اذاى اغير المسمى الوظيفى

[كريمة احمد]

انا بكالوريوس علوم وتربية تم التعاقد معاى على أخصائى تطوير تكنولوجى30/5/2009 وجددت العقد على نفس الوظيفة فى 1/7/2010 وانا تعاقد سنه وعايزة اعرف اذاى اغير من تطوير تكنولوجى الى مدرسة علوم أو مدرسة أحياء اعمل ايه ؟هو علشان أغير اروح الادارة ولا المديرية ؟ وانا تبع ادارة حلوان يا ريت حد يفيدنى بالرد ؟ وشكرا ليكم

[مسيو عاطف]

معلهش فى السؤال
هو فيه اصلا تعاقد لمدة ستة وشهرين (من30/5/2009 الى 1/7/2010 )

[محمد بيولوجى5]

المشاركة الأصلية كتبت بواسطة مسيو عاطف

معلهش فى السؤال
هو فيه اصلا تعاقد لمدة ستة وشهرين (من30/5/2009 الى 1/7/2010 )

معلشى فى السؤال هو ده المهم يعنى ( العقد بسنه وسته شهور )وايه يعنى الاستاذه عاوزه الحل مش ...........

[مسيو عاطف]

يا استاذ محمد انا باستغرب ان ازاى جددوا العقد قبل السنتين ما يكملوا
فهمت يا .... باشا

[مدرسة الانجلش]

طيب وعايزة تغيري المسمي الوظيفي ليه
هو حضرتك امتحنتي كادر ؟

[طارق حامد2]

ممكن تشوفى المديرية حتفيدك أكتر

[العروبة2]

تمام هو حضرتك امتحنتي كادر 20/11

[مستر /سامح على عبد العظيم اليمانى]

إسألى فى المديرية

[marwasamy]

عادى ماهو بردة نفس اللى حصل انا تعاقدت بعقد مميز من تاريخ 1/2/2009 ومكتوب نهايتة 30/6 /2010 ولسة ما دخلتش الكادر ومشعارفة جددوا تلقائى ولا لا انا من دمياط

[leprince2010]

انتى بتحلمى يا كريمة ............ بس بجد الموضوع شبة مستحيل مع غبااء المسئولين الموضوع باختصار لازم تجيبى موافقة مدير المرحلة اللى انتى فيها لوكان تحويل من مرحلة الى مرحلة ودة بيكون مستحيل لو كان ابتدائى بسبب غباء بتوع الابتدائى الحاصلون على مؤهلات متوسطة وكمان لازم موافقة التوجية . الموضوع محتاج وسايط جامدة جدا انا ماشى فى الموضوع دة من سنتين . ولسة يا مسهل

[أ/محمد على عاشور]

المشاركة الأصلية كتبت بواسطة leprince2010

انتى بتحلمى يا كريمة ............ بس بجد الموضوع شبة مستحيل مع غبااء المسئولين الموضوع باختصار لازم تجيبى موافقة مدير المرحلة اللى انتى فيها لوكان تحويل من مرحلة الى مرحلة ودة بيكون مستحيل لو كان ابتدائى بسبب غباء بتوع الابتدائى الحاصلون على مؤهلات متوسطة وكمان لازم موافقة التوجية . الموضوع محتاج وسايط جامدة جدا انا ماشى فى الموضوع دة من سنتين . ولسة يا مسهل

الله ينور اجابة قاطعة

[كريمة احمد]

شكرا يا جماعة

[zemosat]

يا جماعة الوزير سمح بتغيير المسمى الوظيفى للناس اللى تخصصاتهم تخالف المسمى الوظيفى فى عقودهم واتبعتت اشارات للمديريات والإدارات بكدة والإخوة ذكروا هذا الكلام من قبل على المنتدى

[ohg] hgslvm]

الاخت كريمة/لمعلوماتك أنا سجلت مخصوص عشان أقولك ممكن تعملي إيه ويجي خير إنشاء الله
مبدئياً إنت أخصائية تطوير يعني تحويلك سهل جداً:
1بيان من توجيه مادتك إن فيه عجز في المادة سواء من توجية الابتدائي أو الاعدادي أو الثانوي
2-بعد كدة بتجيبي موافقة قسم التطوير علي تغيير المسمي الوظيفي والسماح بالنقل
3-في النهاية شئون العاملين والتعاقدات في المديرية بتختم وتوافق
4-إذا من 2-3لم يوافق عليك وعلي 1-وكيل الوزارة عندكو
2-الشئون القانونية لإستخراج فتوي بتعديل المسمي الوظيفي بناءاً (وجود عجز بالمادة- موافقة وكيل الوزارة-أسوة بزملائك)
والله الموفق والسلام عليكم

[Mr.AI]

بجد الموضوع صعب أوي بس ممكن
أولا - لازم تجيبى موافقة مدير المرحلة اللى انتى فيها لوكان تحويل من مرحلة الى مرحلة ودة صعب لدرجة كبيرة
ثانيا -كمان لازم موافقة التوجية
الموضوع محتاج وسايط جامدة جدا
لكن أنا أعرف ناس شخصيا نقلت من مرحلة لمرحلة
وربنا يوفقك