|
#16
27-08-2012, 03:16 PM
|
||||
|
||||
بصى يا حيبتى انا راى فى كلية العلوم ان الكلية دية ام كليات العلوم كلها وصيدلة وهندسة وغيرة دة اختصاصات متفرعة من كلية علوم وخاريجنها مطلوبين وبذات بتوع الكيمياء يعنى مثلا بابا عايز واحد كيميائى لسة خاريج جديد من علوم يتدرب على ايد واحد ويسافر برة يكون مندوب لمصر هناك اوكى شوفى الرتب وكمان تجارة فى الكيماويات يعنى بيعلا كل شوية ماشى ديه علوم ونصحتى ليكى بقى ياجميل انتى مش بتحبى الاحياء ادخلى علوم بيولوجى عارفة هاتقوليلى انك عايزة تبقى دكتورة واحدة واحدة بس عالية ادخلى علوم وابقى معيدة وبعدين دبلومة وماجستير وبعدين اسمك دكتورة فى عين اى حد يقدر يتكلم وكمان احسن مايتقال دكتورة بس دكتورة فااااااشلة صح ويقولو لا اوعى حد يروح عندها دية فاشلة ومابتحبش ماجالها صح ادخلى حاجة بتحبيها وحبيها وتفوقى فيها هاتقوليلى مشوار طويل وانتى وراكى دة حلمك واشتغلى عالية اوكى فكرى فى اللى قولتوهلك وقوليلى رايك انا عن نفسى بصراحة ماكنتش عايزة علوم علشان اكون واضحة ولو عرفتى كنت عايزة ادخل هاتضحكى عالية كنت عايزة فنون تطبيقية او جميلة بس المجموع حاجة مالهاش دعوة بالعلوم بس انا كنت بحب الرسم والجرافيك والكلام دة بس انا كنت فى ثانوى عايزاها بشدة بس كنت بقول لنفسى هو انا ممكن اعرف افيد الاسلام والمسلمين منها مممممممممممم فكرت قولت اكيد انت شاء الله ولما ربنا قدرلى الكلية دية قولت اكيد فيها الخير اكيد ربنا تدبيرة فينا عجيب وقولت لنفسى باردو اكيد الكلية دية هاقدر افيد بيها الاسلام والمسلمين والوطن اللى انا عايشة فية بس هى دية حكايتى مع الكلية ونظرتى اتغيرت من ناحيتها بعد ماكنت باكرها ودلوقتى حابيتها بس مافيش حاجة معينة انا عايزاها دلوقتى بس قولت ساعتها هابقى استخير وربنا باردو اللى يقدرو لية هو دة الخير فانت خلاص استسلمى للربنا قدرهولى وقلبى المحنة منحة ليكى واكيد صدقينى هاتبقى حاجة ماكنتيش تتخيلى انك هتكونية ماشى حبيبتى دة وجهة نظرى عن الكلية وماتنسيييييش ان الدكتووووووووور العااااااالم احمد زويل خاريج منها هاااااااااااا اوعى تنسى دية وتخيلى بقى مين احمد زويل وغيرة من العلماء خاريجين من الكلية دية فتفائلى بالخير تجدية
__________________
|
|
#17
28-08-2012, 05:12 AM
|
|||
|
|||
|
اقتباس:
انتى كلامك زى الفل بس مش سهل ابدا ابدا انى ابقى معيده فى كليه علوم ..وحاجه مش مضمونه ابداااا يعنى انا مش عايزة اوهم نفسى بحاجات بعيده عنى خالص ..لان اللى بيبقى داخلها وحاببها وبيجيب مجرد تقديرات ..يقولوا عليه ماشاء الله ده شخص متفوق جدا ..ده مش بيشيل ولا ماده بالرغم من صعوبه الكليه .. وبيجيب تقديرات (وتبصى ع التقديرات تلاقيها فى الاخر جيد ..) انا طبعا والله مش باحب اى حاجه اعقدها كده .. بس انا باقول اللى شايفاه .. وهافكر فى كلامك تانى برضه ع موضوع البيولوجى .. بس تعرفى عجبتنى اووى الحته دى (واقلبى المحنه منحه ) ...  بس خلينا واقعين ونتكلم من خلال اللى حوالينا ..ينفع الواحد يتعشم انو يبقى معيد فى الكليه دى ؟!
