|
#61
23-03-2011, 01:39 PM
|
||||
|
||||
اقتباس:
اولا بشكر العضوة المميزة h.M على اختيااارهاا لشخصى ثانيااا نقاااط التحول كتيرررررر اول حااااجة هى الثااانوية العااامة ويمكن كنت مهمل شوية
وما حققتش اللى كنت عااااوزه لكن الحمد الله تااانى حاااجة الجااامعة لانهااا مجتمع مفتوح الشخص بيستفاااد منه كتيررر اهم حااااااجة هى سفرى لشرم الشيخ وعملى هناااك عن طريقهااا عرفت ناااس كويسة وجداااااا وناااس تانية بتاااعت مصالحهاااا واتعرفت على ثقاااافات مختلفة ولغااااااات مختلفة هتفيدنى فى المستقبل ان شاااء الله كفااااية كده بقاااااا شكرررا لحضراتكم على الموضوع الجميل
__________________
 
|
|
#63
23-03-2011, 02:12 PM
|
||||
|
||||
|
اناا هختااار
المشرف المميز والموهوب محمد حلمى
__________________
|
|
#64
23-03-2011, 06:38 PM
|
||||
|
||||
|
اقتباس:
ربنا يخليك يا محمود ..بجد بشكرك جدا على كرمك الجميل ^^ نقطة تحول ؟ مممم... مش عارف أبدأ منين ؟ بس بجد فى نقاط تحول كتيييير اوي فى حياتى لو اتكلمت عنها مش هخلص.. 1. مرض والدتي .. ساعتها عرفت هي بتتعب علشانا أد ايه و أحنا مش حاسين.. بس الحمد لله كانت فترة و عدت ربنا لا يعودها أيام ولا حد فيكوا يشوفها .. آمين يارب 2. وفاة جدتي .. بجد يمكن أصعب حاجة مرت عليا فى حياتي .. و الله لو أقولكم انها كانت جدتي و صحبتى فى نفس الوقت مش هتصدقوا .. بجد كانت تحبنى اوي و كانت تحكيلي على حاجات كتير و انا كنت اقولها على حاجات مش بقولها لحد و كنت بحبها حب لايمكن وصفه .. بجد مش عاوز أفتكر حاجة تاني لاني اول مافتكرتها زعلت جدااا.. اول عيد أم السنادي منجبلهاش هدية .. ربنا يرحمك ياااااااااااااااااااااااااااااااااارب و يغفرلك و أشوفك فى الجنة باذن الله تعالى و جميع موتى المسلمين اللهم آمين . 3. أولاد أختي , و أبن أخويا .. كانوا نقطة تحول برضه .. ساعتها حسيت انى كبرت و عجزت  لا بجد حسيت ان ليا أخوات صغيرين .. أصل انا أصغر واحد  أتعلمت منهم الصبر و الله .. كل شوية أعمل كذا يا " حمــّـــد " :D انا : حااااضر ..  4. دخولي علي منتدى الثانوية .. بجد و الله مش كلام نظري ولا مجاملة . انا استفدت حاجات كتيييييييير اوي هنا و اتعرفت على ناس جميلة جدا و محترمة جدا و الله و اتعلمت منهم حاجات كتير و طبعا مش ناسي ان المنتدى كان ليه فضل عليا بعد ربنا سبحانه و تعالي انى اكتشف بعض المواهب عندي و اكتشف حاجات معرفهاش عن نفسي.. غير ان الاشراف فيه بيدى ثقة فى النفس و مسئولية .. 5. (( مش هقدر أقولها ))أصلها خاصة بيا .. موضوع جميييييييييييييل جداااااا.... تقبلوا مرووووووووووري ^^ أختار .. - love ur live - 
__________________
C L O S E D
|
|
#65
23-03-2011, 06:53 PM
|
||||
|
||||
|
ربنا يديمها علي والدتك صحة وعافية يارب .....
