة المعلم وهم يعلمون انه سوف يرضى بالفتات واخيرا جعلوا البلهاء تتحدث عنا وجعلوا لهم كرامة عن من كاد ان يكون رسولا

[mattya]

المشاركة الأصلية كتبت بواسطة yourfreeman2006

قد يكون كلامك مظبوط ولكن هل حسبت تلك النسب اخي الفاضل
المعلم مرتبه 505 جنية بكل الكلام الى انت بتتلكم عليه ده والمعلم المساعد 355 جنية ملوش اى حاجة فى الى انت بتقول عليها دة لا 125% ولا 0%
اما عن موضوع الدروس
فهل الاخصائي الاجتماعي بيدي دروس ؟
هل الادارى بيدي دروس ؟
هل الاخصائي المكتبات بيدي دروس ؟
بلاش ظلم للعباد
الى بتتكلم عنهم دول فئه من المعلمين الى باعوا ضمائرهم وبرده الى دفعهم للدروس الحاجة للمال
ازاى تديني 355 جنية مرتب وعاوزني مديش دروس طب اكل اولادي ازاى يا بتاع الصحة جاوبني بس

المعلم المساعد دة بعد القرار الاخير هو احسن واحد فى الليلة دى
50 بدل معلم ( بدون امتحان كادر )
25 حوافز
75 بالقرار الاخير
المجموع 150 والمكافاة بتعته زى ماهى
وكما له الحق فى كل الاجازات السنوية وخلافة
اصبروا حتى ياتى الفرج
ان مع العسر يسر

[محمود ابو سويلم]

جزاك الله خيرا وان شاء الله انا معاك وياريت نفوق شوية وهصور المنشور وهنشروا انشاء الله

[mollto]

مع كامل احترامى للمنشور بس انا معترض ع التوقيت لسه هنستنا للعام الدراسى الجديد لازم الشغل يبدأ من دلوقتى يعنى عدد المعلمين مليون ونص لو خرج منهم 30 الف بس واضربوا امام باب رئاسة الوزراء او الوزارة ده هيقلب الدنيا ويرجعلنا المسلوب المشكله ان المعلمين ليس لديهم قدوه او من يرشدهم النقابه العامه متورطه ف الفساد فلنتدافع عنا والمستقله غير مسموعة الصوت نحتاج الى تنظيم اولا ارجو وضع تصورات للتنظيم اولا

[mos3d]

معكم حتى الحصول على حقوقنا
و ياريت اللى يوافق يكون فعلا حيشارك فى الإضراب
مش عايزين كلام فى المنتدى و عند الجد و لا حاجة
و ياريت الجدع بتاع الصحة ده يتلم و يحترم نفسه
و يخليه فى حاله لأنه أصلا مش محترم

[ليث مصر]

فكرة طبع المنشور وتوزيعه فكرة رائعة
وأنا عن نفسى سأفعل حتى أكون ايجابى ولو أمام نفسى
ودعكم من المثبطين الذين رضوا بالخنوع بل وأدمنوه
ويجب أن يسمع الجميع صوت المعلمين