افضل كتاب للاحياء في الثانوية العامة ؟؟

[sad nono]

ياريت من طلاب الثانوية العامة يقولولنا افضل كتاب للاحياء ..

[جهاااد]

مندل والمعلم انا سمعت كده

[SARACAT]

احسن حاجة انك تكونى مع مدرس شغال من كتاب المدرسة للمذاكرة اما بالنسبة للحل انا مش عارفة بس المراجعة الورقة الامتحانية للنفيس فظيع وفيه شوية اسئلة ذكاء حلووين بس اعرفى ان انتى فيه هتعتمدى على الاجابة كتيير لان فعلا فى اسئلة جديدة وربنا يوفقك وخدى بالك من الاحياء كويس وتبقى متبعاها فى المذاكرة عشان بتتنسى وحاولى فى الدروس ميبقاش مع الاحياء مادة تقيلة فى نفس اليوم وربنا معاكى ومعانا

[جهاااد]

بالعكس الكتب الخارجية افيد في الشرح وكتب الوزارة تحفظي اسئلتها لان هي اللي بيجي منها الامتحان والاحياء مش محتاجة مدرس
اخوكي وزميلك جهااد

[sad nono]

مندل والمعلم انا سمعت كده

شكرا لحضرتك

احسن حاجة انك تكونى مع مدرس شغال من كتاب المدرسة للمذاكرة اما بالنسبة للحل انا مش عارفة بس المراجعة الورقة الامتحانية للنفيس فظيع وفيه شوية اسئلة ذكاء حلووين بس اعرفى ان انتى فيه هتعتمدى على الاجابة كتيير لان فعلا فى اسئلة جديدة وربنا يوفقك وخدى بالك من الاحياء كويس وتبقى متبعاها فى المذاكرة عشان بتتنسى وحاولى فى الدروس ميبقاش مع الاحياء مادة تقيلة فى نفس اليوم وربنا معاكى ومعانا

شكرا جدا لنصائح حضرتك وفعلا ان شاء الله الاحياء مش يبقا معاها مادة تانية والمدرسة بتشرح من كتاب المدرسة بس المشكلة انها هتبدأ شهر 8 قبل المدرسة وقبل ما نستلم الكتب ..

بالعكس الكتب الخارجية افيد في الشرح وكتب الوزارة تحفظي اسئلتها لان هي اللي بيجي منها الامتحان والاحياء مش محتاجة مدرس

هو المشكلة ان الامتحانات بتيجي على حسب سياق كتاب الوزارة مش اي كتاب خارجي وبيركزوا على كل كلمة الكتب الخارجية مقالتهاش عشان تبقا ثغرة في الامتحان ،

[lifewhisper]

يا جماعة انا كنت ف تانية السنادي
وكنا بنذاكر مع المدرس من كتاب الوزارة بس
بس كنا بنحل من الامتحان والنفيس

[sad nono]

يا جماعة انا كنت ف تانية السنادي
وكنا بنذاكر مع المدرس من كتاب الوزارة بس
بس كنا بنحل من الامتحان والنفيس

شكرا لحضرتك ،، وربنا يوفقك ان شاء الله ويوفقنا جميعاً

[عمر المختار1]

الامتحان indespensable

[sad nono]

الامتحان indespensable

شكرا لحضرتك على المشاركة ،،

[جهاااد]

يا جماعة هي الاحياء مادة اصلا علشان كل النقاشات ديه عارف الامتحانات مش بتيجي من الكتب الخارجية لكن الكتب دي شرحها بالتفصيل الممل واسئلتها كتيير اوي والاحياء في الاول والاخر مادة دش في دش ومش محتاجه درس ميه في الميه ولا حت مدرس دي محتاجه حفظ وقراءة هادئة لفهم وظيفة كل شيء في المعلم والحل الكتيير طبعا مندل وسألت مجرب تفضل تحل لما تحفظ الأسئلة زي اسمك وكويس هنخلص من الكيميا والرياضيات السنادي ان شاء الله يبقى بعد كده مفيش مادة صعبة

[sad nono]

يا جماعة هي الاحياء مادة اصلا علشان كل النقاشات ديه عارف الامتحانات مش بتيجي من الكتب الخارجية لكن الكتب دي شرحها بالتفصيل الممل واسئلتها كتيير اوي والاحياء في الاول والاخر مادة دش في دش ومش محتاجه درس ميه في الميه ولا حت مدرس دي محتاجه حفظ وقراءة هادئة لفهم وظيفة كل شيء في المعلم والحل الكتيير طبعا مندل وسألت مجرب تفضل تحل لما تحفظ الأسئلة زي اسمك وكويس هنخلص من الكيميا والرياضيات السنادي ان شاء الله يبقى بعد كده مفيش مادة صعبة

فعلا هي الاحياء كلها حفظ
لكن مستحيل نحفظ حاجة منغير ما نفهمها بتكلم عن نفسي على الاقل ان دي حاجة فوق المستحيل بالنسبالي
لازم اتخيلها وافهمها كويس اوي وساعتها هعبر بأسلوبي ومش هحتاج احفظ كتير وفي تقريبا فصل الوراثة كله فهم عشان مسائل الوراثة وكدا ،،

[*moon*]

المذاكرة طبعا من كتاب المدرسة
والحل من كتاب الامتحان
بس اوعى تذاكرى من كتاب الامتحان
والاحياء مادة لذيذة ومش حفظ بس
حاولى تستمتعى بيها
وبالتوفيق ان شاء الله

[SARACAT]

اولا ياريت ما تقوليش حضرتك (طبعا دا احترام منك) بس تقريبا انا فى نفس سنك ثانيا حاولى تدورى على كتاب اى حد من قرايبك او جيرانك ولو ملقتيش اعتقد ان المدرسة هتراعى كده وممكن تصورلكوا الفصل الاول مثلا وتشتروه من المكتبة او تصوريه من زميلتك احنا المدرسة بتاعتنا عملت كده وربنا معاكى ومعانا

[Dr.Nariman]

صحيح مش انا صاحبة الموضوع بس جزاكم الله خيرا استفدت منكم كلكم

وفعلا ياجماعة واحدة صحبتي قالتلي في حاجات في الاحياء فهم×فهم يعني لو مفهمتيش انسي تحلي حاجة

بالنسبة لحكاية التعبير بالأسلوب دي أعتقد انها مش هتمشي مع النظام المصري دول بيخدوا حاجة بالنص ربنا يسهلنا والله

[SARACAT]

على فكرة عندك حق انا لما جربت اعبر باسلوبى فى الاحياء نقصت هى كلمة واحدة عن التعليم فى مصر احفظ زى الجاموسة تعدى زى الناموسة