وعقبال ما تشوف عيال عيالك كمان ونقولك جدو حمّد ...  وكمان عقبال ما تبقي مشرف اداري ... وبعدها تشتري الموقع كماااان  تقبلوا مروري
__________________
اللهم بلغنا رمضان اللي يفتكرني يدعيلي 
|
|
#66
23-03-2011, 08:05 PM
|
||||
|
||||
|
اقتباس:
ميرسي ربنا يخليكي ^^ ده بس من ذوقك و الله .. بس انا مش عاوز منتديات ولا حاجة شكرا ليكي مرة تاني
__________________
C L O S E D
|
|
#67
23-03-2011, 10:24 PM
|
||||
|
||||
|
اقتباس:
مرسي لاختيارك ليا يا محمد
..والف سلامه ع مامتك انا عارفه وجربت والله تعب الام دا حاجه وحشه ..بجد وصعبه ربنا يعافيهم يارب نقطه تحول ...؟؟ مينفعش نقاط تحول...!! بالنسبه ليا حاجات كتير جدا والله ..خلتني اغير تعاملي مع البشر واشوف الدنيا بمنظور تاني خالص .. كانت فيه نقاط تحول للاسوء.. ونقاط تحول للافضل.. يعني من نقاط التحول الفظيعه اللي مريت بيها ف حياتي وخلت حياتي سوده بمعني الكلمه والله .. هي اول مره يفارقني فيها اخويا ..ياااه مش قادره اوصف كانت حالتي ايه ..بجد تعب جدا.. كانت لحظه فظيعه لما كان خلاص هيمشي ويسبنا .وكنت بقول لسه اللحظه دي مش هتيجي وجت اللحظه ..دي ..وودعته وسابني ..واخر كلامي معاه .كان صعب جدا وفارقني بسبب الايام ..كان اول فراق ليا ف حياتي عشت بعده الالم والحزن وكنت بشوف الدنيا دي كانها النهايه وكتبت ساعتها حاجه ممكن انزلها ف المنتدي ..من 2009 .24.4 تقريبا .. بجد ربنا لا يعدها ..لحظه .. من نقاط التحول اللي خلتني ابقا قويه ف الحياه برده ..ومازالت.. هي اخويا ..الكبير ..احمد بيقعد يفهمني الدنيا ماشيه ازاي .. والاحداث اللي ف الحياه والانسان لازم يتغير.. وهو رحيم عليا جدا..والله مشفتش اخ ذيه ..ربنا يحميه بحس انه مش ذى اي حد يصاحب اخته .. ولما يحب يغير فيا حاجه مش كويسه .. بيغيرها بطريقه غير مباشره ولا يزعق ولا اي حاجه من دي خالص وساعت بكلمه او اي حاجه بسيطه منه بيبقا مفعولها .. اقوي من اخ قعد يزعق ف اخته علشان تغير حاجه ..لمده سنه احمد من نقاط التغيير ف حياتي للافضل ...بالرغم من انه كان برده نقطه تحول ضعف بس مكنش بسببه من الحاجات اللي خلتني اتغير برده حاجه هي من الحياه .. بجد غيرتني للافضل وخلتني اعيد حساباتي ..وخلتني احب نفسي .. لانها حبتني بجد ..بس بعدها كسرتني ومرضيتش تواجهني .. ووفاه عمي ووفاه ابن عمي .. كانت ايام سوده ماتوا ف سنه واحده وابن عمي كمان ف حادثه .. بس حاليا اقوي نقطه تحول ف حياتي .. هي حبي لربنا .. بحس بعلاقه بجد مش ممكن وصفها رغم تقصير الانسان ف كتير من الاوقات واكيد كمان المنتدي الجميل دا ..غيرني بجد والله.. وحاليا ..بقرا كتاب لابراهيم الفقي بجد غير حاجات كتير ولسه بحاول اخلصه هو the power self-mastry قوه التحكم ف الذات.. وكمان كتب التنميه البشريه بتغيرني .. انا رغيت كتير ..وكمان شكلي بتهرب من المذاكره .. بواجه نفسي بالواقع تنميه بشريه بقا بجد توبيك هايل صحيح هختار الاستاذ هاني الشرقاوي..
__________________
 the child in me will never go .. ! Closed نـــاس بترقص .. ونــاس بتموت .. وأعلي صوت ف الحفله صوت السكوت!
|
|
#68
24-03-2011, 11:49 AM
|
||||
|
||||
|
اقتباس:
تقبلوا مروري ...
__________________
C L O S E D
|
|
#69
24-03-2011, 04:43 PM
|
||||
|
||||
|
ما شاء الله ده الموضوع سخن انا عيزاكوا كده تزيدوا لحد ما كل اعضاء المنتدى تشارك فيه .
__________________
الحمد لله رب العالمين.. خلق اللوح والقلم.. وخلق الخلق من عدم.. ودبر الأرزاق والآجال بالمقادير وحكم.. وجمل الليل بالنجوم في الظُلَمّ .
