|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
30-06-2008, 11:54 AM
|
|||
|
|||
--- من الثانوية للكلية.. "سوسن" للأبد! ---
 -- الساعة 6 صباحا -- التليفون يرن في إلحاح شديد في قلب المنزل الذي بدأ سكانه في الاستيقاظ، يرد الأب في قلق قبل أن ينادي على ابنه "أحمد" الذي يستعد للذهاب إلى لجنة امتحانات الثانوية العامة: - "أحمد"... كلم "باسم" صاحبك.. بيقول عاوزك في حاجة مهمة.. على الله بس ميكونش بيسألك جبت معاك ساندويتشات ولا لأ.. انتوا راحين امتحان مش طالعين رحلة! يلتقط "أحمد" سماعة التليفون في سرعة وقبل حتى أن ينطق آلو ينطلق "باسم" كالمدفع: - بأقولك ياض.. هات من أبوك 200 جنيه وقابلني عند مكتبة "سوسن" بعد عشر دقائق - 200 جنيه؟ ليه يا عم ده المكتبة كلها ماتساويش 145 قرش.. وبعدين هنشتري إيه دلوقت ما إحنا مجهزين كل حاجة .. حتى الساندويتشات هأجيبها معايا! - ساندويتشات مين يا مفجوع!.. يا عم المكتبة بتوزع أسئلة الامتحان دلوقت.. وبـ200 جنيه.. هنروح نشتري نسخة ونحفظها ونخش الامتحانات نكتب الكلمتين ونظبط - امتحانات؟! غش؟! خيااااااااانة! حاشا وكلا! - حاشا وكلا؟! أنت هتعمل فيها القائد "بيبرس"! براحتك.. خليك أنت في ساندويتشاتك وأنا رايح أجيب الامتحان يا عم.. بس ما ترجعش تعيط.. كليك! يستمع "أحمد" إلى صوت التليفون بعد إغلاقه، يظل ممسكا بالسماعة للحظات، ثم يأتيه صوت والدته وهي تنادي عليه حتى يتناول إفطاره، يتصل برقم ما سريعا، ويأتيه الصوت من الطرف الآخر فيبادره بالقول: - صباح الخير يا عمو.. باسم كان قالي إنه رايح يشتري قلم رصاص من مكتبة كده قبل الامتحان.. حضرتك ما تعرفش المكتبة دي اسمها إيه؟!  --- -- الساعة 12 مساء -- التليفون يرن في إلحاح شديد في قلب المنزل، يرد الأب في قلق قبل أن ينادي على ابنه "أحمد" الذي يستعد للذهاب إلى امتحان البكالوريوس في الجامعة: - اتفضل يا سيدي.. صاحبتك اللي اسمها "سوسن" دي.. مش دي اللي أبوها فاتح مكتبة في آخر الشارع؟ طب والله مسخرة.. بنات إيه يا إخواتي اللي بتتصل بالولاد نص الليل؟! يلتقط "أحمد" سماعة التليفون في سرعة وقبل حتى أن ينطق آلو تنطلق "سوسن" كالمدفع: - بص يا "ميدو" هات ورقة وقلم بسرعة.. ماتنّحش كده أنا جبت 3 أسئلة من الامتحان بتاع بكرة في الجامعة.. كده يبقى فاضل سؤال واحد بس لو محلتوش حتى يبقى برضه هتنجح.. - أسئلة امتحان بكره؟ وجبتيهم منين دول؟ - عادي يعني.. رحت للدكتور.. عيطت له شوية.. وأعطيته إحساس بأن ماما هيجرالها حاجة لو سقطت السنة دي.. صعبت عليه.. مسكين مايعرفش إن ماما متوفية أصلا! - بس ده اسمه غش وتدليس .. ده حرام.. حرااااام! - غش؟ وحرام؟! أنت هتعمل فيها الشيخ "علام"؟! ماشي يا شقيق.. بشوقك.. فوتك بعافية.. كليك! يستمع "أحمد" إلى صوت التليفون بعد إغلاقه، يظل ممسكا بالسماعة للحظات، ثم يأتيه صوت والدته وهي تنادي عليه حتى يتناول عشاءه، يتصل برقم ما سريعا، ويأتيه الصوت من الطرف الآخر فيبادره بالقول: - إيه يا سوسن.. أنت عصبية كده ليه.. بأضحك معاك يا شيخة... ما أنت عارفة إن ماما برضه ممكن يحصل لها حاجة لو سقطت السنة دي.. بس تعرفي أنا زعلان منك.. إزاي يعني ماتجبيش السؤال الرابع؟!  ايه؟ بتضحك ومتصور إن ده مش بيحصل؟ أمال اللي حصل في امتحانات الثانوية العامة ده اسمه إيه؟ ده كل أنواع الغش والتسريب حصلت لدرجة إن اللي ناقص هو إن أسئلة الامتحانات يذيعها التليفزيون في نشرة 9! احنا مش هنفتش في ضماير حد بس زي ما أنت شايف من شبّ على شيء شاب عليه فعلا.. واللي بيغش في الثانوية العامة مابيعرفش ينجح في الجامعة إلا عن طريق سوسن برضه! مش كده وبس المشكلة إن فيه تناقض رهيب بيحصل.. لأنه في الوقت اللي بنشوف فيه مظاهر للتدين- بنشجعها بكل تأكيد- بدأت تنتشر في الجامعات والمدارس نفاجأ بتزايد أعداد اللي بيغشوا وبيدوروا على الامتحانات المتسربة! شايف التناقض ده سببه إيه؟ وشايف ممكن يأثر إزاي على المستقبل باعتبار الطالب الغشاش هو الطبيب الذي لا يراعي الله في عمله وهو المحامي الفاسد والضابط المرتشي؟ وهل فعلا لو جت لك فرصة تغش في الامتحان أو أنك تعرف أسئلة الامتحانات من بدري هتعمل كده فعلا و"بيس يا مان" وإيه المشكلة ما كل الناس هتعمل زيي؟ ولا هتكون القائد بيبرس والشيخ علام وهتمتنع عن الغش أو تسريب الامتحانات ده ولو على رقبتك؟  يعني.. ليه كتير مننا بتكون "سوسن" صديقته دايما من الثانوية للكلية؟! |
|
#2
30-06-2008, 01:25 PM
|
||||
|
||||
شكرا ع الموضوع
بس هو منقووووووووووووووووووووووووووووووووووووووووووووووو وووول _ والأمانه تفرض انك تقول انه منقول_
__________________
أول مرة أحس إننا من الفرحه بخاف لا يعدي الوقت
خايفة أكون عايشة في كدبة ومن حلاوتها خلاص صدقت لوكان حلم ياريته ما يخلص بعد شفته,انامش ممكن اضيعه مني غير لو مت |
|
#3
30-06-2008, 01:32 PM
|
|||
|
|||
اقتباس:
واضح اوى من الكاريكاتور انى ناقلاه
وبعدين انا ماقولتش انى كاتباه |
|
#4
30-06-2008, 01:43 PM
|
||||
|
||||
|
ههههههههههههههههه
هم يبكى وهم يضحك يمهل ولا يهمل
__________________
 Always remember two things Don’t' take any decision when you are Angry Don’t' make any promises when you are Happy |
|
#5
30-06-2008, 02:34 PM
|
|||
|
|||
|
موضوع جميل فعلا
وتقريبا هو ده اللى بيحصل وحصل معايا فى مادة الانجليزى السنة دى وبالنسبة لموضوعمنقول انا افضل الموضوع المنقول بعناية عن اى كلمتين والسلام ومكتوب عليهم منقول اختيار موفق فى نقل الموضوع وشكرا على المجهود |
|
#7
30-06-2008, 03:35 PM
|
||||
|
||||
|
موضوع جميل فعلا حتى لو كان منقول المهم الاستفادة
شكررراااا منى
__________________
 TO BE OR NOT TO BE *أذا لم تكن لقمتك من فأسك لن تكون كلمتك من رأسك*
|
|
#9
30-06-2008, 05:15 PM
|
||||
|
||||
|
