استفسار غريب شويه وارجو الاجابه !

[7yatna]

السلام عليكم ورحمه الله وبركاته

اولا انا بحى كل القائمين على المنتدى دة لانه بجد مرجع كبير وموثق لكتير من المعلومات المتعلقه بالثانويه والكليات والتنسيق

ثانيا انا بتاسف للمشرفين على المنتدى ان لو الموضوع مش مكانه فى القسم دة بس الصراحه ملقتش قسم مناسب تماما للموضوع انزله فيه

الموضوع بكل بساطه كالاتى

انا حصلت على الثانويه العامه فى السنه الدراسيه 2005 شعبه علمى رياضه يعنى من فتره كبيره شويه

وحاليا دلوقتى دخلت تجاره وخلصت التجارة

ولكن كان من زمان عندى حلم انى ادخل الهندسه ( تحديدا هندسه منوف للالكترونيات )

ولكن فى الفتره دى بسبب التنسيق والمجموع وكل الكلام الجميل ده مقدرتش


بدون دخول فى تفاصيل

حاليا انا قدامى فرصه كويسه جدا انى ادرس فى امريكا الهندسه وكمان مش طالب دولى
انا معايا جرين كارد لامريكا حاليا

ومن حقى انى اتعلم فى الجامعات هناك كانى مواطن امريكي من حيث المصاريف او الشهادات

ولكن للاسف المتطلبات بردو لازم تكون كانى مواطن امريكي

والفكره انه عشان ادرس الهندسه لازم يكون معدلى التراكمى للثانويه العامه 3.47 من 4 عشان ادخل


سؤالى هنا انا ازاى اقدر احول محموعى فى الثانويه العامه لمعدل تراكمى

حاولت ادور على النت لقيت كل الكلام على الثانويه السعوديه ومفيش اى كلام عن المصريه

يعنى بالفرض انا جايب 353 من 410 ( معلش انا فاشل شويه ) و 8 ونص مستوى رفيع

يعنى المفروض 356.5 من 410 حوالى 87 فى الميه

يطلعو كام تراكمى او جى بى ايه ؟؟

لو فى طريقه للحساب او حد يكون مر بالتجربه دى او قدم على دراسه بره وعمل المعادله دى

اكون شاكر ليكم جدا

تحياتى ليكم

كريم نجيب

[vℓαмηcσ]

ان شاء الله حد بيقدر يساعدك ......
..
..

[مهاب احمد محمد]

معلش في اللي هقولوا انت ازاي جايب المجموع ده وعايز تدخل هندسة وفي امريكا كمان ازاي

[7yatna]

المشاركة الأصلية كتبت بواسطة vℓαмηcσ

ان شاء الله حد بيقدر يساعدك ......
..
..

ِكرا جزيلا ليك يا فندم على ردك

وفى انتظار رد الخبراء

تحياتى

[7yatna]

المشاركة الأصلية كتبت بواسطة مهاب احمد محمد

معلش في اللي هقولوا انت ازاي جايب المجموع ده وعايز تدخل هندسة وفي امريكا كمان ازاي

والله يا فندم لو حضرتك قريت بتمعن انى هدرس فى امريكا

وفى امريكا بلد محترمه مش بلد حفظ وصم زى بلدنا الجميله مصر

وهناك بياخدو بحاجة اسمها المجموع التراكمى او بحاجة اسمها سات اللى هوا اختبار قياس لقدراتك الرياضيه و المنطقيه

مش لازم تكون جايب مجموع فوق ال 98 فى الميه عشان تدرس هناك

يعنى يكفى تكون ناجح وتخضع لاختبار sat و اختبار gre واختبار act

وتجيب الاسكور المطلوب وتقدر تدرس

وانا الصراحه معرفش ازاى يعنى ردك التهكمى دة رديته عندى فى الموضوع

واحب اقولك كمان حاجة

انا لو فرضنا ان المجموع التراكمى المطلوب اللى هوا 3.46 من 4 تقريبا بيعادل ل 86ونص فى الميه


يعنى انا مش ضايع زى ما اانت فاهم اوى كده

على العموم متشكر على ردك

وارجو انك تسيب الموضوع لناس فاهمه هيا بتقول ايه

وانا محتاج رد على استفسارى اللى هوا كيفيه التحويل من نسبه الثانويه العامه للمعدل التراكمى

بدون دخول فى تفاصيل جانبيه

[amr_amr0182000]

فعلاً للاسف هناك بيحترموا إنساسيه الواحد وكل واحد بيشتغل الحاجه اللي حاببها مش ع قد مجموعه !! ..علشان كده ناجحين

ربنا يوفقك ان شاء الله

[7yatna]

المشاركة الأصلية كتبت بواسطة amr_amr0182000

فعلاً للاسف هناك بيحترموا إنساسيه الواحد وكل واحد بيشتغل الحاجه اللي حاببها مش ع قد مجموعه !! ..علشان كده ناجحين

ربنا يوفقك ان شاء الله

شكرا جزيلا يا فندم الموضوع مش موضوع انسانيه الفكره ان التعليم هناك غالى عشان بيتصرف فلوسه صح على الطالب عشان يطلع فاهم كويس وينتج فى المجال

وعشان يتاكدو ان الطالب هيستوعب اللى هياخده لازم يكون ليه قدرات

وهما بيختبرو القدرات دى عن طريق الاختبارات اللى ذكرتها فى رد سابق

او انهم يشوفو المعدل التراكمى اللى هوا عباره عن متوسط مجموعك مش مجرد انك فاشل طول حياتك وجيت فى الثانويه العامه غشيت او اللجنه سابت او حتى حفظت المنهج وجبت درجه كامله اما تيجي تتعلم بالذات حاجة عمليه محتاجه تفكير وفهم

مش هتعرف تتقدم

على العموم ما زال سؤالى قائم هل فى طريقه حد يعرفها انى احول مجموع الثانويه للمعدل التراكمى ( gpa )