|
|
#70
24-03-2011, 05:19 PM
|
||||
|
||||
|
اقتباس:
أشكرك ..... نقطة التحول فى حياتى بدأت فى سنة 3 ثانوى واستمرت بعدها شوية اول ما النتيجة ظهرت طلعت نتيجتى 93.7 فى المية وكانت صدمة كبيرة جدا ليا لكن بعد التظلمات وصلت النتيجة لحد 98.3 تخيلوا  الحكاية بدأت لما عرفت بنت فى الثانوية ... ومش عارف انا فعلا كنت بحبها ولا انا كنت فى حاجة للحب البنت دى جابت مجموع تدخل بيه كلية الطب ... رحت معاها الجامعة فى أول يوم ... طول السكة عمالة تحلم بالمرضى اللى هتعالجهم ... والناس اللى هتساعدهم قدام الجامعة ... عربية خطبتها وماتت .... بعد كام شهر عمى ( اكبر منى ب 5 سنين ) اتجوز ... وبعد الجواز بكام يوم مات هو وعروستة فى حادثة الاحداث دى فى البداية كانت أمر مفجع بالنسبة لى لكن مكسرتنيش صحيح شوشت على فكرى .. وبقا همى الشاغل فى الحياة هو ( الموت ) فضلت أقرا على الموت فى الفكر الرومانى واليونانى وعند الفراعنة وفلسفة الموت فى الفكر الإسلامى والمسيحى .... إلخ .... وكانه واحد اعرفه كنت متعود كل يوم جمعة اروح مركز الشباب بعد الفجر وأنا صديق ليا اسمه محمود ونفضل نعلب كورة لحد الساعة 9 او 10 وبعدين نرجع وفى يوم جمعة .. رجعنا بدرى شوية وكان فيه شبورة إلى حد ما ماشيين على الطريق الأسفلت .. بنشوط الكورة لبعضينا .. ولازم كل واحدة يلمسها مرة واحدة بس انا شطوت الكورة جت فى وسط الطريق ... محمود عايز يجيبها بسرعة ... عربية خطبته ... مات هنا بقا البداية فى وقت الحادثة حسيت إنى فقدت البصر والسمع وتقريبا أغمى عليا بعد شوية بقيت أشوف كل حاجة كبييييييييييييييرة وبعييييييييييدة جدا أبص لإيدى احس إنها اد الجبل وتقيلة .. تقيلة جدا أجئ أنام بالليل .. أبص للسرير احس إنه اد الدنيا كلها ... طبعا مكنتشى بنام أصلا ... ناهيك عن الكوابيس المؤلمة وكنت فى الوقت دا اى حاجة بتتحرك على الأرض بخاف منها سيطر عليا إحساس غير عادى من الخوف .. وأحيانا كنت بشعر إننا مش فى الدنيا .. او فى عالم تانى مش عارف إيه هو مرضت مرض نفسى شديد ... وفضلت فترة اتعالج منه ... وأقسى مراحل العلاج دى لما كان الدكتور بيعرضنى للكهرباء ... عشان انسى الاحداث القريبة مش البعيدة ... إزاى مش فاهم ورغم الألم اللى سببتهولى ... لسه فاكر كل حاجة ... وبالمناسبة الشهر اللى مات فيه محمود كان هو الشهر دا .. ربنا يرحمه بقا اعتقد إنى دى أصعب نقطة مريت بيها فى حياتى ... ولا اتخيل ولا أتمنى إنه فى ظروف تانية مشابهة ممكن أمر بيها وربنا يبعد عنكم جميعا شرار الاحداث ومصائبها
__________________
يا رب
|
|
#71
24-03-2011, 05:50 PM
|
||||
|
||||
|
اقتباس:
بس عليك دلوقتى اختيار من بعدك و تبليغه برساله خاصه .
__________________
الحمد لله رب العالمين.. خلق اللوح والقلم.. وخلق الخلق من عدم.. ودبر الأرزاق والآجال بالمقادير وحكم.. وجمل الليل بالنجوم في الظُلَمّ .
