|
#1
10-02-2016, 10:10 AM
|
||||
|
||||
متعة إضاعة الوقت
فكرت ملياً .. في عنوان الموضوع الذي سيخطه قلمي من جديد
وقررت أخيراً أن يكون موضوعي عن "متعة إضاعة الوقت" نعم فقبل أن أتخذ قراري بالرحيل والاختفاء كنت أحد أكبر من يضيعون وقتهم هنا بهذه البوابة وهو ما كان نتاج فراغاً كبير لم يكن هناك ما يشغره وهو حال أغلبية من كانوا ومن يزالون يترددون هنا الوقت مصيره حيضيع ... بس حد فينا بيفكر حيضيعه في ايه ؟؟ سبل إضاعة الوقت كتيرة جداً ... أبسطها إنك تبقى قاعد بتقلب في الصفحات عمال بتقلب بتقلب .. مش عارف انت بتدور على ايه بس انت بتدور وخلاص طب يعني انت عايز تتكلم عن ايه ؟؟ انا يا سيدي عايز اتكلم عن مفهوم "التطوع" اه التطوع أنواعه كتيرة جداً بس خلينا نتكلم دلوقتي عن وجودنا احنا هنا كل واحد فينا هنا موجود بيضيع وقت هل احنا بنضيعه صح ؟ كل عضو او مشرف موجود هنا دلوقتي يسأل نفسه هو انا بعمل هنا ايه ؟ هل بس بضيع وقت فاضي عندي ؟ هل بس مقضيها ما بين أقسام الكورة والاهداءات والرسايل الخاصة ؟ ولا هدفي اكبر من كدا ؟ مش عيب إني اسأل نفسي ده عادي ... انا كنت واحد من الناس موجود بس بيضيع وقته هنا حتى ولو كنت بفيد الناس مجرد إني حبيت المكان وحبيت الناس اللى فيه بس ليه مبتديش اراجع نفسي وأخد نية جديدة بوجودي هنا ؟ أه أخد نية إني حتطوع بوجودي هنا ... ومش لازم ابقى مشرف عشان اعمل ده اتطوع بإنك تنقلنا معلومة مفيدة .. موضوع جديد ضيفلنا خبرة جديدة علمنا مما علمت شيئاً سواء كنت مدرس او ديزاينر او حتى بتعزف بيانو وجودك كمشرف او اداري ف المنتدى ده من أسمى أنواع التطوع عالسوشيال ميديا اللى يحتاجني حساعده واللى اعرفه حوصله خد نية .. النية لوحدها بأجر بس طبعاً ... كل شيء بمقدار  حياتنا الواقعية لسه ليها علينا فروض كتير لازم نوفيها  يمكن المنتدى بالنسبالي كان نقطة تحول كبيرة ف حياتي اتعلمت فيه ابسط أنواع المسؤولية .. اتعلمت اختبر شخصيتي مع الناس اتعلمت فيه الديزاين وابتديت انفتح عالسياسة عرفت ناس يعتبروا الآن من اقرب الناس ليا عالسوشيال ميديا واللى كان نواة دخولي بشكل أعمق لعالم "التطوع" واللى لسه حيكونلها - بإذن الله - موضوع مستقل لاحقاً وإنك ازاي فعلاً .. تعرف تضيع وقتك صح  ياترى بقى ... إنت كنت جاي هنا ليه ؟ وخدت النية ولا لسه ؟
__________________
It was over 3 years since my last visit 
|
|
#2
10-02-2016, 10:49 AM
|
|||
|
|||
|
الله عليك
عوده طيبة تحمل مزيدا من الحكمة كنت المثل الذى قدمته انفسى ولغيرى للإشراف الحكيم وصاحب الخلق الرفيع ورغم المصادمات بيننا لكنك دائما كنت تربح لتوازنك ورؤيتك التى كانت تسبقنى ضياع الوقت أو لنقل الوقت لم يعد شاسعا كأوقات الأجيال السابقة فمعظم ضيوف وأعضاء البوابة وأنت أدرى منى بذلك من الطلبة وبعض المعلمين والطالب فى مراحل التعليم من الحضانة للجامعة كان الله فى عونهم --من المدرسة لمسلسل الدروس للعوده للبيت للواجبات والمذاكرة ثم النوم اتحدث عن الفئة العظمى من الطلبة ولايعنينا بشىء كل من باع القضية ضياع الوقت فى نهار الشتاء القصير الممتلىء بالمدارس والدروس والواجبات والمذاكرة والراحة والنوم لايضيعه إلا القلة القليلة التى تفضل النت على مراجعة الكيميا شكرا لنصحك الحميد شكرا جزيلا وجزاكم الله خيرا