هههههههههههههه موضوع جميل جدا . ماتعرفيش نمرة تليفون سوسن دي ههههههههه
ما خلاص بقت كوسة
__________________
 إني ابتليت بأربع ما سلطوا ........................ الا لشدة شقوتي و عنائي إبليس و الدنيا و نفسي و الهوى ................... كيف الخلاص و كلهم أعدائي |
|
#10
30-06-2008, 11:58 PM
|
|||
|
|||
|
اقتباس:
معاك حق
يمهل ولا يهمل وان الله لا يضيع اجر من احسن عملا --- شكرا محمد لمرورك  آخر تعديل بواسطة Rien ، 01-07-2008 الساعة 01:12 AM |
|
#11
01-07-2008, 12:35 AM
|
|||
|
|||
|
اقتباس:
ما هو للاسف بيحصل وبقى عادى
 ومابقاش حد من دول حاسس ان ده حرام ومابقاش حد مقدر كلام الرسول - صلى الله عليه وسلم - (( من غشنا ليس منا )) مش عارفين اد ايه (( ليس منا )) دى كبيرة اوى !! ومش سهل ابدا على اى حد يتحملها !! معتقدين ان طالما الكل بيعمل كدة بقت حاجة عادية (( زيها زى حاجات كتير اوى ف مجتمعنا )) لاء وبقى - ف نظرهم - اللى بيرفض يغش شخص غريب وغبى واللى بيرفض يغشش شخص انانى ومابيحبش غير نفسه ربنا يهدى بقى مانقدرش نقول غير كدةبس ازاى حصل معاك ده ف الانجليزى السنة دى ؟ --- ميرسى كتير اسلام لمرورك وكويس ان الموضوع عجبك آخر تعديل بواسطة Rien ، 01-07-2008 الساعة 01:05 AM |
|
#12
01-07-2008, 12:56 AM
|
||||
|
||||
|
اقتباس:
انا ماتعبتش ودورت عشان اجيبه كل ما فى الموضوع انى قريته بالصدفة وعجبنى :D اقتباس:
طب يا رب يكون فيه استفادة اقتباس:
شكرا لمرورك اقتباس:
لاء انا مش معايا نمرتها ومش عايزة اعرفها  آخر تعديل بواسطة Rien ، 01-07-2008 الساعة 12:59 AM |
|
#13
01-07-2008, 01:05 AM
|
||||
|
||||
|
شر البليه ما يضحك
__________________
 |
|
#14
01-07-2008, 01:10 AM
|
|||
|
|||
|
اقتباس:
ما هى بتضحك
بس حقيقى بتتعب اوى الناس اللى حاسين بان مجهودهم وتعبهم اتساوى بلعب واستهتار ناس تانية يلا كله ف الاخر عند ربنا --- شكرا مس رانيا لمرورك |
|
#15
01-07-2008, 07:22 AM
|
||||
|
||||
|
ههههههههههههههههههه
الموضوع جميل جدا وطريقة عرضة رووووووووعة لاكن الواقع المؤلم وخصوصا فى الجامعات ان كتير جدا جدا جدا من الطلبة بيبقى رايح وحاتطفى دماغة انة يغش فى الامتحان والغريب لما تسئلة قبل اللجنة ذاكرت ولا لا لا يرد يقول لا تقولة امال هتعمل اية يقلك انا سايبها على الله هنجيب كلمة من اليمين على كلمة من الشمال على كلمتين تاليف ودول دايما نتيجتهم ثابتة مبتتغيرش الا مع الى معندوش طمير وهى رااااااااااااااااااااااااااسب وحتى لو نجح فى الامتحان هيبقى رااااااااااااسب فى حياتة وهيخسر اخرتة
__________________
اللهم صلى وسلم على سيدنا محمد وعلى اله وصحبة واجزة عنا خير ما جزيت نبيا عن امتة ارداة + إخلاص + دعاء + تخطيط سليم = نجاح أكيد gamal saber
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:29 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
