اللي(بيداروا علي خيبتهم) بيشجعوا ... و احنا مش معاهم !!

[scream angle]

السلام عليكم و رحمة الله و بركاته ,

طبعا مما لا ( شك ) فيه و لا ( دبوس ) إن
( المصريين بيشجعوا مصر ... و احنا معاهم ) ,

لكن الجدير بالذكر إن في نفس الوقت هتلاقي مثلاً إن :

اليهود بيصنعوا أسلحة نووية ....
و احنا مش معاهم ,

و إن الشيعة الإيرانيين بيصنعوا أسلحة نووية برضه ...
و احنا برضه مش معاهم ,

و طبعا الأمريكان و الفرنسيين و الألمان و الروس و ......
بيصنعوا نووي و طيارات و عربيات و صواريخ و ......
و احنا أكيد مش معاهم ,
.
.
.
.
.

أمال إحنا بنعمل إيه يا عم الكتكوت ؟؟

يا باشا احنا بنـ(شجع شجع ... مصر بتلعب ) ..

و طبعا ( ما فيش مناسبة أهم من تشجيع مصر ) ,

و كده كفاية علينا قوي .. و قشطة خالص ,

و بيني و بينك , أسهل من حكاية اننا نشتغل دي , و نعمل نووي و صواريخ و طيارات و الكلام الكبير ده ,

و أهم حاجة إننا (نرضي ضميرنا ) و نلاقي حاجة - و لو هايفة - نتعلق بيها ,

و نقنع نفسنا إننا كده بنعمل اللي علينا ... و زيادة حتتين !!

...........................

دى بجد حاجه تخنق وأنا واثق اننا هنقول العيب ف الحكومه مش فيناا

بس ده بالعكس العيب فينا احناا فين ايام عرابى وسعد زغلول لما قال ((الحق فوق القوه والأمه فوق الحكومة)).
لازم نتغير يا جماعه محدش يقول وأنا مالى ما انا عايش ومبسوط
لو كل واحد فينا سعى انه يغير نفسه من جواه هنبص نلاقينا احسن شعب فى العالم
احنا عندنا امكانيات مش عند حد

!!!
سلااااااااام





( منقول )