شهادة dpt

[Rona awad]

لو سمحتوا عايزة اعرف ايه شهادة dpt وهي بتزود ايه الاخصائي العلاج الطبيعي في شغله وعايزة اعرف اذا كانت الكلية دراستها صعبة ولا لا

[DPT-Blue Phoenix]

الDPT او الدكتوراة المهنية او دكتوراة مهنة العلاج الطبيعى Doctorate of Physical Therapy الشهادة دى شهادة عالمية و تقريبا خلاص بتطبق فى العالم كله دلوقت العلاج الطبيعى خاصة جامعة القاهرة و عميدنا ربه يكرمه راجل منتهى الاحترام ((دكتور علاء بلبع)) كانوا بيحاربوا عشان تطبق الدرجة دى و هى كالتالى ...

أولا الدرجة دى خاصة بكلية العلاج الطبيعى بس و هى لسه متطبقة السنة الى فاتت دى و هى عبارة عن درجة بتتاخد من (2 ل 5 سنين) يعنى على حسب بس هو العادى بتاعها 2 بس ب30 الف جنيه 7500 جنيه للترم بتتاخد المفروض بعد الكلية هى كانت المفروض ب 40 الف جنيه بس رخصوها يعنى الحقيقة فى العلاج الطبيعى انها تعتبر 8 سنين على بعضه 5 سنين دراسة و سنة امتياز و سنتين DPT و على ما احنا هنتخرج و قبل 2020 دكتور علاء وعد انها تبقى بفلوس رمزية و هى ليها نوعين :-

1- الدكتوراه المهنية DPT و دى المفروض ان موادها بتتاخد ضمن سنين الكلية يعنى تخلص معاك شهادة التخرج و مكتوب فى شهادة Doctor of physical therapy
2- Transitional DPT الدكتوراة المهنية الانتقالية و دى هى هى بالظبط بس الفرق انك بتاخدها بعد ما بتخلص ال6 سنين و تخلص تكليفك و دى الى هى متطبقة هنا ؟!

-طيب ليه احنا مخلنهاش ضمن سنين الدراسة و ارتحنا ؟! لأنها بفلوس لسه و لسه هتحتاج وضع منهج جديد و توزيعها على السنين و كمان باضافتها الكلية هتبقى 7 او 8 سنين على بعضها ... انما العائق هى انها بفلوس فبنحاول نرخصها باكبر قدر

دى مهمة؟! مهمة جدا جدا جدا جدا لأن بعد سنة 2020 المفروض ان منظمة الصحة العالمية لن تعترف باى خريج علاج طبيعى ممعهوش الشهادة دى و بالتالى مش هتعرف تسافر و لا تشتغل بره و المفروض ان الشهادة دى يكون كله بياخدها بحلول سنة 2020 ...

الشهادة دى بقى (((مميزاتها))) ليها ميزتين:-
1-ميزة غير مباشرة و هى ان دكتور العلاج الطبيعى المصرى بقى معادل للشهادة الأمريكية يعنى ايه ؟! يعنى لو انت جالك عقد عمل فى امريكا و نجحت فى الاختبارات تسافر على طول من غير امتحانات معادلة و تحضير معادلة ... على عكس كل كليات القمة و ممكن كمان ميقدروش يعملوا معادلة اصلا و طبعا المعادلة دى بفلوس .. و اصلا العلاج الطبيعى المصرى هو المركز ال3 على العالم بعد كندا و امريكا دا مش معناه انها افضل دراسة لكن معناه اننا بندرس كل المواد الى بتتدرس برا عشان كدا بندرس فى أولى بس 13 مادة ....

2-الميزة المباشرة ... كان من عيوب العلاج الطبيعى انك مش بتعرف تشخص تشخيص ((كلى)) يعنى ايه ؟! يعنى لازم المريض يكون متحولك من ((دكتور بشرى ايا كان تخصصه)) طبعا و دا عيب كبير معظم الدكاترة دول مكنوش يعرفوا العلاج الطبيعى و كان هو كلية واحدة من سنتين بالظبط غير انه حتى لو عارف ممكن ميحولهاش لأن زى ما هو هيعتبر المريض مصدر رزق ليه ؟!

طيب لما بتاخدها ((بتشخص تشخيص كلى بمعنى المريض دلوقت يجيلك انت عيادتك على طول معاك سماعتك و تشخص تشخيص كلى و نحدد المرض + شغلنا الاساسى فى انك تحدد برنامج العلاج و نوع الاجهزة و عدد الجلسات + تعالجه علاج طبيعى+ ليك حق تكتب روشته و توصف ادوية زى الدكتور البشرى بالظبط ...

[DPT-Blue Phoenix]

http://www.thanwya.com/vb/showthread.php?t=610966

[DPT-Blue Phoenix]

https://www.facebook.com/groups/1424...group_activity

[Rona awad]

شكرا اوي بجد مش عارفة اقولك ايه

[Rona awad]

بس كنت عايزة حضرتك هي دراستها صعبة ولا لأ وانا كبنت هينفع اشتغل بعد ما اخلص وفي رايك هي احسن ولا طب اسنان

[Rona awad]

وايه اللي يخلي المريض يجيبني بعد شهادة dpt اصدي يعني هو هيعرف منين دلوقتي اني عملت الشهادة دي وممكن اشخص المرض

[DPT-Blue Phoenix]

اولا الشكر لله لا شكر على واجب ... الدراسة فيها مش سهلة هى زى اى كلية طبية محتاجة مذاكرة و اجتهاد و تعب و تدريب .... مجال العلاج الطبيعى مستقبلا بعد كدا احسن من اسنان بكتير و عد خرجينه اقل و دراسة مليانة اكتر كمان ... المريض ملوش دعوة بكدا انت بتخلص كليتك و بتفتح عيادتك او مركزك يعنى و المريض ليه بالى يعالجه و ما دام انت هتبقى ماشية قانونى خلااااااااااص .... هو المريض ليه دعوة علاج طبيعى او غبره و لما القرار دا يطبق و خاصة بعد سنة 2020 الى هى هتبقى الدى بى تى فيها حاجة اساسية و احتمال تضاف ضمن سنين الدراسة و يبقى كله عللاى بعضه 8 سنين و خلاص كل بتوع العلاج الطبيعى هيبقى ليهم حق التخيص الأولى للحالة و انها مش لازم تكون متحولة ....

و اى استفسار تانى الجروب موجود يا دكتور

[tark12]

لى اسئله

1-هل مسموح لخريج العلاج الطبيعى بعد ما ياخذ dpt ان يكتب فى روشته ادوية ؟؟؟ وما القانون الذى يسمح له بذلك ؟؟

2- لو DPT شهاده دكتواره مهنية فعلا ,,, فلا يمكن الحصول عليها قبل الماجستير فهذا وفقا لقانون الجامعات ,, فكيف DPT تكون شهاده دكتوراه مهنية ؟؟

3- هل مجلس الجامعه القاهره وافق على انها تكون DPT شهاده دكتوراه مهنية ؟؟؟؟