الجرح و الدموع

[Drowns in a sea grief]

مسكت قلمى و حبيت ارسم صورة
بس تكون حلوة صغيورة
ارسم وردة لأ عصفورة
طب ارسم نجمه لا بنورة
يادى الحيرة
طب ارسم حتى شجرة صغيرة
و جتلى فكرة بجد خطيرة
قلت اسيب ايدى ترسم
و قلبى يحدد نوع الرسمه و شكل الصورة

وسبت ايدى ترسم بالقلم
لكن حسيت بالندم
حسيت فعلا بالندامه
و من الناس عتاب و ملامه
اصل الصورة طلعت حزنانه
كلها جرح و الم
و عيون بتبكى
و يسيل منها دمع الندم
صوت بيصرخ من الالم
وعقل مليان بالشجن

عقل يصرخ ينادى
اسفين لجرحك يا فؤادى
فجأه حسيت بالندم
و بكل معانى الالم
حبيت اغير شكل الصورة بالألوان
و مسكت ابدع الالوان
بس جمالها ضاع فى الاحزان
مسكت الاحمر لون الورد
اللى جماله دة فوق الحد
بس قبلنى جرح القلب
كبير اوى و دا فوق الحد
و ضاع جمال لون الورد
مسكت الاخضر دا لون الخضرة
لون غصن الورد والياسمين
بس قابلنى دموع العين
لقيت عيون فعلا دبلانه
و لقتها طول الليل سهرانه
و شفت الدمع اللى عمره ما جف
من جرح قلب عمره ما خف
و ضاع جمال لون غصن الورد
بدمع العين اللى مالوا حد
مسكت الاسود ملك الالوان
لقيت الصورة كدة حلوة تمام
قلت دا اكيد لون الاحزان
لكن يا الف خسارة
الصورة كلها جرح و مرارة
بعد ما كانت صورة ورد و ياسمين
بقت قلب مجروح و دموع العين
و سميت صورتى الحزينه
الجرح و الدموع
و تركتها بين اضواء الشموع
الشمع يسيل و ينطفى و يموت
زى ما عمرى انا بيفوت
بين جرح و دمع العين
والناس حوليا ولا حاسين
بس بجد كفايا عليا
ان يكون حاسس بيا
رب العباد رب العلمين
قادر يطيب جرح القلب
و يجفف دموع العين