يا طلاب هندسة ارجوكم ساعدوني

[طالبة مدرسة فرنسية]

اهلا يا جماعة, انا طالبة فى ثالثة ثانوي في مدرسة فرنسية و بحب الهندسة جدا و خاصتا العمارة و حلمي اني اكون مهندسة و ليا تصاميمي, من فترة سمعت ان فيه قسم فرنسي فى كلية الهندسة فى جامعة الاسكندرية ؟؟ الكلام ده حقيقي؟؟ و لو مفيش انا عايزة اعرف دراسة الهندسة في جامعة القاهرة او عين شمس بتبقى بانهي لغة ؟ و لو باللغة العربى مش هتبقى صعبة ولا هتعود عادي و مش هيبقى فيه صعوبة ؟؟ مع النظر اني طول حياتي بدرس المواد العلمية باللغة الفرنسية و شكلي هتخلى عن حلمي في الهندسة بسبب موضوع اللغة ده
ارجوكم بس الرد لو حد يقدر يفيدني و اسفة اني اخدت من وقتكم

[issac-newton]

اهلا بحضرتك , بالنسبة لقسم فرنساوي في هندسة الاسكندرية ما عنديش خلفية ولكن في تقديري الشخصي ما اظنش يكون فيه
بالنسبة لهندسة عين شمس من اول سنة لاخر السنة الدراسة باللغة الانجليزية
اما بالنسبة لهندسة القاهرة السنة الاعدادية باللغة العربية و دا مش معناه باللغة العربية فيما عدا مادة الرسم الهندسي و مش لغة عربية زي ما بعض الناس متصور جا و جتا و ظا و ظتا لاء هوا بس الشرح و الكتب باللغة العربية . و باقي ال 4 سنوات لغة انجليزية

انا بس عاوز اقول لحضرتك ما تتخليش عن حلمك فعلا في ناس مدارس فرنسية و لغات تانية موجودة اي نعم بتبذل مجهود اكتر ولكن بتحاول تتأقلم .
المشكلة مش كبيرة اوي زي ما حضرتك متخيلة و لكن فيه مشكلة و هي خفيفة جدا مش لدرجة تخليكي تتخلي عن دخول كلية هندسة زيها زي ما بعض الناس من مدارس لغة عربية بتخاف من الدراسة باللغة الانجليزية عاوز اقول لحضرتك انا كنت مدارس عربي , دلوقتي انا ما بعرفش افهم الرموز العربية و بحس بغرابة شديدة لما بشوف اي رموز رياضية او فيزيائية باللغة العربية .
" ربنا يوفقك ولأي استفسار انا موجود "

[طالبة مدرسة فرنسية]

thank you a lot for the help, i needed it to hear that sort of info to consider studying architecture in english, are you sure that the whole 5 years of college in Ain Shams Uni. is studied by english ?!
thanks again

[222ahmed222]

المشاركة الأصلية كتبت بواسطة issac-newton

اهلا بحضرتك , بالنسبة لقسم فرنساوي في هندسة الاسكندرية ما عنديش خلفية ولكن في تقديري الشخصي ما اظنش يكون فيه
بالنسبة لهندسة عين شمس من اول سنة لاخر السنة الدراسة باللغة الانجليزية
اما بالنسبة لهندسة القاهرة السنة الاعدادية باللغة العربية و دا مش معناه باللغة العربية فيما عدا مادة الرسم الهندسي و مش لغة عربية زي ما بعض الناس متصور جا و جتا و ظا و ظتا لاء هوا بس الشرح و الكتب باللغة العربية . و باقي ال 4 سنوات لغة انجليزية

انا بس عاوز اقول لحضرتك ما تتخليش عن حلمك فعلا في ناس مدارس فرنسية و لغات تانية موجودة اي نعم بتبذل مجهود اكتر ولكن بتحاول تتأقلم .
المشكلة مش كبيرة اوي زي ما حضرتك متخيلة و لكن فيه مشكلة و هي خفيفة جدا مش لدرجة تخليكي تتخلي عن دخول كلية هندسة زيها زي ما بعض الناس من مدارس لغة عربية بتخاف من الدراسة باللغة الانجليزية عاوز اقول لحضرتك انا كنت مدارس عربي , دلوقتي انا ما بعرفش افهم الرموز العربية و بحس بغرابة شديدة لما بشوف اي رموز رياضية او فيزيائية باللغة العربية .
" ربنا يوفقك ولأي استفسار انا موجود "

رزق حبيبي منور

[issac-newton]

اها اكيد انا واثق ان ال 5 سنين في هندسة عين شمس باللغة الانجليزية .

[issac-newton]

* 222ahmed222
حبيبي يا احمد مش هقولك ازيك انا لسا شايفك امبارح ؟ و مش هدخل معاك في حوار عشان الموضوع ما يقلبش شات