انا معاكم لمساعده الطلاب اللي داخله صيدلة الزقازيق

[m.s.m.m.h]

السلام عليكم
الف مبروووووووووك للي دخل صيدلة الزقازيق
واللي محتاج اي استفسار اي معلومات
انا معاكم

[The Love Angel]

شكرا جزيلا
انا داخلة صيدلة الزقازيق السنة دي انشاء الله
عايزة اعرف اكتر عن المنهج وبكل صراحة كدا مبنى قاعة المحاضرات نضيف ولا مقرف xD
وايه طريقة التعامل مع الطلاب بالنسبة للدكاترة
وبشكل عام انا كنت عاملة حسابي على طب بس التنسيق الغريب ده حرم ايلى جايب 98.7 من طب
فا انا عايزة احب صيدلة بصراحة واسمع عنها حاجات كويسة تحفزنى ليها

وشكرا لحضرتك

[m.s.m.m.h]

المنهج عباره عن 6 مواد في الترم الاول
1-كيمياء عضوية (لازم تفهميها عشان تعرفي تذاكريها )
2-عقاقير (رخمة شويه حفظ )
3-صيدلانيات (هتحسسك انك في صيدله ودي معظمها حفظ بس سهله )
4-كيمياء تحليلية (سهله بس مذاكرة اول باول )
5-كيمياء عامة وفيزيائية (ودي سهله جدا )
6- لغه (هتذاكريها قبل الامتحان بس مش مهمه يعني )

[m.s.m.m.h]

من حيث مبني المحاضرات فهو شديد الحرارة صيفا
دافئ شتائا
المدرجات في الكلية بتاعتنا كويسه ونضيفه المشكله انها صغيرة
بس لو العدد كبير ممكن تروحوا مدرج طلبه عويضه وده ف كليه علوم وده بقي مش نضيف خااااالص بس كبير

[m.s.m.m.h]

بالنسبه بقي للتعامل من الدكاتره فيه دكاتره هتحسي انهم فعلا بيشرحوا بضمير وبيتعاملوا مع الطلبه عادي كانهم اولادهم
وفيه دكاتره من النوع التاني اللي احنا عارفينه
وكله بيتوقف ع اسلوب الطلبه في المدرج بيتكلموا والدوك بيشرح عاملين ازاعاج ده بيلبس الدفعه كلها ف الحيطه ويجي امتحان زي الفل ميتحلش

[. Nour eleman]

اريد ان اعرف
موعد التقديم للجامعة
وما هي الاوراق المطلوبة

[m.s.m.m.h]

** هي دي الاوراق المطلوبه من الطلبه علشان التقديم **
(( ملاحظه : يتم تسليم الاصول والمصور من الاوراق المطلوبه ))
- بيان النجاح 4 صور
- البطاقه الشخصيه
- شهاده الميلاد الاصليه 4 صور
- نموذج 2 جند للذكور فقط
- 6 صور شخصيه
توضع الاوراق فى دوسيه بلاستيك
الرسوم الدراسيه 120 ج + 10 ج كشف طبى
على من يرغب فى التحويل عليه الانتظار حتى بعد نتيجه التحويل
للسؤال على وصول كشف المستجدين للذهاب لتقديم الاوراق بالكليه الاتصال بالرقم 0552361372

[mr_mody]

طب لو سمحت انا ان شاء الله هدخل صيدلة الزقازيق بمجموع 404.5 بس عايز اعرف بالنسبه للمدينه الجامعية امتى هقدملها

هل هقدملها بعد العيد مع الملف ولا لازم الحق بسرعه وقدم قبل العيد ؟؟؟

يا ريت الرد بسرعه علشان الموضوع ده شاغلنى جداااااااااا !!!!!!!!!!!!!!!!!!!!!!!!11