الى فى تانية ثانوى يدخل !!!!

[Dr.abdo salem]

الى كل طلبة تانية ثانوى الموضوع ده عبارة عن :
ان كل واحد يدخل يعرفنا بنفسه ويقول ايه رايه فى مادة الكيمياء ويقول ايه طموحه
يا رب الموضوع يعجبكم وأهو نفضفض عن نفسنا شوية

[Dr.abdo salem]

انا هبدأ :
انا عبد الرحمن
من المنصورة
ومادة الكيمياء دى مادة روعة وجميلة لو انت ذاكرتها
ونفسى ادخل طب ادعوووووووووووووووولى

[محمد رضاM]

انا مش بحب الكيمياء بس بالمذاكرة بدأت الصورة تتغير

[Dr.abdo salem]

المشاركة الأصلية كتبت بواسطة محمد رضاm

انا مش بحب الكيمياء بس بالمذاكرة بدأت الصورة تتغير

انت ليه ما عرفتناش بنفسك وما قلتيش طموحك ايه؟؟؟

[surprise]

اكبر مادة شوفتهافى حياتى لغاية الان هى المادى دى بصراااااااااحة مش حلوة خالص بالمرة

[Samar Raouf]

انا سمر

من اليكس

والكيمياء لذيذه وحلوه وبحبها بس خاايفه منها اوووى

وطموحى فى صيدله ان شاء الله

[FOXMOH]

انا خالد
من اسيوط
انا شايف ان الكيمياء مادة روووعة بس عايزة تزاكر جزء وتحل عليه تمارين كتير زي معامل كتاب الامتحان
وعيزة حبة تركيز والواحد وهو بيزاكر يحاول يشرح لنفسه ...............بس
وانا نفسى ادخل هندسة باذن الله تعالى
ادعولى ارجوكم

[Samar Raouf]

ربنا يوفقك خااالد

[Mostafa Walid]

انا مصطفى من اليكس بردوا ازيك يا سمر عامل ايه
الكيمياء ماده بجد جميله جدا واللى يركز فيها حيطلع حاجات جامده وانا نفسى ان شاء لله اخش هندسه وربنا يوقفنى واخشى بترول يارب دعوتكم معايا بقى وربنا يوفقنا جميعا

[TheMobiler]

السلام عليكم ..

انا عمر , من القاهرة ..

وطموحى ادخل : حاسبات ومعلومات ان شاء الله , ادعولى يا جماعة .

هى مادة الكيمياء لذيدة مش مستحيلة يعنى ..

بس هو اهم حاجة الحل الكتير بعد كل وحدة ..

هو المنهج كان ماشى عسل فى اول 3 وحدات ..

الوحدة الرابعة فيها معادلات كتير اوى وانا بصراحة مبحبهاش خالص ..

انتم ايه رأيكم فى الوحدة الرابعة يا جماعة ؟

[إسلام صبري]

انا اسلام
الشرقية
نفسى ادخل هندسة

الكمياء جميلة جدا والمستر بجد رائع

[ema_2010]

انا دينا وطموحي هندسة ان شاء الله ورأيي ان الكيمياء مادة حلوة بس عايزة مذاكرة أول بأول وحل تمارين على كل جزء وبتفق مع خالد في رايه انه لازم الطالب يشرح لنفسه ويركز ويحل اسئلة زي نظام كتاب الامتحان بس مشكلة الاسئلة بتاخد وقت كبير شوية وأنا على فكرة اشتركت معاك في اوليمبياد الكيمياء وشكرا

[Ali_Monir_291]

انا على

الكيمياء جميله جدااااااااا
و نفسى ان شاء الله ادخل طب اسنان

[Dr.abdo salem]

يااا رب كل واحد ينول الى بيتمناه وعلى فكرة يا عمر الباب الرابع ده باب جمييييييل جدا بس محتاج انك تتخيل انك بتعمل التجربة وفي حاجة كمان لازم تعملها تجيب ورقة وتكتب فيها معادلات الفئة اس وورقة تانية وتكتب فيها معادلات الفئة ب وورقة تالتة وتكتب فيها كيف تحصل على النشادر ب 6 طرق؟ كدا يعتبر لميت الباب (اما لو دخلت على الباب الخامس اخر جزء فيه هتقول ايه)

وانا بشكر كل الناس الى شركت فى الموضوع ويا جماعة ادعولى انا طموحى فى طب

[Dr.abdo salem]

ويا جماعة انا بدعوكم للانضمام فى مجموعة اولمبياد الكيمياء

وشكرا يا دينا على الانضمام ويا رب تدخلى هندسة