وقفتنا الأحد 25/7/2010 - الصفحة 8

teacher120 · #**106** 02-07-2010, 07:02 PM

الكل لازم يشارك لان الى هيجرى علينا هيجرى بالتالى على الى لسا هيدخل

abou wafaa · #**107** 02-07-2010, 07:11 PM

ياخوفي يكون الناس بتتكلمبس وساعة الجد محدش يروح
اتمنى ان الكل يبقى راجل ويلتزم بكلمته
دون اي هتافات خارجة عن القانون او اي شيء مخالف فقط المطالبة بالحقوق بأساليب محترمة تنم عن معلمين مصر

مايكل10 · #**108** 02-07-2010, 07:31 PM

معاكم بس استقرو على يوم وفى اى وقت معاكم

roaaaa · #**109** 02-07-2010, 08:15 PM

فكرة ممتازة بس يارب تتنفذ بجد ونكون كلنا ايد واحدة
وربنا معانا

بيبونينو · #**110** 02-07-2010, 08:34 PM

السادة الزملاء ارجو ان يكون كلامكم جاد و تحركاتكم جادة هذة المرة لان الصمت لن يفيد و لكم منى و من كافة المعلمين المثبتين كل التأييد لاننا فى النهاية معلمين سواء اساسى او متعاقد . ربنا معاكم بس اتفقوا على يوم محدد و بلاش الاختلاف.

اشرف عبد الحى · #**111** 02-07-2010, 09:30 PM

و الله الصوت واصل للمسئولين..و لكنهم ودن من طين و التانية من عجين.... المطلوب هو فضح المسئولين... إحراج الحكومة أمام كل الرأى العام.
خبر ايه يا جماعة ده احنا اللى بنسير العملية التعليمية فى المحروسة كلها
فكيف يعاملونا هكذا؟

شيرين عجوه · #**112** 02-07-2010, 10:53 PM

الغربية كمان معاكم ححاول أوصل صوتكم للجميع وربنا معانا

اشرف عبد الحى · #**113** 03-07-2010, 12:35 AM

شوفوا فيه ناس كتيرة مش بتستعمل الانترنت, فلازم احنا نكلم كل اصحابنا و نقنعهم بالفكرة.
و لازم انت نفسك زميلى و زميلتى من اعضاء المنتدى تكون مقتنع بالفكرة علشان تقدر تقنع غيرك بيها
لانه خلاااااااااص طفح الكيل و لا يمكن ان نعمل بدون مرتب, هو 300 جنيه دولا هيأكلوا عيش حاف حتى!!؟
الموضوع عاوز شوية وعى و ثقافة التظاهر السلمى للاسف مش عند الشعب المصرى و قد يسخر منها, لكن صدقونى ما ضاع حق وراءه مطالب
يا ناااااس أين المتعاقدين ده احنا عددنا أعتقد اكبر من جيش اسرائيل ؟
احنا معلمى مصر المحروسة.

و ده أهم لينك
http://www.facebook.com/group.php?gi...3357265&v=wall
اضغط عليه و تعالى معانا فى
وقفة المعلم المساعد
25 / 7 / 2010 أمام وزارة التربية و التعليم

malkhamza · #**114** 03-07-2010, 01:05 AM

انا معاكم ونظم اعتصام فى طنطا

محمد عبد الله السايح · #**115** 03-07-2010, 01:14 AM

هو ده الكلام يارجاله . أنا من أسوان / إدارة دراو التعليمية . إن شاء الله أسوان كلها معاكم وأنا أولهم . بس المهم نكون جادين فى الموضوع . ولازم نبلغ جميع وسائل الاعلام المرئية والمقروءة بميعاد الوقفة 25 /7 . كفاية بقى ذل ومهانة . لازم ناخد كل حقوقنا فى بلدنا يإما يبقى ملناش عيش فى البلد دى وندور على غيرها احسن . ومحدش يخاف لان احنا صلب العملية التعليمية ومن غيرنا التعليم هيوقف والمدارس ستصبح خاوية . لان جميع المدارس على مستو الجمهورية أغلبها متعاقدين . وربنا معانا. والله المستعان. وعلى بركة الله سنتوكل . وياريت نبقى ايد واحده . وارجو التواصل للاتفاق على جميع التفاصيل.

رجب قناع · #**116** 03-07-2010, 01:17 AM

أنا معكم وكل محافظة بنى سويف وهو ده اللى كان لازم يحصل من زمان

اشرف عبد الحى · #**117** 03-07-2010, 01:20 AM

ادخل هنا و تواصل براحتك مع ابناء محافظتك فى تبويب نقاشات
http://www.facebook.com/group.php?gi...13357265&v=wal
و المهم نكون كلنا امام الوزارة الساعة 12 او حتى بعد اذان الظهر

ممدوح سليمان · #**118** 03-07-2010, 09:39 AM

والله العظيم يا جماعة هو ده الكلام الصح لان ما فيش حل غير بكده بس يا جماعة ربنا يبعد عننا المخذلين واللي مرتاحين ومبسوطين كده وفرحانين بشوية الدروس الخصوصية واللي عمالين بيلخبطوا الناس في ميعاد الوقفة ما خلاص يا جماعة اي وقت ينفع ومش لازم يناسب الكل المهم انه ثابت ما تلخبطوش الناس 25 / 7 وخلاص لأن يا جماعة ما حدش حيسأل فينا غير بكدة

أ/سلوى · #**119** 03-07-2010, 10:14 AM

فى انتظار اليوم الموعود ..... ان غدا لناظره قريب .....

امجد7007 · #**120** 03-07-2010, 11:21 AM

[quote=مايكل10;2336900]معاكم بس استقرو على يوم وفى اى وقت معاكم[/
الميعاد 25/7 فى كل انحاء الجمهوريه
بالنسبه للقاهره يكون امام الوزاره نفسها
بالنسبه للمحافظات يكون امام مبنى المحافظ وليست المديريات لان المحافظ هو اللى هيستدعى وكيل الوزاره وكمان هيبلغ الوزير والدنيا تتقلب وياريت اى حد يعرف صحفيين فى اى جريده يبلغهم من الان عشان يغطوا الخبر