|
|
#72
24-03-2011, 06:14 PM
|
||||
|
||||
|
أختار ... تسابيح النجوم
__________________
يا رب
|
|
#73
26-03-2011, 04:06 PM
|
|||
|
|||
|
شكراا ياحاج محمد
ادبست أنا في حياتي أكيد نقاط تحول ليس نقطة واحدة.... في 2007 في شهر سبتمبر تقريباا كان فيه مسابقة في المكتبة وبما اني كنت مقيمة في المكتبة ومتصاحبة علي الأستاذ وكمان من جماعة المكتبة (بوضح لكم المشهد )المهم المسابقة بتشتمل ع فروع كثيرة ومنها القصة وانا بذاكر بالليل جالي فجأة كدا الإلهام وقعدت اكتب وفجأة رحت لزوجة عمي وقلت لها علي الكلمات الهبلة اللي انا كتبتها ....قعدت تقولي جميلة جداا جداا ...كملي وشاركتني بأفكارها ...وفعلا رحت وقلت للأستاذ إزاي أنا اكتب قصة وكداا كان بداية لا بأس بيها وأصحابي كلها بقولوا سعداء بقصة دي ... واكتشفت اني عندي موهبة زي ما انا بقول لم تصل بعد للمرحلة بس فيه بذور ...ومن يومها مصدعة زوجة عمي وبقولها يامكتشفة المواهب واكتب وروح اعرض عليهاوتزدني بأفكارها الجميلة ::::::::::: في ثانوي بردو امي تعبت جامد وكان الدكتور مانعها انها تتعرض لأي نار في البوتاجاز أو أي حاجة وأنا الكبيرة بئا ....جهزي نفسك بئا يافالحة كداا عشان تخوضي مغامرة مع المواعين والطبخ ومكنتش بدخل المطبخ قبل كداا وطبعا بعد معاناة أبي العزيز اللي كان بيشجعني وانا حاسة انه عايز يطلب الإسعاف قبل الأكل وتريقة أخواتي الصغيريينع الأكل ناقص ملح زايد شوية حاجات كداا اجتزت المرحلة بتميز واصبح بعرف اطبخ عرفت اد ايه الست الوالدة كانت شايلة حمل جبل ربنا يخليهالنا يارب....... ............. مرضي .... تعبت كان من شهور بجد كان تعبت فظيع فعلا كنت تعبانة جامد ....ياااااه شعور غريب حكيت اني عاجزة ومش قادرة اتحرك ...مكنتش بقدر امشي ع رجلي بجد كنت تعبانة لحظات يارب ما حد يشوفها ابداا واد ايه ان ربنا سبحانه وتعالي ادنا نعم كثير واحنا مش كنا حاسيين بيها زي الصحة وبجد الحمدلله ...ع نعم ربنا.... ::::::::: الفترة اللي انسحب فيها الشرطة من مصر ... عرفت معني كلمة أمن وأمان...؟!! مع اني كنت عايشة في منطقة آمنة كانت فيها حركات مش لذيذة لكان بعيدة عني... بس عرفت اد ايه الأمن دا نعمة جامدة وانا كنت بحس انه شيء عادي .... فالحمدلله علي نعمة الامن والأمان ... :::::::::: أيام 2008 الحرب علي الحبيبة غزة الجريحة ... أصعب أيام عشتها في حياتي كنت في ثانوي وقتها ومكنتش بهتم بأي اخبار ولا حتي اعرف بلدنا فيها ايه ....دماغي مذاكرة ....أفلام هندي ومسلسلات أجنية مع شوية مصري... حياة فارغة ... وقتها كنت بتابع المشاهد والمجازر ومكنتش مستحملة الحقيقة لدرجة ان دموعي مكنتش قادرة ادريها من كثرة الحزن.. المشكلة اني كنت ماشية مع شوية ناس مغيبة عن السياسة وقتها بس يعتبر نقطة تحول في حياتي لان من وقتها وانا بتابع الأخبار مش اوي بس بدأت اتابع ويكون ليه وجهه نظر ولو بسيطة ... كفاية عليكم كداا ولو قاعدت للصبح مش هخلص وهاختار شيماء 2009
__________________
والحب له قوانين آخري..!
|
|
#74
26-03-2011, 04:30 PM
|
||||
|
||||
|
بشكرك اوى ياتسابيح على التدبيسه دى
 بس مش هنسهالك احب اقولك على نقطه التحول فى حياتى وانا كنت صغيره كنت خايبه اوى فى المدرسه وخاصه فى الحساب كنت جايبه درجه هى مش وحشه بس مش حلوه ومامتى بقا بما ان شغلها كله حسابات وشاطره فى الحساب مفكرانى كده بردو بس باب النجار مخلع المهم خدونى بالسياسه وفضلو يفهمونى فى اساسيات الحساب وكده ورحت درس كمان كان اول مره اروح درس كنت مستغربه جو الدرس ده  المهم جيت فى الترم التانى جبت الدرجه النهائيه فى الحساب وفى معظم المواد كنت جايبه فيها الدرجات النهائيه فرحت اوى ومن ساعتها بقا دخلت الاعدادى وبقيت بطلع من الاوائل وباخد شهادات تقدير كمانكانت احسن نقطه تحول فى حياتى وفيه كتير بس دى اكتر حاجه ومشكوره ياقمر على التوبيك وبصراحه معرفش ادبس مين بعدى اعتقد كلهم ادبسو واللى عاوزه ادبسها دبستها خلاص بس فى موضوع تانى
__________________
 
|
|
#75
26-03-2011, 08:13 PM
|
||||
|
||||
|
يلا يا شيمو اخترى حد
مش عارفه ليه ببقى سعيده وانا بقرا نقط التحول اللى فى حياه الاعضاء
__________________
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:16 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
