ينفع تحويل من دار العلوم الفيوم للقاهرة؟

[شاعر العاطفة]

أنا من حوش عيسى وعندى جامعات المنطقة (أ) هى دمنهور
وجامعات المنطقة (ب) هى اسكندرية وطنطا وكفر الشيخ

وانا جتلى دار العلوم الفيوم..... هل يجوز إنى أحوّل القاهرة ولا ما ينفعش؟؟
بس الكلام يكون أكيد بالله عليكم...

ولو ينفع.... رأيكم إيه الأفضل؟؟؟

[شاعر العاطفة]

هو ليه أنا الوحيد اللى محدش بيرد عليه فى الموقع ده؟؟؟؟؟ هو انا لقيط؟؟

[كــادى]

ايوة ينفع مادام جايب حد ادنى ليها

[شاعر العاطفة]

أوبّا......... أنا مجموعى ما يجيبش دار العلوم القاهرة اوك تمام ألف شكر يا باشا

[كــادى]

بقولك ينفع تحول

مانت جايب حد ادنى وداخل ال فالفيوم

ان شاء الله ينفع تحول

[شاعر العاطفة]

يعنى لازم اجيب حد أدنى دار العلوم..... لكن مش شرط حد أدنى دار العلوم القاهرة؟؟؟؟

أصلهم كاتبين على موقع التنسيق إن التحويل بيكون للمنطقة الجغرافية (أ) فقط..... ولو مفيش فى (أ) يبقى لـ(ب) والقاهرة بالنسبة لى تعتبر (جـ)..... فإيه الحوار بالظبط؟؟

[شاعر العاطفة]

بص يا سيدى.... أنا بصيت فى موقع التنسيق اللى المفروض أحوّل من خلاله لقيتهم كاتبين إنى ممكن أحول دار العلوم انتساب موجه القاهرة........

إيه الفروق بين دار العلوم الفيوم ودار العلوم انتساااااااب موجه القاهرة؟
الانتساب ده يفرق إيه عن الانتظام؟

[كــادى]

انتساب بتفرق فالمصاريف وميبقاش فى اعمال سنة والكلام دا
ولو حبيت تحول لانتظام
تجيب تقدير جيد وبتحول فتانى سنة لانتظام عادى
بالتوفيق

[كــادى]

كارنية انتظام مثلا 200
كارنية انتساب بيبقى 400

[شاعر العاطفة]

طب معلش حتعبك معايا....... هو ده الفرق الوحيد؟؟؟ مش حيتكتب مثلاً فى شهادة التخرج انتساب أو حيبقى شكلها وحش إنى داخل كلية انتساب؟؟ ويا ريت لو فى أى فروق تانية تقول لى!!

[كــادى]

بص الشغل دا بتاع ربناااا
انت شد حيلك اول سنة اتعبها وهات تقدير جيد وهتحول لانتظام عادى
وهتبقى انتظام مش هيتكتب انتساب