|
|
#18
28-08-2012, 03:06 PM
|
||||
|
||||
|
اقتباس:
وعايزة اقولك حاجة هم كل اللى المعيدين اللى بقو معيدين فى الجامعة عندهم حاجة ازيد من عندنا ولا احنا ناقصين عقل ولا حاجة وعلى العموم يكفينا شرف المحاولة المحاولة بجد وخالى عندك يقين فى الله عز وجل واتعرفى على صحبة صالحة تعينك انا والله الكلام اللى قولتية بقولو لنفسى ساعات بس خالينى اتفاؤل واتوكل على الله واحاول مانعرفش الايام اللى جاية فيها اية وقبل كل حاجة اعملى استخاااارة هاترتاحى جدا جدا جدا والله وهاترسى على اللى انتى عايزاة صدقينى واسال مجرب وابقى قوليلى انتى فى جامعة اية علشان لو حلوان نبقى نتصاحب ولا حاجة ماشى ياحبيبتى وانتى ماشاء الله عاليكى شكلك انسانة بتحبى النجاح وبتسعى الية خاليكى على كدة وزيدى اكتر وقبل واتتحدى اى حد اتحدى نفسك انتى انا عارفة الكلام سهل والفعل صعب وانا من النوع اللى بجرب وافشل كتير بس باحاول كتيير باردو ولا ياس مع الحياة ولا حياة مع الياس
__________________
|
|
#19
29-08-2012, 01:59 AM
|
|||
|
|||
|
اقتباس:
انا بارتاح اوووى لكلامك والله ..ا نا لسه والله مش عارفه هارسى ع جامعه ايه هو من الاخر يالسن عين شمس او علوم حلوان .. بس لو بقيت علوم حلوان يبقى فعلا لازم اشوفك .. ده شرف ليا والله لما نكون اصحاب..ولما اقرر الجامعه بتاعتى هتبقى ايه ..هاقولك هنا فى الموضوع ده . .وربنا ميحرمنيش من كلامك الحلو ده
|
|
#20
29-08-2012, 04:33 PM
|
|||
|
|||
|
بصي يا سالا
- اقلعي بس معلش النظاره السودا اللي انتي لبساها دي وخلينا نتكلم بالراحه - الكليه مش معضله أوي كده والدليل على ده اني أعرف عدد مش قليل في دفعتي جايبين امتياز والتقديرات عامه عاليه بالنسبه لسنه اولى بس الي هيفرق معاكي ويميزك عن غيرك في الكليه دي درجه حماسك و استعدادك للمذاكره وعدم سخطك الداخلي على الكليه ورضاك عن نفسك وعن مستقبلك .. صدقيني لو طوعتي الحاجات دي ليكي وتفرق معاكي جدا عشان كده لازم تكوني مقتنعه بينك وبين نفسك انك كل ما تذاكري وكل ما تتعبي هتلاقي المقابل وان امتياز مش حاجه مستحيله طول ما انتي مش بتحطي العقبات بنفسك قدام طريقك لو استصعبتي حاجه لازم هتلاقيها صعبه اهم حاجه في أي كليه تعرفي هتذاكري ايه ومنين وتفهمي شخصيه الدكتور وتروحيله مكتبه وبسأليه في اللي انتي مش فهماه وتقربي من المعيدين والطلبه اللي اكبر منك في الكليه تعرفي كانوا بيذاكروا ازاي يتاخدي الايجابي منهم مش شرط تذاكري بنفس طريقتهم بالظبط لان الاسلوب بيختلف من شخص للتاني .. بس الأكيد انك هتتعلمي منهم ومش بعيد تبقي زميلتهم في الجامعه وتتعيني معيده وده مش حلم ولا حاجه
|
|
#21
29-08-2012, 04:38 PM
|
|||
|
|||
|
