مطالب تمرد أمهات .. والرد عليه

[mhraffat84]

# مطالب تمرد ـ امهات ـ مصر
1 . حذف الوحدة الاخيرة من جميع المراحل .
2.الغاء اعمال السنة من ايدي المدرسين
3. رفع الظلم عن اصحاب المدارس الخاصة التي تم وضعها تحت اشراف الوزارة ورد المدارس لاصحابها .
4.تخفيف منهج الدراسات .
5. عدم دخول الرسم والكمبيوتر في المجموع في اي مرحلة تعليمية

6.تخفيف منهج العلوم والرياضيات واللغة العربية .



1- بدلاً من حذف الوحدة الأخيرة .. ممكن إعادة النظر في كم المنهج الدراسي لكل مادة

2- بدلاً من إلغاء أعمال السنة من أيدي المدرسين .. ممكن تشديد الرقابة على المدرس ومحاسبته بناء على درجات الطلاب

3- المدارس الخاصة التي تم وضعها تحت الإشراف المالي والإداري .. أكيد الوزارة عملت كده بعد تحقيقات وإثبات إن فيه تلاعب سواء كان مالي أو إداري .. مما تسبب في سحب المدرسة من أصحابها .. مع العلم .. إن أصحابها غير متضررين .. لإن في تلك الحالة تقوم الوزارة بتعيين مديرين للمدرسة .. ومحاسب مالي .. وترسل الربح الصافي كل سنة مالية لأصحاب المدرسة .. يعني الوزارة مش بتاكل فلوس الناس .. لأ .. هي بس بتشيلهم من الإدارة .. والوزارة هي اللي بتدير المدرسة بدالهم .. بس ..

4- دي اتكلمنا فيها مع النقطة الأولى .. انا شايف إن المفترض إعادة النظر في المناهج التعليمية ككل .. وتحقيق نظرية التعليم بالكيف .. وليس بالكم ..

5- أنا موافق جداً إن الرسم لا يدخل المجموع .. لإن الرسم ده موهبة .. ممكن واحد عنده الموهبة دي .. وواحد تاني بيكره الرسم أصلاً ... يبقى يُحرم ليه من درجات علشان مبيعرفش يرسم ؟؟
أما بالنسبة للكمبيوتر .. إزاي أحولها لمادة نشاط خارج المجموع .. وكل الوظايف الحياتية تقريباً مرتبطة بالكمبيوتر والتكنولوجيا ..؟؟؟ إزاي .. ؟؟ بدل ما نلغي المادة .. نطور المناهج الخاصة بيها .. ونغير فكرة إن الحاسب مادة نشاط عملي فقط .. لكن لازم نعمل منهج يفيد الطالب فعلاً ..

6- النقطة دي برضه اتكلمت فيها في النقطة الأولى والرابعة ..

إجمالاً .. أنا مع تطوير التعليم .. وتغييره للأفضل .. وليس تقليلاً كماً فقط .. لإن التعليم بتاعنا وصل لمرحلة إننا بنعلم الطلاب إزاي يحلوا الإمتحان مش إزاي يطبقوا الكلام ده عملياً في حياتهم .. وكفاية إن الطلاب بتوعنا بيتعلموا 12 سنة لغة إنجليزية .. كمادة أساسية .. وبعد ما يخلص تعليم .. أول حاجة يعملها .. يروح ياخد كورس إنجليزي !!

[ali_el7efnawy]

برافو عليك رد ممتاز جدا مشكوووووووووور

[الفرسان2009]

ما حدش ياخد على كلام النساء

[mhraffat84]

المشاركة الأصلية كتبت بواسطة ali_el7efnawy

برافو عليك رد ممتاز جدا مشكوووووووووور

أشكرك على القراءة .. والاهتمام

[mhraffat84]

المشاركة الأصلية كتبت بواسطة mhraffat84

أشكرك على القراءة .. والاهتمام

أختلف معك الصراحة .. لإن من النساء من غير خارطة العالم ... وغير التاريخ كله .. لكن المفترض الأخذ بالصواب من رأيهن .. ومناقشتهن في الرأي المخالف أو المحتمل خطأه ..

[الفرسان2009]

الاختلاف سمه من السمات الإنسانية .
انا مش عاوز اتكلم على افعالهن .

[mrk206]

صراحة .. انا عن نفسي ...
اتمنى ان الدين والكمبيوتر والانجليزي هما اكثر المواد المفروض ان الطالب يتعلمهم من السنة الاولى الابتدائية لحد الثانوية العامة .. لانهما هما المستقبل الفعلي للطالب بعد تخرجه ...