دعوة للقضاء على الدروس الخصوصية

[محمدشومان]

بعد ثورة 25 يناير المفروض كل واحد فينا يبدأ يغير من نفسه الاول

المفروض على كل مدرس بيدى درس يفكر مرة ومليون مرة

المفروض على كل اب او ام او ولى أمر يفكر شويه ويغير من الواقع

واحد ها يسأل يغير من الواقع

الاجابة نعم

مش كان الوضع قبل 25 يناير واقع بس الثورة غيرت الواقع

ياشباب مصر مفيش مستحيل

كلنا اتعلمنا بدون دروس خصوصية

مين المستفيد من الدروس الخصوصية غير المدرس اللى بيدى الدرس

وصل ايراد بعض المدرسين فى المدن الكبرى مبالغ مبالغ فيها

ليه مش عارف

الدروس فى الثانوى اصبحت مدارس وفصول فى العيادات الخارجية

المجموعة الواحدة تتعدى 60 طالب وتعددت المذكرات

والمستوى واحد قبل الدرس وبعد الدرس

النظام السابق سامحه الله

جعل اتاوات على الدروس الخصوصية وكان بايده يمنعها من الاصل

انا بدأت بنفسى ومنعت اولادى من اول السنة من الدروس الخصوصية

بس بأمانة الا الانجليزى ولأحاول اذاكر لهم اللى مش فهمينه

ابدأ بنفسل لنعيد للمعلم هيبته وكرامته

ابدأ بنفسك لانك ستحاسب أمام الله يوم الحساب


فيه ناس مش لقيه قوت اليوم ولكن الا الدروس بتاعة الاولاد


دى دعوة لاعضاء المنتدى

ايدى فى ايدك نبنى مدارس مصر

[Fawzy Mhamd2]

نعم لتجريم الدروس مع رفع رواتب المعلمين لكي يستعيد المعلم كرامتة ومكانتة الاجتماعية

[مصرى الى الابد]

كلنا مع الغاء الدروس الخصوصية

[المتـ القلم ـميز]

ماشي بس بعد رفع المرتبات

[فوزى أبو المجد]

أنا معاك والله
بس المرتب هيكفى للمعيشة

[emtech]

نمنع الدروس ونتسول من اجل اطعام اولادنا ونجد من لا شغل له داخل الوزارة والاعمال الاخرى ياخذ الا ضعاف كفى احلام بدون تعديل المرتبات ورفع الظلم لن يتحقق شىء وتذكر ان الثورة قامت من اجعل العدالة الاجتماعية وليس من اجل استمرار تفاوت الدخل

[الأستاذ محمد عامر]

لابد من تجريم الدروس الخصوصية

[ابوابراهيم323]

المشاركة الأصلية كتبت بواسطة emtech

نمنع الدروس ونتسول من اجل اطعام اولادنا ونجد من لا شغل له داخل الوزارة والاعمال الاخرى ياخذ الا ضعاف كفى احلام بدون تعديل المرتبات ورفع الظلم لن يتحقق شىء وتذكر ان الثورة قامت من اجعل العدالة الاجتماعية وليس من اجل استمرار تفاوت الدخل

الاخ الكريم الفاضل
حضرتك ليه مش بتنظر لمدرس المجالات ( مجال صناعى - زراعى - اقتصاد - تربية رياضية - تربية فنية - تربية موسيقية )
الا يستحق هؤلاء عدالة اجتماعية
اعتقد انهم لا يتسولون من اجل اطعام اولادهم
ولكنها البركه فى الرزق
اشاهد امام عينى كم دعاء اولياء الامور على مدرس الدروس الخصوصية بعدم البركه فى هذة الاموال
لابد من وقفه من النفس
لابد من تصحيح الاجور لابد من تجريم الدروس الخصوصية حتى تعود كرامه المعلم

[سلمى خالد]

لا للدروس الخصوصية حتى تعود كرامة المعلم وهيبته ولكن يجب تحسين اوضاع المعلم المالية

[spidermane23]

يااستاذ لازم منعممش الموضوع
مش كل معلم بيدي دروس بيقي مستغل
في مدرسين بشتغلوا بضمير داخل الفصل و مع ذلك بيطلب الطالب درس
لكن المدرس اللي بيبقي عايز يدي درس بالعافية هو ده المستغل

و طبعا مستحيل القضاء علي الدروس الخصوصية الا بعد رفع مرتب المعلم
يعني نفكر شوية بالعقل مين اللي هيفتح بيت ب 300 جنيه ؟

[ashrafesmail]

ممكن اسأل سؤال مهم
ايه الفرق بين معلم يعمل داخل الفصل بما يرضي الله - والله مطلع عليه-
ثم يطلب منه اعطاء لوزيد من التفوق وبين طبيب يعمل في مستشفي في الصباح ثم ياتي في المساء ليعالج المرضي في عيادة خاصة متي تكون الدروس جريمة ولا يبارك الله في هذا الرزق؟
1- اجبار الطالب علي درس
2-عدم الشرح داخل الفصل ليكون اجبار غير مباشر