تاني حاجه انتي لازم تدرسي الحاجه اللي انتي بتحبيها.. ولو انتي بتحبي فعلا الاحياء اوي كده .. ودخلتي قسم ( بيولوجي --> حيوان ) وتفوقتي واتعينتي معيده انتي ممكن بعد كده تدرسي لطلبه صيدله وتبقي دكتوره واحسن منهم .. ولو حتى ما اتعينتيش انتي لو حضرتي ماجستير ودكتوراه تبقي من أعضاء هيئة التدريس في الجامعه .. ولو لا قدر الله لا ده ولا ده قدامك تشتغلي في معامل للأجنه وهتبقي متميزه في تخصصك لأن مفيش كليه تانيه تقدر تنافسك وتبقى بنفس كفاءتك .. وهتبقي درستي الحاجه الي انتي بتحبيها وخدتي اللقب اللي انتي عايزاه واشتغلتي شغل يليق بدراستك العلميه
- الفكره انك لما تدخلي علوم او اي كليه لازم تحبيها بمعنى الكلمه .. بس علوم مجالات الشغل واسعه فيها جدا ولو دخلتيها هيبقى عندك أمل تحققي حلمك لكن لو دخلتي ألسن هتبتدي تدوري على حلم جديد ومش هيبقى عندك دافع
|
|
#22
29-08-2012, 04:51 PM
|
|||
|
|||
|
بس بجد اهم نصيحه خدتها من الأكبر مني وطلع معاهم حق فيها جدا .. ان مصدر مذاكرتك الي هو غالبا ورق المحاضرات تكوني بتجهزيه طول الترم .. المهم ان ليله الامتحان يكون معاكي مصدر كامل واثقه فيه بتذاكري حتى وان استعنتي بورق كورس جنبه او حد تاني كاتب المحاضرات عشان لو في سهو في حاجه او في حاجه مش مفهومه
وانك طبيعي هتبقي حاسه انك محتاسه أول ترم بس ده طبيعي جدا وبيحصل في أي كليه بس اهم حاجه ماتتسرعيش وتحكمي على الكليه انها صعبه ومعقده من خلال ده انا حاولت اديكي الصوره اللي عندي من الكليه من خلال تجربه سنه فيها .. مش شرط أكون عملت كل اللي انا بقولك عليه ده .. بس على الأقل عايزه طلبة سنه أولى يعملوه من أول سنه بدل ما أنا بعمله من تاني سنه وعلى فكره حتى ألسن محتاجه مذاكره كتير خاصه لو خدتي لغه جديده عليكي.ومحتاجه حب أوي للغه عشان تقدري تذاكريها لإنك هتدرسي تاريخهم وآدابهم انا بقولك ده لان واحده صاحبتي كانت واخده صيني وماحبتهوش فامقدرتش تنجح فيه وهتبتدي السنة الجايه لغه تانيه انا مش بقولك المثل ده عشان أقولك ان ألسن وحشه وصاحبتي ما نجحتش فيها،لأ.أنا بقوله عشان أقول ان أي حاجه محتاجه (جهد وحب)
|
|
#23
01-09-2012, 03:56 PM
|
|||
|
|||
|
جنه انتى حفزتينى اوووى للكليه وانا استفدت من حاجه مهمه اوووى قلتيها على موضوع مصدر المذاكرة ..
انا فعلا كنت باقول بتوع الجامعه دول هيذاكروا منين ولا منين (من المحاضرة ولا من الملازم ولا من الكتب!! ) وانا فعلا لو دخلت السن هيضيع حلمى ..وهابقى ماشيه فى سكه تانيه جديده خالص ..بس انا عايزة بجد اتعرف عليكى ..انتى شخصيه محترمه خالص..  هو انتى فى جامعه ايه وتخصص ايه ؟
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:56 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