|
|
#3
10-02-2016, 11:09 AM
|
||||
|
||||
|
جزيل شكرى وتقديرى على هذا الموضوع الرائع
أحسنت التعبير عما يجب أن نقوله لأنفسنا جميعا صغارا و كبارا لا يليق بنا أن نضيع الوقت فيما لا يفيد تواجدنا فى المنتدى يجب أن يكون اما لكى نفيد أو نستفيد ، تطوع بإنك تنقل لنا معلومة مفيدة .. موضوع جديد ...ضيف لنا خبرة جديدة علمنا مما علمت شيئاً وجودك كمشرف او اداري فى المنتدى ... ده من أسمى أنواع التطوع على السوشيال ميديا اللى يحتاجني حأساعده واللى اعرفه سأصل له جزاك الله خيرا وبارك الله فيك آخر تعديل بواسطة aymaan noor ، 10-02-2016 الساعة 11:17 AM
|
|
#4
10-02-2016, 04:56 PM
|
||||
|
||||
|
سعدت جدا بدخولى الموضوع والتعرف على فكر راقى مثلك
وكل شكرى لجدو عبده ان جعلنا ندخل ورائه الى هنا من خلال موضوع استضافته بالمسابقة فكر رائع ومتميز لم اتعرف من قبل على صاحبة لكن باذن الله اتابعك فى القادم اقتباس:
الذى احببته ونقلته لعالم الواقع بجوار عملى كل تقديرى واحترامى لك 
__________________
|
|
#5
11-02-2016, 10:31 AM
|
||||
|
||||
|
اقتباس:
ربنا يكرمك استاذ رضا ده وسام على صدري يشرفني وربنا ما يجيب بينا تصادمات تاني :D اقتباس:
ممكن يكون الوقت أقل اه شوية بس لأ .. في وسطنا كشباب لسه بنضيع كتيير وكتير اوي يمكن السوشيال ميديا انتقلت بنسبة كبيرة جداً من المنتديات لجروبات الفيس بوك فالأمر لم يعد جلياً هنا كما كان بالسابق
__________________
It was over 3 years since my last visit
|
|
#6
11-02-2016, 10:34 AM
|
||||
|
||||
|
اقتباس:
ده أكيد
الشكر لحضرتك أستاذ ايمن 
__________________
It was over 3 years since my last visit
|
|
#7
11-02-2016, 10:37 AM
|
||||
|
||||
|
اقتباس:
ربنا يكرمك مس هدى .. انا اللى اتشرف بحضرتك
ومن الجميل اننا نكون عارفين بدايتنا فين وماشيين ازاي عشان منوصلش للمرحلة اللى نقف فيها النص ونقعد نفكر .. احنا كنا عايزين ايه
__________________
It was over 3 years since my last visit
|
|
#8
21-02-2016, 11:53 PM
|
|||
|
|||
|
فكر رائع ومتميز لم اتعرف من قبل على صاحبة
لكن باذن الله اتابعك فى القادم
|
|
#9
13-03-2016, 06:04 PM
|
|||
|
|||
|
موضوع رائع
فعلا لازم نجدد النيه انا يمكن كنت موجوده من زمان في المنتدي بس كنت بضيع وقت كبير فعلا مش اكتر غير اني اتعلقت جدا بالمكان والناس اللي فيه ومبسوطه جدا ان يوم ما اقرر ارجع الاقي موضوع زي ده عشان مكررش غلطي تاني جزاك الله كل خير
|
 |
| العلامات المرجعية |
| الكلمات الدلالية (Tags) |
| التطوع, النية،النيات, الوقت |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:04 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