للعلم ان اعطي دروس من خارج مدرستي اصلا طلاب في مدارس اخري يطلبون خبرتي في الشرح فلا يوجد هنا اجبار
علي فكرة ايه الفرق بيت الدروس الخصوصية ومجموعات المدرسة
ماالفرق بين الدروس الخصوصيةوبين المدارس الخاصة كلاهما تعليم بأجر

[محمدشومان]

طبعا بعد رفع الحد الادنى للاجور

ورفع مستوى المعيشة

وحياه كريمة للمعلم


وتوفير كل ما تحتاجه العملية التعليمية

وياريت نقول ما هو المبلغ الذى يحتاجه المعلم لكى يقلع عن الدروس الخصوصية

لكى تكون حياته كريمة

انا اعتقد لو الحد الادنى 1200 جنيه مع وضع فى الاعتبار على الاقل 50 جنيها عن كل سنة خبرة

لتحقيق مبدأ تكافؤ الفرص وتطبيق الاقدمية

أعتقد سيكون مرضى للجميع

بمعن لو عندك خبرة 10 سنوات خدمة فى التربية والتعليم

تحتسب كالآتى :-

1200 + (10* 50) = 1200 + 500= 1700 جنيه

اعتقد الفارق عن النهاردة 1100 جنيه

[atia130]

لا للدروس الخصوصة
لذا يجب
يجب أن تكون العلاقة بين المدرس والطلاب لا تدخل فيها الماديات
زمان كنا نري المدرس يمر من الشارع نذهب من شارع آخر وكانوا من الأغنياء وكانوا لا يعطو دروس وكانوا يشتري أراضي من مرتبهم لذا كنا نراهم نحن الطلاب وكان المدرس والإداري لا يلبسون سوي البدلة الكاملة سواء شتوي أو صيفي هذا في الستينات وبداية السبعينات فالمدرس هو القدوة للطلاب وهم يقلدونهم ويتعلمون منهم كل شئ
لذا
المفروض أن يكون أعلي مرتب في الدولة لماذا ؟ لآنه يخرج الطبيب والمهندس والضابط و........ويعلم أبناهم ويتواجدون معه طوال الأسبوع لكي يخرج شباب علي مستوي عالي في كل شئ وينشأ جيل تتقدم به البلاد
المفروض يتم صرف بدلتي كاملة صيفا وشتاء سنويا للمدرسين والإداريين ولا يسمح لهم دخول المدرسة الإ بالبدلة الكاملة
تخفيف الإمتحانات وأن تكون مباشرة بنسبة عالية وأن يعتمد الطلاب علي القراءة والبحث وتقليل كثافة الفصل حتي لا يكون هناك سببا للغش فرسوب الطلاب بعد ذلك يعتبر تقصير

[teacher120]

للاسف الحكومه خلت المدرس شحات و خلت مكانته فى الارض
المفروض مرتب عادل للمدرس وبعدها يتم تجريم الدروووووووووووس فورا
لازم نشوف المدرس بيدى درس ليه والطالب بيلجأ للدرس ليه؟
مع الاخذ فى الاعتبار بتطوير التعليم وحذف الحشو من الكتب وتطوير الكتاب المدرسى ذاته ليكون مرجع للطالب مشتملا على كل ما يخص الماده وعلى جانب تمارين يحلها الطالب كما يوجد فى الكتب الخارجيه
وان يعتمد المنهج على الكيف وليس الكم بمعنى مثلا فى الانجلش كفايه 6 وحدات فى التيرم الواحد لكن يتقنهم الطالب تحدثا واستماعا وكتابه اتقانا تاما اما ان تعطى الطال 12 وحده والمحصله لا شىء على الاطلاق

[إلهام صلاح لاشين]

بصراحة مش كل اللى بيدوا دروس وحشين بس الغالبية فظاع يعنى هم السبب فى تهميش دور معلم الفصل والمدرسة

مع إن ساعات ممكن يكون مدرس الفصل أكفأ وبعدين بينشروا فى الطلبة أفكار هدامة ولايعنيهم سوى المال وقلة قليلة

من يهتمون بالجرعة الدينية لنشر الوازع الدينى المهم الفلوس تتدفع وخلاص مما قضى على أخلاقيات المهنة كسر حاجز


الاحترام بين الطالب والمدرس وللأسف فأولياء الأمور يوصون دايما عيالهم بالدروس ومش مهم المدرسة وأنا أعتقد إن مدرسى

الدروس هم المعارضين لإصلاح التعليم لأنهم إول ناس هيتضروا وطبعا كلامى مش على كل المدرسين وإنما أخص الجانب

السىء منهم