بتوع التحرير قاعدين ليه

[رضاالوادي]

حد يقولي بتوع التحيري قاعدين ليه
قال ايه مستنين لما مطالبهم تتحقق
مش كانوا بيقولوا مش هنمشي الأ لما يمشي اهو مشي
ليه مش هتمشوا




*
*
*
8






التعديل
لنترك الوقت للقوات المسلحة لتقوم بمهامها من حفاظ علي كيان الدولة الداخلي وحماية الحدود الخارجية والله هو الموفق

[aleman]

اضع صوتى لصوتككككككككككك
قاعدين ليه ما تقوموا تروحواااااااا

[الأسطورة1]

بيقول هيفضلوا قاعدين لحد متتشكل حكومة ديمقراطية مدنية جديدة تقوم بالتعديلات الدستورية وحل مجلسي الشعب والشورى وغيرها من المطالب الشرعية

[MISS.DINA]

ياجماعة اللى قاعدين هناك لغاية دلوقتى مش هيمشو لان قاعدين لسبب واحد بس انهم يخربو بلدنا ويوصلوها لطريق مسدود دول ناس عايشة حياتهم وتفتكرو لو شكلو حكومة مدنية هيمشو لا طبعا هيقولو الحكومة فاسدة وهنفضل فى دايرة مغلقة ياريت الجيش يتخذ معاهم موقف يخلصنا منهم ان شاءالله حتى ينسف ميدان التحرير بيهم عشان البلد تفوق بقى

[أم هيما]

مش عارفه استنى حد تانى يجاوب

[محفظ بالأزهر]

بيطالبوا بخروج المعتقلين سياسيا و إلغاء المحاكم العسكرية

[رضاالوادي]

انا هاجوب علي نفس
قاعدين لانهم مش عارفين هم عايزين ايه ومكانوش متخيلين اللي حصل ده يحصل

[دراو الجديدة]

لالالالالالالالالالالالا عارفين قاعدين ليه لانهم مستفزين ولغاية دلوقتى مش قادرين على استفزاز الجيش مستنين لما يستفزوا وينقلب الجيش ويكملوا مخططهم ونبقى دولة محتلة فى الحالة دى هما يمشوا

[ashrafe2003]

خاييفين يروحوا

[shima'a]

مستنيين اما يخربوها اكتر من كده
بس و بعدين هيمشوا على طول
ربنا يستر على البلد دى

[الأستاذ محمد عامر]

يا با شا حد بيروح من بيته !!!!!!!!!! دول اشتروا ميدان التحرير

[ayman3body]

أنا بستغرب والله على الكلام الذي يقوله أزناب النظام الفاسد
عجبي

[mmagdy_81]

المشاركة الأصلية كتبت بواسطة رضاالوادي

انا هاجوب علي نفس
قاعدين لانهم مش عارفين هم عايزين ايه ومكانوش متخيلين اللي حصل ده يحصل

والله انت او انتى جبت من الاخر بجد ردك ممتاز

[مدرسة زاوية دهشور]

قاعدين علشانى وعلشانك علشان تسترد كامل حقوقنا التى كانت *****ة والى عنده رأى تانى ياريت يكون باسلوب راقى فالكل يضرب تعظيم سلام لشباب ثورة 25 يناير وماحدش ينسى انهم السبب فى اظهار الفساد والفاسدين ولولاهم لظل الظلم كما هو وشكرا للجميع وبعدين هى مسألة وقت فقط لتأكيد الثقة . ومش هما الى خربوا ياستاذه شيماء ولا خيفين يروحوا يا استاذ اشرف ولا هما مستفزين وكمان هما عارفين هما عايزين ايه والا ما كانو خرجوا اصلا يا استاذ رضا وشكرا لكم جميعا واسف لو زعلت حد

[mr.anwar]

يا جماعه حرام عليكم كل هذا الافتراء لو حد فيكم راح هناك كان عرف ان الناس ديه ملهاش اى مصلحه عير حب مصر وانهم عملوا كل هذا من اجلى ومن اجلكم ومن اجل ابنائنا .هل كان يرضيكم كم الظلم الرهيب الذى كنا تعانى منه وأظن ان الاخت دينا الى بتقول ننسف ميدان التحرير بيهم ده كلام لا يليق بمربيه اجيال واقول لك يا اخت دينا انك اكتر واحده اتظلمتى ولا انت من كوكب تانى . لما يكون يا جماعه امين تنظيم الحزب الوطنى السابق طبال ووزير الاعلام راقص فى فرقه رضا والبلد ووزير داخل الوراره وعليه شيكات بدون رصيد ويخرج من الوزاره ب 350 مليون دولار ولما البلد كلها تتباع للاجانب ولما الابرياء تتضرب بالرصاص الحى ولما تكون شغال 30 حصه فى الاسبوع وبتاخد 314 جنيه ولما يكون ثروه مبارك تساوى ميزانيه البلد لثلاث سنوات ولما ولما ولما ............يبقى الناس اللى فضحت ده كله نتهكم عليها هى ديه جزاء الناس الشرفاء ام ان الشرف ليس له وجود فى زمننا هذا ارجوا من الزملاء قبل كتابه اى كلمه جارحه ان يحكم عقله ولا ينساق وراء اى كلام اسف على الكلمه (مبنى على الجهل) وسيحكم التاريخ ان هولاء هم من غيروا وجه مصر